सिन्धुली, सुनकोशी गाउँपालिका-६, घुमाउने चैनपुर नजिक वि.पि. राजमार्गमा काठमाण्डौंबाट सिन्धुली तर्फ आउँदै गरेको प्र ०२-००६ प ०५३६ नम्बरको मोटरसाईकल आफैँ अनियन्त्रित भई सडकको बाँया साईडको डिभाईडरमा ठोकी दुर्घटना हुँदा मोटरसाईकल चालक जिल्ला धनुषा, सबैला नगरपालिका-४ बस्ने ४४ वर्षीय राज कुमार साह छातीमा चोट लागी गम्भीर घाईते भई उपचारको लागि आत्मिय अस्पताल खाल्टे सिन्धुली लगेकोमा उपचारको क्रममा निजको मृत्यु भएको छ । यस घटना सम्बन्धमा थप अनुसन्धान कार्य भईरहेको छ ।