बागमती प्रदेश प्रहरी प्रमुख प्रहरी नायव महानिरीक्षक दीपक थापाले जिल्ला प्रहरी कार्यालय, धादिङको निरीक्षण तथा अवलोकन भ्रमण गर्नुभएको छ । आज आयोजित एक कार्यक्रमका बीच प्रदेश प्रहरी प्रमुख थापाले जिल्ला प्रहरी कार्यालय, धादिङको वस्तुस्थिति तथा सम्पादित पछिल्लो गतिविधीको बारेमा जानकारी लिनुका साथै कार्यालयमा रहेका बिभिन्न शाखाहरूको निरीक्षण गर्नुभएको हो । निरीक्षण तथा अवलोकन भ्रमणका क्रममा प्रदेश प्रहरी प्रमुख थापाले नागरिकमैत्री तवरले प्रभावकारी प्रहरी सेवा प्रवाह गर्न प्रहरी कर्मचारीहरूलाई आवश्यक विभागिय निर्देशन समेत दिनुभएको थियो ।

निरीक्षण तथा अवलोकन भ्रमण पश्चात प्रदेश प्रहरी प्रमुख थापाले धादिङको जिल्ला स्थित सुरक्षा समितिका पदाधिकारी, स्थानिय तहका जनप्रतिनिधि, समाजसेवी, राजनीतिक दल, संचारकर्मी, बिभिन्न संघ संस्थाका प्रतिनिधि तथा नागरिक समाजका बिभिन्न व्यक्तिहरूसँग छलफल तथा अन्तरक्रिया समेत गर्नुभएको थियो ।