आपतकालिन सम्पर्क नं उजुरी तथा गुनासो
प्रहरी कन्ट्रोल : १००, टोल फ्री नं.: १६६०५७५२१००
नेपा
EN
भदौ २०८३
झुण्डि मृत्यु
२०८३-०५-२२

नुवाकोट, शिवपुरी गाउँपालिका-१ नर्सोत बस्ने अन्दाजी वर्ष ४० को राम बहादुर तामाङ आफ्नो घर  अगाडी बारीमा रहेको तेजपत्ताको रुखमा प्लास्टिकको डोरी लगाई झुण्डी मृत्यु भएको जानकारी हुना साथ प्रहरी टोली खटिगई घटना स्थल सुरक्षित राखी मुचुल्का सहित थप अनुसन्धान कार्य भईरहेको ।
मानिस झुण्डी मृत अवस्थामा फेला
२०८३-०५-२१

जिल्ला सिन्धुली गोलन्जोर गा.पा.१ कुडुले निबुटार बस्ने दिल बहादुर सुनुवारको छोरी वर्ष अं.२७ की सपना सुनुवार आफ्नो बुबाको घरबाट अं.१०० मिटर पश्चिममा रहेको आफ्नै बारीको आँपको रुखमा सिमेन्टको बोराले बनेको डोरीको पासो लगाई झुण्डी मृत अवस्थामा फेला परेको छ । घटनास्थल मुचुल्का सहित थप अनुसन्धान कार्य भई रहेको छ ।
३८ ग्राम लागूऔषध खैरो हेरोइन सहित तीन जना पक्राउ
२०८३-०५-२०

जिल्ला मकवानपुर हेटौँडा उपमहानगरपालिका १५, नयाँबस्तीबाट लागूऔषध खैरो हेरोइनसहित तीन जना पक्राउ परेका छन् । विशेष सूचनाका आधारमा खटिएको प्रहरी टोलीले पूर्व–पश्चिम सडकखण्डमा चुरियामाईतर्फबाट हेटौँडातर्फ आउँदै गरेको बा.प्र.०३–००३ प.७८१२ नम्बरको मोटरसाइकल रोकी चेकजाँच गर्ने क्रममा उनिहरुलाई पक्राउ गरिएको हो । पक्राउ पर्नेमा मोटरसाइकल चालक हेटौँडा उपमहानगरपालिका १२ बस्ने २४ वर्षीय अभिषेक भ्लोन तथा मोटरसाइकलमा सवार मनहरी गाउँपालिका–३, डोढे बस्ने २४ वर्षीय आशिष घलान र २७ वर्षीय बिमल सुनार रहेका छन् । खानतलासीका क्रममा उनीहरूको साथबाट प्रतिबन्धित लागूऔषध खैरो हेरोइनजस्तो देखिने पदार्थ ३८ ग्राम फेला पारेको र घटनाबारे थप अनुसन्धान भइरहेको छ ।
रसुवा बाढी: हालसम्म ७४७ जनाको शव फेला
२०८३-०५-१९

रसुवामा आएको विनाशकारी बाढीका कारण शुक्रवार बिहान ०६:०० बजे सम्म बागमती प्रदेश प्रहरी कार्यालय अन्तर्गत ७ सय ४७ जनाको शव फेला परेको छ ।  जसमध्ये महिला १६० जना, बालिका २० जना, पुरुष २८३ जना, बालक ११ जना र नखुलेको २७३ जना रहेको मुचुल्ला गर्न बाँकी शवहरूको मुचुल्का कार्य भईरहेको । भेटिएका शवहरु मध्ये ५४ जनाको सनाखत भई सम्बन्धितलाई जिम्मा दिइसकिएको, हालसम्म  महिला १५१२ जान, पुरुष २७१३ जना  र घाईते अवस्थामा ८३ गरी कुल ४३०८ जना लाई उद्दार  गरि सुरक्षित स्थानमा राखिएको, सालसम्म मौखिक र लिखित रुपमा गरी ३२४० जनाले मानिस हराएको उजुरी प्राप्त भएको, पहिचान नभएको शवहरुको विवरण नेपाल प्रहरीको वेबसाईट अपलेड गरिएको, प्रहरीले बाढीको जोखिममा रहेका विभिन्न जिल्लाका विभिन्न घर परिवारलाई सुरक्षित स्थानमा राख्ने, विभिन्न निकाय र स्थानीयवासीको समन्वय र सहयोगमा आवश्यक उद्दार एवम् खोजी गर्नुका साथै विभिन्न स्थानमा भएको बाटो अवरोध हटाउने कार्य समेत गरिरहेको छ ।
फरार प्रतिवादी पक्राउ
२०८३-०५-१९

