प्रहरी कन्ट्रोल : १००, टोल फ्री नं.: १६६०५७५२१००
नेपा
EN

नवनिर्मित प्रहरी चौकी पदमपोखरी, मकवानपुरको भवन समुद्घाटन

२०८०-०५-२९

  • A
  • A-
  • A+
Share

बागमती प्रदेश सरकार आन्तरिक मामिला तथा कानून मन्त्रालयको सहयोगमा नवनिर्मित प्रहरी चौकी पदमपोखरी, मकवानपुरको भौतिक संरचना समुद्घाटन गरिएको छ । आज आयोजित एक कार्यक्रमका बीच बागमती प्रदेशका आन्तरिक मामिला तथा कानून मन्त्री माननीय श्री गंगा नारायण श्रेष्ठज्यूको प्रमुख आतिथ्यतामा समुद्‌घाटन कार्यक्रम सम्पन्न भएको हो । बागमती प्रदेश सरकारका माननीय आन्तरिक मामिला तथा कानून मन्त्रीज्यूको प्रमुख आतिथ्यतामा भएको उक्त कार्यक्रममा सामाजिक विकास मन्त्री माननीय श्री कुमारी मोक्तानज्यू,  मकवानपुर जिल्लाका प्रमुख जिल्ला अधिकारी श्री सुर्य प्रसाद सेढाईज्यू, बागमती प्रदेश प्रहरी कार्यालयका प्रमुख प्रहरी नायव महानिरीक्षक किरण राणाज्यू, आन्तरिक मामिला तथा कानून मन्त्रालयका उपसचिव श्री दिपक प्रसाद न्यौपानेज्यू जिल्ला प्रहरी कार्यालय मकवानपुरका प्रमुख प्रहरी उपरीक्षक श्री सीताराम रिजालज्यू, सिनियर प्रहरी अधिकृतज्यूहरु, जनप्रतिनिधिज्यूहरु, संचारकर्मीज्यू, स्थानिय व्यक्तित्व, समाजसेवीहरु लगायतको उपस्थिति रहेको थियो । साथै उक्त कार्यक्रममा प्रहरी कार्यलाई प्रभावकारी बनाउन महत्त्वपूर्ण भूमिका निर्वाह गर्नु हुने स्थानिय व्यक्तित्वहरुलाई आन्तरिक मामिला तथा कानून मन्त्री माननीय गंगा नारायण श्रेष्ठज्यूबाट सम्मान स्वरुप प्रशंसा पत्र प्रदान गर्नु भएको थियो ।


सम्बन्धित समाचार
लागूऔषध सहित मानिस नियन्त्रणमा
२०८३-०७-३०

जिल्ला चितवन भरतपुर महानगरपालिका-११ मनकामाना टोल स्थित रहेको खाजा घरमा लागूऔषध कारोबार भई रहेको भन्ने विशेष सूचना प्राप्त हुनासाथ अस्थाई प्रहरी पोष्ट भोजाडबाट टोली खटि गई उक्त स्थानबाट ट्रामाडोल-२४१० पिस, एनारगन-२५०० पिस लागूऔषध, नगद रु.४९,७९०।- र प्रदेश ३-०३-००१प ६५५४, बागमती प्रदेश ०२-०२९ प ७४९५, बा-प्र-०३-००५ प ५३९ नम्बरको मोटरसाईकल ३ थान सहित जिल्ला चितवन भरतपुर म.न.पा-२५ बस्ने वर्ष ३० को निरज क्षेत्री, चितवन भरतपुर म.न.पा-११ बस्ने  वर्ष ३४ को बिजय कुमाल, चितवन भरतपुर म.न.पा-२५ बस्ने वर्ष २५ को अजित बि.क., चितवन भरतपुर म.न.पा-११ बस्ने वर्ष ३९ को बसन्त लामालाई नियन्त्रणमा लिई थप अनुसन्धान कार्य भई रहेको छ । 

लागूऔषध खैरो हिरोइन सहित मानिस पक्राउ
२०८३-०७-३०

लागूऔषध खैरो हिरोईन बिक्रि वितरण भईरहेको भन्ने विशेष सूचनाको आधारमा जिल्ला प्रहरी कार्यालय मकवानपुर र वडा प्रहरी कार्यालय हेटौंडा सहितको संयुक्त टोलीले मकवानपुर हेटौंडा उ.म.न.पा.-११ स्मारक रोड स्थितमा भित्रि बाटोमा पैदल हिंडिरहेको हेटौंडा उ.म.न.पा.-०९ बस्ने वर्ष अन्दाजी ३३ को किरण तिवारीलाई चेकजाँच गर्दा निजको साथबाट लुकाई छिपाई राखेको अवस्थामा लागूऔषध खैरो हिरोईन जस्तो देखिने धुलो पदार्थ स-सानो ४ पुरिया फेला पारी तौल गर्दा नेट तौल २८० मिलिग्राम र नगद नेपाली रुपैयाँ रु.१०,०००।–(दश हजार) समेत फेला पारी निजलाई नियन्त्रणमा लिई थप अनुसन्धान कार्य भईरहेको छ ।