रामेछाप, लिखुतामाकोसी गाउँपालिका-६ पाखाबारी स्थित तामाकोसी नदि तर्ने क्रममा नदिले बगाई एक महिलाको मृत्यु भएको छ ।

मृत्यु हुने सोहि बस्ने टक बहादुर कार्कीको श्रीमती ४९ वर्षीय एकमाया कार्की रहेकी छिन् । निज बगरबेसी स्थितबाट, सानिमा हाइड्रोको हाईटेशन लाईनको सामान ओसारपसार गर्न ४ वटा ड्रम डोरीले बाँधेर बनाएको फेरी (डुङ्गा) मा आफुखुसी चढी तामाकोसी नदी तर्ने क्रममा ड्रम बाँधेको डोरी फुस्किन गई तामाकोसी नदीले बगाई मृत्यु भएको थियो । प्रहरीले स्थानियको सहयोगमा निजको खोजतलाश गर्ने क्रममा अन्दाजी ५०० मिटर तल उक्त नदिको किनारमा मृत अवस्थामा फेला पारेको थियो ।

यस सम्बन्धमा लाशजाँच मुचुल्का सहित प्रहरीले आवश्यक अनुसन्धान कार्य गरिरहेको छ ।