मिति २०८३।०५।१८ गते अन्दाजी १७:३० बजेको समयमा वडा प्रहरी कार्यालय हेटौडा मकवानपुरबाट खटिएको प्रहरी टोलीले काठमाण्डौँ जिल्ला अदालतबाट बैँकिङ कसुर मुद्धामा पक्राउ पुर्जि जारी भई वारदात पश्चात फरार रहेका चालु मुद्दाका प्रतिवादी जिल्ला मकवानपुर हेटौडा उपमहानगरपालिका ०२ स्थित संगमचोक बस्ने बिर बहादुर सुनारको छोरा वर्ष अन्दाजी ४२ को रमेश सुनारलाई खोजतलास गर्ने क्रममा निजकै घर वतनबाट नियन्त्रणमा लिई आवश्यक कारवाहीको लागि जिल्ला प्रहरी कार्यालय मकवानपुर पठाईएको  ।
खोलाले बगाई १ जना महिलाको मुत्यु
२०८३-०५-१९

मिति २०८३।०५।१८ गते अन्दाजी १९:२० बजेको समयमा जिल्ला मकवानपुर राक्सिराङ गाँउपालिका ०५ बोटबारी स्थितमा रहेको मनहरी खोलाले जिल्ला मकवानपुर कैलाश गाँउपालिका ७ डुम्बरे बस्ने बर्ष अन्दाजी ६० की कान्छि माँया चेपाङलाई (जिल्ला मकवानपुर राक्सिराङ गाँउपालिका ०३ आउले माईती घरबाट आफ्नो घर तर्फ जाने क्रममा) खोला तर्ने क्रममा बगाएको भन्ने खबर प्राप्त हुनसाथ प्रहरीको टोली खटि गई राक्सिराङ गाँउपालिकाको नगर प्रहरी संग समन्वय गरी खोजतलास गर्ने क्रममा मिती २०८३।०५।१९ गते अन्दाजी ०७:१० बजेको समयमा बगाई बेपत्ता भएकी महिलालाई बगाएको स्थान बाट अन्दाजी ५ कि.मि. तल जिल्ला मकवानपुर राक्सिराङ गाँउपालिका ५ ठाडे स्थित मनहरी खोलामा मृत अबस्थामा फेला पारेको, मृतकको आफन्त घटनास्थलमा आईसकेको, थप अनुसन्धान तथा मुचुल्काको लागी (soco) सहितको प्रहरी टोलि पुगि आवस्यक अनुसन्धान कार्य भईरहेको ।
भरुवा बन्दुक फेला
२०८३-०५-१९

मिति २०८३/०५/१८ गते अन्दाजी १७:४५ बजेको समयमा इलाका प्रहरी कार्यालय सुनौलाबजारबाट प्रहरी सहायक निरिक्षकको कमाण्डमा खटि गएको गस्ती टोलिले गस्ती गर्दै जाने क्रममा जिल्ला धादिङ निलकण्ठ नगरपालिका ०७ मर्स्याङछाप स्थित भरुवा बन्दुक रहेको भनि गोप्य सूचनाको अधारमा खोजतलास गर्दै जाँदा ऐ. स्थित खरबारी बनमा भिर पाखोमा रहेको दुई वटा ढुङ्ङाको विचको खोचमा पहेलो रंगको बोरामा मकैको ढोडले छोपी राखिएको भरुवा बन्दुक थान-१ (एक) बेवारिसे अवस्थामा फेला पारी सोको मुचुल्का कार्य पश्चात आवश्यक कारवाहीको लागी जिल्ला प्रहरी कार्यालय धादिङ पठाईएको आवश्यक अनुसन्धान कार्य भईरहेको ।
रसुवा बाढी: हालसम्म ७१९ जनाको शव फेला
२०८३-०५-१८

