लागूऔषध गाँजा सहित मानिस नियन्त्रणमा

२०८१-०६-२२

A
A^-
A⁺

मकवानपुर, हेटौंडा उपमहानगरपालिका-१५ रातोमाटे चेक पोईन्ट स्थित पूर्व पश्चिम सडक खण्डमा प्रहरी सहायक निरीक्षकको कमाण्डमा खटिएको चेकिङ टोलीले बिशेष सुचनाको आधारमा पालुङबाट बिरगंज तर्फ जाँदै गरेको ना ७ ख १७७१ नम्बरको ट्याङ्कर गाडीलाई रोकी चेकजाँच गर्ने क्रममा गाडी चालक जिल्ला मकवानपुर मनहरी गाउँपालिका-९, ज्यामिरे बस्ने वर्ष अन्दाजी २६ को रोशन पुरी र सहचालक सोहि बस्ने वर्ष अन्दाजी २२ को धन बहादुर मल्ललाई शंका लागी रितपुर्वक निजहरुको शरीर तथा ट्याङकर समेतको खानतलासी गर्दा ट्याङकरको पाँचवटा डिब्बाहरु मध्ये ३ नं. को डिब्बा भित्र लुकाई छिपाई गरी ल्याइएको अवस्थामा ३९२ किलो लागुऔषध गाँजा फेला परेको । उक्त लागुऔषध, ट्याङकर सहित रोशन पुरी र धन बहादुर मल्ललाई नियन्त्रणमा लिई थप अनुसन्धान कार्यको लागी जिल्ला प्रहरी कार्यालय मकवानपुर पठाएको ।

सम्बन्धित समाचार

फरार प्रतिवादी पक्राउ ।

२०८३-०६-१५

मकवानपुर, प्रहरी प्रतिवेदन जाहेरीले वादी नेपाल सरकार प्रतिवादी अरुण रायमाझी भएको हातहतियार तथा खरखजाना मुद्दामा फरार रहेका प्रतिवादी जिल्ला मकवानपुर थाहा नगरपालिका-०४ बस्ने ठुलो कान्छो रायमाझीको छोरा बर्ष अन्दाजी-२१ को अरुण रायमाझीलाई प्रहरी टोलीले निजको घर वतनमा लुकी छुपि बसेको अवस्थामा पक्राउ गरी थप आवश्यक अनुसन्धान कारवाही भईरहेको ।

मानिस झुण्डी मृत अवस्थामा फेला

२०८३-०६-१५

चितवन, माडी नगरपालिका २ शितलपुर बस्ने दिपक थापाको श्रीमती वर्ष अन्दाजी २३ कि बिमला थापाले आफ्नै घरको काठमा डोरिले पासो लगाई झुण्डी मृत्यु भएको जानकारी हुना साथ प्रहरी टोली खटिगई घटना स्थल सुरक्षित राखी मुचुल्का सहित थप अनुसन्धान कार्य भईरहेको ।

जेन्जी आन्दोलनमा फरार थुनुवा पक्राउ ।

२०८३-०६-१५

सिन्धुली, कमलामाई नगरपालिका वडा नं. १० भिमान बस्ने बर्ष २६ को बिनोद भन्ने धन बहादुर बि.क. लागु औषध (ब्राउन सुगर) मुद्दामा ईलाका प्रहरी कार्यालय, अनारमनि झापाको हिरासतमा रहेकोमा मिति २०८२।०५।२४ गते जेन्जी आन्दोलनमा हिरासतबाट भागी फरार रहेकोमा निजको घर वतनबाट पक्राउ गरी थप आवश्यक कारवाही भईरहेको ।

खैरो हिरोईन सहित मानिस नियन्त्रणमा ।

२०८३-०६-१५

सिन्धुली, कमलामाई नगरपालीका-६ धुराबजार स्थित बा ५१ प १८९१ नं. को स्कुटरलाई रोकी चेक जाच गर्ने क्रममा स्कुटर चालक जिल्ला रामेछाप मन्थली नगरपालिका-१२ बस्ने मोहन बहादुर खड्काको छोरा अन्दाजी बर्ष ३१ को बाबुराम खड्काको साथबाट लागु औषध खैरो हिरोइन जस्तो देखिने पदार्थ ५१ ग्राम ६८० मिलिग्राम फेला पारेको, स्कुटर सहित निजलाई नियन्त्रणमा लिई थप अनुसन्धान कार्य भईरहेको छ ।

ब्राउन सुगर सहित २ मानिस नियन्त्रणमा ।

२०८३-०६-१४

सिन्धुली, दुधौली नगरपालिका-७ पोखरे स्थितमा प्रहरी टोलीले सवारी साधनहरू रोकी चेकजाँच गर्ने क्रममा ईटहरीबाट काठमाण्डौं तर्फ जाँदै गरेको चालक जिल्ला सप्तरी सुनसरी बराहक्षेत्र नगरपालिका-१० बस्ने बर्ष ४३ को राजु बिष्टले चलाई ल्याएको बा.प्र.०१-००७ ख १४५३ नम्बरको हायसलाई रोकी चेकजांच गर्दा उक्त हायसमा सवार जिल्ला सप्तरी साविक लालपट्टी-२ हाल जिल्ला सप्तरी छिन्नमस्त गाउँपालिका-४ बस्ने बर्ष ३२ को कृष्ण कुमार यादब र सोही स्थान बस्ने बर्ष २१ को देबेन्द्र यादबको साथबाट कालो प्लास्टिकमा पोकापारी लुकाई-छिपाई ल्याउँदै गरेको अवस्थामा लागु-औषध ब्राउन सुगर जस्तो देखिने गिलो पदार्थ ५ ग्राम ०३ मिलिग्राम फेला पारी निजहरुलाई नियन्त्रनमा लिई थप अनुसन्धान भईरहेको ।

खोलाले बगाई १ जना मानिसको मृत्यु

२०८३-०६-१३

जिल्ला सिन्धुली दुधौली नगरपालिका-१० कर्था बस्ने भदिया सदाको छोरा बर्ष अन्दाजी ४०/४५ को मोहना सदा गाई बस्तु चराउन गोठालो गएकोमा कमलाखोला तर्ने क्रममा अचानक कमलाखोलाले बगाई अन्दाजी २ कि.मि. पश्चिम तर्फ ऐ.ऐ. वडा नं ९ टाडी पुलको किनारामा अचेत अवस्थामा रहेको भन्ने स्थानितले टेलिफोन मार्फत प्रहरी चौकी दुधौली सिन्धुलीमा जानकारी गराउना साथ उक्त स्थानमा प्रहरीको टोली खटि गई स्थानिय र प्रहरीको सहयोगमा उद्दार गरी तत्काल उपचारको लागी दुधौली नगर अस्पताल सिर्थोलीमा ल्याई चेकजाँच गर्दा चिकित्शकले मृत घोषणा गरेको, थप अनुसन्धान तथा मुचुल्काको लागी इलाका प्रहरी कार्यालय डकाहाबाट मुचुल्का सहितको टोली खटि गएको, आवश्यक अनुसन्धान कार्य भईरहेको ।