सिन्धुली, दुधौली नगरपालिका-६, बसनिया स्थित सिर्थौलीबाट पत्रीङ्गा जाँदै गरेको लु ४८ प ८३७६ नम्बरको मोटरसाईकलमा ३ जना सवार देखी शंका लागी प्रहरी चौकी हर्षाहीबाट खटिएको गस्ती टोलिले चेकजाँच गर्दा चालक जिल्ला सिन्धुली दुधौली नगरपालिका-५, सिर्थौली बस्ने १७ वर्षीय रोशन अधिकारी र सोही मोटरसाईकलमा सवार सिन्धुली दुधौली नगरपालिका-५, सिर्थौली बस्ने निमेश कुमारको साथबाट NITRVET 27 चक्की र नाम नखुलेको १ चक्की क्याप्सुल नियन्त्रणमा लिई थप अनुसन्धान कार्य भईरहेको छ ।

धादिङ, बेनिघाट रोराङ गाउँपालिका-९, माझिमटार स्थित पृथ्वी लोकमार्गमा प्रहरी चौकी जोगिमाराबाट खटिएको टोलिले काठमाण्डौबाट पोखरा जाँदै गरेको बा २ ख १४१० नम्बरको माईक्रोलाई चेकजाँच गर्ने क्रममा उक्त माईक्रोमा सवार यात्रु जिल्ला कास्की माछापुच्छ्रे गाउँपालिका-७ बस्ने ४१ वर्षीय युवराज गुरुङले बोकेको झोलामा अन्दाजी २ किलो लागुऔषध गाँजा सहित निजलाई नियन्त्रणमा लिई थप अनुसन्धान कार्य भईरहेको छ ।