रसुवामा आएको विनाशकारी बाढीका कारण बिहीबार बिहान १०:०० बजे सम्म बागमती प्रदेश प्रहरी कार्यालय अन्तर्गत ७ सय १९ जनाको शव फेला परेको छ । जसमध्ये रसुवामा १२७ जना, नुवाकोटमा १७७ जना, धादिङमा ६० जना, चितवनमा ३ सय ५५ जनाको शव फेला परेको हो ।  प्रहरीले बाढीको जोखिममा रहेका विभिन्न जिल्लाका विभिन्न घर परिवारलाई सुरक्षित स्थानमा राख्ने, विभिन्न निकाय र स्थानीयवासीको समन्वय र सहयोगमा आवश्यक उद्दार एवम् खोजी गर्नुका साथै विभिन्न स्थानमा भएको बाटो अवरोध हटाउने कार्य समेत गरिरहेको छ ।
काभ्रेमा झुण्डी ३८ वर्षीय महिलाको मृत्यु
२०८३-०५-१८

काभ्रे, मण्डनदेउपुर नगरपालिका-६, सिपाघाट बस्ने गोकुल डोटेलको श्रीमती वर्ष अन्दाजी ३८ की रिता तिमल्सिना डोटेल आफ्नै घरको तेस्रो तलाको भर्‍याङको रेलिङमा नाईलनको डोरीले पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।
फरार प्रतिवादी पक्राउ ।
२०८३-०५-१७

इलाका प्रहरी कार्यालय भीमफेदी मकवानपुरबाट प्रहरी निरीक्षकको कमाण्डमा खटिएको ४ जनाको टोलीले लागुऔषध ट्रामाडोल मुद्धामा १५ दिन कैद र रु.२,०००।–(दुई हजार) भई फरार रहेका प्रतिवादी घरमा रहेको भन्ने खबर प्राप्त भई खोज तलास गर्दै जाने क्रममा जिल्ला मकवानपुर भीमफेदी गाउँपालिका-६, सिमलटार बस्ने सुजन लामाको छोरा वर्ष अन्दाजी १८ को सन्दिप लामालाई निजकै घरबाट नियन्त्रणमा लिई आवश्यक कारवाहीको लागि जिल्ला पहरी कार्यालय मकवानपुर तर्फ पठाईएको ।
मकवानपुरमा झुण्डी ३२ वर्षीय महिलाको मृत्यु
२०८३-०५-१७

मकवानपुर, थाहा नगरपालिका-३, दम्की राम्चे बस्ने रामहरी पाख्रीनको श्रीमती वर्ष अन्दाजी ३२ की पार्वती पाख्रीन आफ्नो घर देखी अन्दाजी ५०० मिटर दक्षिणमा पर्ने माझाडाँडा बनमा रहेको फलाटको रूखमा नाईलनको डोरीले पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।
रसुवा बाढी: हालसम्म ६१९ जनाको शव फेला
२०८३-०५-१७

रसुवामा आएको विनाशकारी बाढीका कारण बुधबार बिहान ०६:०० बजे सम्म बागमती प्रदेश प्रहरी कार्यालय अन्तर्गत ६ सय १९ जनाको शव फेला परेको छ । जसमध्ये रसुवामा ५७ जना, नुवाकोटमा १५५ जना, धादिङमा ५९ जना, चितवनमा ३ सय ४८ जनाको शव फेला परेको हो ।  प्रहरीले बाढीको जोखिममा रहेका विभिन्न जिल्लाका विभिन्न घर परिवारलाई सुरक्षित स्थानमा राख्ने, विभिन्न निकाय र स्थानीयवासीको समन्वय र सहयोगमा आवश्यक उद्दार एवम् खोजी गर्नुका साथै विभिन्न स्थानमा भएको बाटो अवरोध हटाउने कार्य समेत गरिरहेको छ ।
रसुवा बाढी: हालसम्म ५७४ जनाको शव फेला
२०८३-०५-१६

