प्रहरी कन्ट्रोल : १००, टोल फ्री नं.: १६६०५७५२१००
नेपा
EN

लैङ्गिक हिंसा बिरुद्धको १६ दिने अभियान अन्तर्गत सरोकारवाला निकायहरुसँगको अन्तरक्रिया तथा छलफल कार्यक्रम सम्पन्न ।

२०८०-०८-१४

  • A
  • A-
  • A+
Share

“लैङ्गिक हिंसा अन्त्यको सुनिश्चितता: महिला र बालबालिकामा लगानीको ऐक्यवद्धता” भन्ने मूल नाराको साथ मंसिर ९ गते देखि मंसिर २४ गते सम्म संचालन भईरहेको लैङ्गिक हिंसा बिरुद्धको १६ दिने अभियान अन्तर्गत बागमती प्रदेश प्रहरी कार्यालय, हेटौंडाको आयोजनामा यस कार्यालयका कार्यालय प्रमुख किरण राणाज्यूको प्रमुख आतिथ्यतामा सरोकारवाला निकायहरुसँगको छलफल तथा अन्तरक्रिया कार्यक्रम सम्पन्न भएको छ । बागमती प्रदेश प्रहरी कार्यालय हेटौंडाका प्रहरी वरिष्ठ उपरीक्षक दिपक रेग्मीज्यूबाट बागमती प्रदेश मातहत जिल्लाहरूमा भएको लैङ्गिक हिंसाको अवस्था, चुनौती लगायतको विषयमा प्रस्तुतिकरण प्रस्तुत गर्नु भएको थियो । कार्यक्रममा लैङगिक हिंसासंग सम्वन्धित विषयहरूमा पत्रकारज्यूहरू, विभिन्न सरोकारवाला संघ सस्थाका पदाधिकारीज्यूहरू, स्थानीय जनप्रतिनिधिज्यूहरूबाट उठेका जिज्ञासा, विषयवस्तुहरूलाई बागमती प्रदेश प्रहरी प्रमुखज्यूबाट सम्वोदन गर्नु भएको थियो ।

 बागमती प्रदेश प्रहरी प्रमुखज्यूको प्रमुख आतिथ्यतामा भएको कार्यक्रममा बागमती प्रदेश प्रहरी कार्यालयका प्रवक्ता प्रहरी वरिष्ठ उपरीक्षक दिपक रेग्मीज्यू, बागमती प्रदेश प्रहरी गण हेटौंडाका प्रमुख प्रहरी उपरीक्षक राकेश सिंहज्यू, प्रहरी उपरीक्षक भिम किरण बोगटीज्यू, नेपाल प्रहरी विशेष सुरक्षा गण रातोमाटेका प्रमुख प्रहरी उपरीक्षक चित्र बहादुर गुरूङज्यू, प्रहरी नायव उपरीक्षकज्यूहरू, प्रहरी निरीक्षकज्यूहरू, पत्रकारज्यूहरु, गैह्र सरकारी संस्था महासंघ बागमती प्रदेश अध्यक्षज्यू, स्थानीय जनप्रतिनिधिज्यूहरु, सामुदायिक केन्द्रका पदाधिकारीज्यूहरु, राष्ट्रिय अपाङ्ग महासंघ बागमती प्रदेशका प्रतिनिधीज्यू लगायत विभिन्न सरोकारवाला संघ संस्थाका पदाधिकारीज्यूहरू, जुनियर प्रहरी अधिकृतहरू, प्रहरी हवल्दार तथा जवानहरू समेत गरी जम्मा ७२ जनाको उपस्थिती रहेको थियो । 

सम्बन्धित समाचार
लागूऔषध गाँजा सहित मानिस नियन्त्रणमा
२०८१-०३-०८

सिन्धुली हरिहरपुरगढी गाउँपालिका-७ चिसापानी स्थितमा अबैध लागु औषध गाँजा लुकाई छिपाई राखेको छ भन्ने विशेष सूचनाको आधारमा इलाका प्रहरी कार्यालय कपिलाकोटबाट टोली खटी गई उक्त स्थानमा रहेको थोले ब्लोनको गोठमा खानतलासी गर्दा सुति रहेको अवस्थामा जिल्ला उदयपुर कटारी नगरपालिका-६ घर भई हाल हरिहरपुरगढी गाउँपालिका-७ चिसापानी बस्ने वर्ष ४६ को कुमार पाख्रिन र बोरा तथा फलामको ड्रममा लुकाई-छिपाई राखेको अवस्थामा अन्दाजी ६१५.९३ के.जि. लागुऔषध गाँजा फेला पारी निजलाई लागुऔषध गाँजा सहित नियन्त्रणमा लिई थप अनुसन्धान कार्य भईरहेको छ । 

अबैध लागूऔषध सहित मानिस नियन्त्रणमा
२०८१-०३-०८

मकवानपुर थाहा नगरपालिका-६ बज्रबाराही बजार स्थित कुलेखानी सडक खण्डमा लागुऔषध लुकाई छिपाई ल्याउदै छ भन्ने विशेष सूचनाको अधारमा अस्थाई प्रहरी पोष्ट, बज्रबाराही मकवानपुरबाट र इलाका प्रहरी कार्यालय पालुङ मकवानपुरबाट टोली खटि गई हेटौडांबाट काठमाण्डौ तर्फ जादै गरेको बा.प्र.०६-०१ प ३७६६ नम्बरको TVS मोटरसाईकल चालक जिल्ला काठमाण्डौ चन्द्रागिरी नगरपालिका-८ मातातिर्थ बस्ने वर्ष अन्दाजी ३० को अरबिन खरेल र पछाडी सवार जिल्ला कैलाली टिकापुर नगरपालिका-६ बस्ने वर्ष अन्दाजी २७ को अंकित अधिकारीलाई चेकजाँच गर्दा मोटरसाईकल पछाडी सवार अंकित अधिकारीको साथबाट लागुऔषध-१० MG नाईट्रोभेट ११फाईल (२२पत्ता) फेला पारी  उक्त नाईट्रोभेट सहित निजहरूलाई नियन्त्रणमा लिई थप अनुसन्धान कार्य भईरहेको छ । 

लागुऔषध गाँजा सहित मानिस नियन्त्रणमा
२०८१-०३-०६

मकवानपुर, हेटौंडा उपमहानगरपालिका-१५, रातोमाटे चेक पोईन्ट स्थित पूर्व पश्चिम सडक खण्डमा प्रहरी चौकी रातोमाटेबाट खटिएको चेकिङ टोलीले हेटौंडाबाट पथलैया तर्फ जादै गरेको ना ७ ख १०५२ नम्बरको बसलाई रोकी चेकजाँच गर्ने क्रममा बसको सिट नम्बर ११ मा  रहेको जिल्ला धनुषा, लक्षमिनिया गाउँपालिका-६ बस्ने अन्दाजी २८ वर्षीय मोहम्द मुस्ताख राइनलाई शंका लागि चेकजाँच गर्दा निज बसेको सिट माथिको डिक्किको झोलामा लुकाई छिपाई राखेको ३ किलो १७० ग्राम लागुऔषध गाँजा फेला पारी उक्त लागुऔषध गाँजा सहित निजलाई नियन्त्रणमा लिई थप अनुसन्धान कार्य भईरहेको छ ।