रसुवामा आएको विनाशकारी बाढीका कारण मंगलबार दिउँसो ०२:०० बजे सम्म बागमती प्रदेश प्रहरी कार्यालय अन्तर्गत ५ सय ७४ जनाको शव फेला परेको छ । जसमध्ये रसुवामा ४५ जना, नुवाकोटमा १५१ जना, धादिङमा ५७ जना, चितवनमा ३ सय २१ जनाको शव फेला परेको छ जस मध्ये ५५३ शवको मुचुल्का भईसकेको बाँकी रहेको शवहरूको मुचुल्का कार्य भईरहेको । भेटिएका शवहरू मध्ये महिला ११८, बालिका ९,  पुरूष २०४, बालक ७ र नखुल्लेको २३६ रहेको ।  प्रहरीले बाढीको जोखिममा रहेका विभिन्न जिल्लाका विभिन्न घर परिवारलाई सुरक्षित स्थानमा राख्ने, विभिन्न निकाय र स्थानीयवासीको समन्वय र सहयोगमा आवश्यक उद्दार एवम् खोजी गर्नुका साथै विभिन्न स्थानमा भएको बाटो अवरोध हटाउने कार्य समेत गरिरहेको छ ।
DNA परीक्षणको लागि नमुना सङ्कलन कार्य भईरहेको
२०८३-०५-१६

जिल्ला प्रहरी कार्यालय चितवनले बागमती प्रदेश जनस्वास्थ्य प्रयोगशाला भक्तपुर सेवा ईकाइ चितवन र जनस्वास्थ्य कार्यालय भरतपुर चितवनको सहयोगमा जिल्ला चितवन भरतपुर महानगरपालिका वडा नं. १० स्थितमा रहेको चितवन उधोग संघको परिसरमा विहान ०९.०० बजेदेखि १७.०० बजे सम्म भोटेकोशी नदीमा आएको बाढीको कारणले गर्दा फेला परेका शवहरूको पहिचानको लागि First Degree Relation (बुबा,आमा,छोरा,छोरी) मध्ये कुनै एक जनाबाट DNA परीक्षणको लागि नमुना सङ्कलन कार्य गरिरहेको । नोट: DNA नमुना दिन आउनु हुने व्यक्तिहरुले आफ्नो पहिचान खुल्ने कागजात र दुई प्रति पासपोर्ट साईजको फोटो समेत लिई आउनु हुन अनुरोध गरेको छ ।
एउटै घरमा २४ वटा शव फेला, मुचुल्ला कार्य सम्पन्न गरी शव व्यवस्थापनको लागि पठाउने कार्य भईरहेको
२०८३-०५-१६

नुवाकोट, भोटेकोशी नदीमा आएको बाढीका कारण प्रभावित क्षेत्रहरूमा खोजी तथा उद्दार कार्यको लागि नेपाल प्रहरीले ड्रोन क्यामेराको सहयोगमा काम गरिरहेको थियो । प्रहरीले ड्रोनको क्यामेरामा १ वटा शव देख्यो ।ड्रोनको क्यामेरामा कैद भएको विवरणको आधारमा प्रहरीको उद्दार तथा खोज टोली मंगलबार त्यसतर्फ प्रस्थान गर्‍यो । उक्त शव फेला परेको स्थान विदुर नगरपालिका-१० बेत्रावती स्थित बच्चुराम अवस्थीको घर भएको खुल्न आयो । घर वरिपरि बाढीले बगाएर ल्याएको दलदले हिलोले घेरेका कारण देखिएको शव सम्म पुग्न निकै नै कठिन देखियो । नजिकै भग्नावशेषबाट प्रहरीले जस्ताको पाता, काठ, डोरी लगायतको सामाग्री एकजुट गर्‍यो । दलदले हिलो माथि उक्त सामाग्रीहरू प्रयोग गरी प्रहरी निरीक्षकद्वय महेन्द्र दर्नाल र युवराज कटुवालको टोली शव भएको उक्त घर सम्म पुग्न सफल भयो ।  उक्त घरमा प्रवेश गरे पछि फेला परेको शव नजिक थप शव हुनसक्ने आशंकामा खोजी गर्ने क्रममा अन्य २३ वटा शव समेत फेला पर्‍यो । फेला परेका शव मध्ये १ बालिका, ११ वटा पुरूष र १२ वटा महिलाको शव रहेको छ । शवको मुचुल्का कार्य सम्पन्न गरी शव व्यवस्थापनको लागि पठाउने कार्य भइरहेको छ । दलदले हिलोका कारण उक्त स्थानमा शव व्यवस्थापनको लागि हेलिकप्टर नै आवश्यक रहेको हुँदा निकै कठिनाई भइरहेको छ ।  उक्त क्षेत्रमा नेपाल प्रहरीले स्थानीय तह, एवम् अन्य सुरक्षा निकायको समन्वयमा निरन्तर रूपमा खटिई उद्दार तथा खोज कार्य गरिरहेको छ । 
लागुऔषध सहित एक जना पुरूष व्यक्ति नियन्त्रणमा
२०८३-०५-१६

जिल्ला प्रहरी कार्यालय मकवानपुरबाट प्रहरी सहायक निरीक्षक, इलाका प्रहरी कार्यालय पशुपतिनगर मकवापुरबाट प्रहरी नायव निरीक्षक, अस्थाई प्रहरी पोष्ट हटिया मकवानपुरबाट प्रहरी नायव निरीक्षक र अस्थाई प्रहरी पोष्ट हरियाली मकवानपुरबाट प्रहरी सहायक निरीक्षकको कमाण्डमा खटिएको संयुक्त टोलीले जिल्ला मकवानपुर हेटौंडा उपमहानगरपालिका-१६, पुर्बेली दमार बस्ने नारायण सिंह बोम्जनको छोरा वर्ष अन्दाजी २१ को रंजन बोम्जनको सुत्ने कोठा खान तलासी गर्दा कोठामा झोला भित्र लुकाइ छिपाई राखेको अवस्थामा लागुऔषध ट्रामाडोल ४,८६० (चार हजार आठ सय साठ्ठी) ट्याब्लेट, एन्टिकफ १,०२६ (एक हजार छब्बिस) ट्याब्लेट र नाइट्राजेपाम ४५ (पैतालिस)  ट्याब्लेट गरी जम्मा ५,९३१ (पाच हजार नौ सय एकतिस) ट्याब्लेट फेला परेको । लागुऔषध सहित निजलाई नियन्त्रणमा लिई थप अनुसन्धानको लागी जिल्ला प्रहरी कार्यालय मकवानपुरमा पठाईएको । 
फरार प्रतिवादी पक्राउ ।
२०८३-०५-१६

वडा प्रहरी कार्यालय हेटौंडा मकवानपुरबाट प्रहरी सहायक हबल्दारको कमाण्डमा खटिएको प्रहरी टोलीले ठगी मुद्धामा ३ महिना कैद र रु.४०००।– (चार हजार) जरिवाना तोकि फरार रहेको जिल्ला मकवानपुर हेटौंडा उपमहानगरपालिका-४, गर्दैहि बस्ने वर्ष अन्दाजी ५१ को राधेश्याम ठाकुर हजामलाई जिल्ला मकवानपुर हेटौंडा उपमहानगरपालिका-४, शितलमहल चोकबाट नियन्त्रणमा लिई जिल्ला अदालत मकवानपुरमा पठाईएको । 
रसुवा बाढी: हालसम्म ५१८ जनाको शव फेला
२०८३-०५-१६

रसुवामा आएको विनाशकारी बाढीका कारण मंगलबार बिहान ०७:०० बजे सम्म बागमती प्रदेश प्रहरी कार्यालय अन्तर्गत ५ सय १८ जनाको शव फेला परेको छ । जसमध्ये रसुवामा ३८ जना, नुवाकोटमा १०३ जना, धादिङमा ५६ जना, चितवनमा ३ सय २१ जनाको शव फेला परेको हो ।  प्रहरीले बाढीको जोखिममा रहेका विभिन्न जिल्लाका विभिन्न घर परिवारलाई सुरक्षित स्थानमा राख्ने, विभिन्न निकाय र स्थानीयवासीको समन्वय र सहयोगमा आवश्यक उद्दार एवम् खोजी गर्नुका साथै विभिन्न स्थानमा भएको बाटो अवरोध हटाउने कार्य समेत गरिरहेको छ ।
फरार प्रतिवादी पक्राउ ।
२०८३-०५-१५

मकवानपुर, हेटौंडा उपमहानगरपालिका-७, हरियाली स्थित आफ्नै घरमा बसिरहेको अवस्थामा सुब नारायण साहको जाहेरिले वादि नेपाल सरकार प्रतिवादी राम सिनेहो भन्ने वर्ष अन्दाजी ३२ को राम स्नेहि साह भएको आत्महत्या अपराध मुद्दामा श्री मकवानपुर जिल्ला अदालतबाट मिति २०८२।१२।२६ गतेको फैसला बमोजिम १ वर्ष कैद र रु.१०,०००।–(दश हजार ) जरिवाना बाँकी रहेको हुँदा निज प्रतिवादीलाइ अस्थाई प्रहरी पोष्ट हरियालीबाट प्रहरी सहायक निरीक्षकको कमाण्डमा खटिएको प्रहरी टोलीले नियन्त्रणमा लिई आवश्यक कारवाहीको लागि जिल्ला प्रहरी कार्यालय मकवानपुर पठाएको । 
रसुवा बाढी: हालसम्म ४६२ जनाको शव फेला
२०८३-०५-१५

रसुवामा आएको विनाशकारी बाढीका कारण सोमबार दिउँसो १५:०० बजे सम्म बागमती प्रदेश प्रहरी कार्यालय अन्तर्गत ४ सय ६२ जनाको शव फेला परेको छ । जसमध्ये रसुवामा ३२ जना, नुवाकोटमा ९५ जना, धादिङमा ५६ जना, चितवनमा २ सय ७९ जनाको शव फेला परेको हो ।  प्रहरीले बाढीको जोखिममा रहेका विभिन्न जिल्लाका विभिन्न घर परिवारलाई सुरक्षित स्थानमा राख्ने, विभिन्न निकाय र स्थानीयवासीको समन्वय र सहयोगमा आवश्यक उद्दार एवम् खोजी गर्नुका साथै विभिन्न स्थानमा भएको बाटो अवरोध हटाउने कार्य समेत गरिरहेको छ ।
रामेछापमा झुण्डी एकको मृत्यु
२०८३-०५-१५

रामेछाप, खाँडादेवि गाउँपालिक-९, पिङ्खुरी बस्ने कुमार नेपाली को छोरा वर्ष २४ को श्याम नेपाली घर देखि अन्दाजी १०० मिटर उत्तर तर्फ आफ्नै बारीमा रहेको शिरिषको रूखमा पलाष्टिकको डोरीले पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।
करेन्ट लागी ५० वर्षीय पुरूषको मृत्यु
२०८३-०५-१३

मकवानपुर, मनहरी गाउँपालिका-३, लामिटार बस्ने वर्ष अन्दाजी ५० को हिरा गोतामेले घर नजिकै करेसाबारीमा घाँस काट्ने क्रममा अचानक पानी तान्ने मोटरमा लगेको बिजुलीको तार काटिन गई करेन्ट लागी गम्भिर घाईते भएको । निजलाई उपचारको लागी CMC हेटौंडा अस्पतालमा ल्याएकोमा उपचारको क्रममा मृत्यु भएको । यस घटना सम्बन्धी थप अनुसन्धान कार्य भईहेको छ ।
झुण्डी मृत्यु
२०८३-०५-१२

चितवन, रत्ननगर नगरपालिका-१२ मिलिजुली टोल स्थित बस्ने वर्ष अन्दाजी २५ को अजय थापाले आफ्नै घरको कोठामा सलको पासो लगाई झुण्डी मृत्यु भएको छ भन्ने जानकारी प्राप्त हुना साथ प्रहरी टोली खटी गई घटनास्थल मुचुल्का सहित थप अनुसन्धान कार्यभईरहेको ।
लागुऔषध सहित एक जना पुरूष व्यक्ति नियन्त्रणमा
२०८३-०५-११

मकवानपुर, हेटौंडा उपमहानगरपालिका-१८, मानेडाँडा स्थित महेश मग्रातिको घरमा डेरा गरि बस्दै आएका हेटौंडा उपमहानगरपालिका-१७, हटिया घर भएको वर्ष अन्दाजी ३४ को संजय रोक्काले कोठाबाट लागुऔषध बिक्री बितरण गर्ने गरेको भन्ने सुचना प्राप्त हुन साथ प्रहरी चौकी ठुलोदमार मकवानपुरबाट प्रहरी हवल्दार र इलाका प्रहरी कार्यालय पशुपतीनगर मकवानपुरबाट प्रहरी नायव निरीक्षको कमाण्डमा प्रहरी टोली खटिगइ निजको कोठामा चेकजाँच गर्दा बिस्तारा मुनि कपडाको थैलिमा लागुऔषध खैरो हिरोइन जस्तो देखिने पदार्थ पलास्टिक सहित तौल गर्दा अन्दाजी २ ग्राम ८५० मिलि ग्राम फेला परेको परेको । निजलाई लागुऔषध सहित नियन्त्रणमा लिई थप अनुसन्धान को लागि जिल्ला प्रहरी कार्यालय हेटौंडा, मकवानपुर पठाईएको ।
सवारी दुर्घटना
२०८३-०५-११

मकवानपुर, ईन्द्रसरोवर गाउँपालिका -४ स्याउली बजार स्थित भीमफेदी कुलेखानी काठमाण्डौ सडक खण्डमा बिरगंजबाट काठमाण्डौ तर्फ जाँदै गरेको म.प्र.०३-००१ ज ०७९३ नम्बरको ई.भी. गाडीले विपरित दिशा काठमाण्डौबाट बीरगंज तर्फ आउँदै गरेको बा. ९६ प ५२९ नम्बरको मोटरसइकललाई ठक्कर दिई दुर्घटना हुँदा मोटरसाइकल चालक जिल्ला बारा कलैया उपमहानगरपालिका-१३ बस्ने बर्ष अन्दाजी २९ को उत्तम पंडितको बाँया हात र ढाँडमा चोट लागेको उपचारको लागी बिर अस्पताल काठमाण्डौमा ल्याई उपचार भईरहेको ।
झुण्डी मृत्यु
२०८३-०५-१०

चितवन, भरतपुर महानगरपालिका-१६, नविनचोक बस्ने शिव नेपालीको श्रीमती वर्ष अन्दाजी २५ कि अनिता नेपाली आफ्नै घरको आफू सुत्ने कोठाको काठको बलोमा प्लास्टिकको डोरीले पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।
लागुऔषध गाँजा सहित मानिस नियन्त्रणमा
२०८३-०५-०८

चितवन, राप्ती नगरपालिका-१० चिप्लेटी स्थित विशेष सूचनाको आधारमा जिल्ला प्रहरी कार्यालय चितवन  प्रहरी टोलीले बा-प्र-०३-०१-०२३ च ५८२८ नं.को कार लाई चेकजाँच गर्दा कार चालक जिल्ला नवलपुर मध्यबिन्दु नगरलिका-७ मिलनचोक घर भई हाल जिल्ला नवलपुर गैंडाकोट नगरपालिका वडा नम्बर २ भिर्कुटीचोक बस्ने वर्ष ५१ को दिल्लीराम थारु र कारमा सवार जिल्ला चितवन राप्ती नगरपालिका वडा नम्बर १ पिप्ले बसोबास गर्ने वर्ष ३६ को कर्णबहादुर तामाङलाई लागु औषद गाँजा १६८ किलो र कार सहित निजहरुलाई नियन्त्रणमा लिई थप  अनुसन्धान कार्य भईरहेको ।
झुण्डि मृत्यु
२०८३-०५-०३

चितवन, भरतपुर महानगरपालि-३ नौघरे स्थित अर्जुन गौतमको घरमा डेरा गरी बस्ने देश भारत जिल्ला भेल्लार बालाजिनगर घर भएको बर्ष अन्दाजी-४४ को राजननेचा कुमार आफ्नै किचेन कोठाको सिलिङ पङ्खामा तन्नाको पासो लगाई झुण्डी मृत्यु भएको भन्ने जानकारी प्राप्त हुना साथ प्रहरी टोली खटी गई घटनास्थल मुचुल्का सहित थप अनुसन्धान कार्यभईरहेको ।
झुण्डि मृत्यु
२०८३-०५-०२

चितवन, जिल्ला उदयपुर घर भई (माईती घर सर्लाही रहेको) हाल चितवन भरतपुर महानगरपालिका-९ बिणिचोक स्थित डेरा गरी बस्ने हिरालाल बि.क को श्रीमती बर्ष अन्दाजी- ३२ की बिनिता सुनारले आफ्नै कोठामा रहेको पंखामा सलको पासो लगाई झुण्डिएको अवस्थामा निजको छोरा बर्ष-११ को एलेक्स सुनारले देखी तत्काल सलको पासो काटी उपचारको लागी भरतपुर सरकारी अस्पताल लगेकोमा उपचारको क्रममा डाक्टरले चेकजाँच पश्चात मृत्यु घोषणा गरेको, घटनाको कारण नखुलेको थप आवश्यक अनुसन्धान कार्य भईरहेको ।
लागुऔषध गाँजा सहित मानिस नियन्त्रणमा ।
२०८३-०५-०१

जिल्ला चितवन राप्ती नगरपालिका-५ शिखर डाँडाबाट भण्डारा तर्फ आउँदै गरेको ग १ ख ७४४४ को यात्रु बाहक बसमा सङ्का लागि इलाका प्रहरी कार्यालय भण्डारा चितवनबाट खटिएको प्रहरी टोलीले चेकजाँच गर्दा उक्त बसमा सवार राप्ती नगरपालिका-११ बस्ने वर्ष ६५ को मान बहादुर तामाङले बोकेको झोलाबाट लागुऔषध गाँजा ८ kg ४७० ग्राम फेला पारी निजलाई नियन्त्रणमा लिई अन्य थप आवश्यक अनुसन्धान कार्य भइ रहेको ।
झुण्डी मृत्यु
२०८३-०५-०१

सिन्धुली, दुधौली नगरपालिका ३ झुङ्गा स्थित नयाँ खुरिया बस्ने डोर कुमार बादीको छोरी अनदाजी २२ को सलीना बादीले आफ्नै घरमा सलको पासो लगाई झुण्डी मृत अवस्थामा रहेको खबर प्राप्त हुनासाथ प्रहरी  टोली  खटिगई घटनास्थलमा मुचुल्का सहित थप अनुसन्धान कार्य भइरहेको ।
अधिक लोड >>
कम देखाउनुहोस् <<

भदौ २०८३

श्रावण २०८३

असार २०८३

जेष्ठ २०८३

वैशाख २०८३

चैत्र २०८२

फाल्गुण २०८२

माघ २०८२

पौष २०८२

मंसिर २०८२

कार्तिक २०८२

आश्विन २०८२

भदौ २०८२

श्रावण २०८२

असार २०८२

जेष्ठ २०८२

वैशाख २०८२

चैत्र २०८१

फाल्गुण २०८१

माघ २०८१

पौष २०८१

मंसिर २०८१

कार्तिक २०८१

आश्विन २०८१

भदौ २०८१

श्रावण २०८१

असार २०८१

जेष्ठ २०८१

वैशाख २०८१

चैत्र २०८०

फाल्गुण २०८०

माघ २०८०

पौष २०८०

मंसिर २०८०

कार्तिक २०८०

आश्विन २०८०

भदौ २०८०

श्रावण २०८०

असार २०८०

जेष्ठ २०८०

वैशाख २०८०

चैत्र २०७९

फाल्गुण २०७९

माघ २०७९

पौष २०७९

मंसिर २०७९

कार्तिक २०७९

आश्विन २०७९

भदौ २०७९

श्रावण २०७९

असार २०७९

जेष्ठ २०७९

वैशाख २०७९

चैत्र २०७८

फाल्गुण २०७८

माघ २०७८

पौष २०७८

मंसिर २०७८

कार्तिक २०७८

आश्विन २०७८
अधिक लोड >>
कम देखाउनुहोस् <<