विदाई तथा फेरी भेटौँला कार्यक्रम सम्पन्न

२०७९-१०-०४

A
A^-
A⁺

नेपाल प्रहरी प्रधान कार्यालय मानवश्रोत विकास विभाग कर्मचारी प्रशासन शाखाको मिति २०७९ साल पौष २८ गतेको निर्णयअनुसार यस बागमती प्रदेश प्रहरी कार्यालय, हेटौंडाबाट तालुक नेपाल प्रहरी प्रधान कार्यालय प्रशासन विभाग आर्थिक प्रशासन तथा प्रबन्ध निर्देशनालय नक्साल, काठमाडौं काज खटी जान लाग्नुभएका बागमती प्रदेश प्रहरी प्रमुख प्रहरी नायव महानिरीक्षक किरण बज्राचार्यको विदाई तथा फेरी भेटौँला कार्यक्रम सम्पन्न भएको छ । कार्यक्रममा बागमती प्रदेश प्रहरी प्रवक्ता प्रहरी वरिष्ठ उपरीक्षक दिपक रेग्मीले प्रहरी नायव महानिरीक्षक बज्राचार्यको आगामी कार्यकाल सफलताको शुभकामना व्यक्त गर्नुका साथै फूलमाला, खादा र मायाको चिनो प्रदान गरी बिदाई गर्नुभएको थियो भने प्रदेश प्रहरी प्रमुख बज्राचार्यले बागमती प्रदेश प्रहरी कार्यालयमा रहँदा बस्दाको अनुभव व्यक्त गर्नुभएको थियो । कार्यक्रममा उपस्थित सकल दर्जाका प्रहरी कर्मचारीहरूले मायाको चिनो, माला, खादा र पुष्पगुच्छा प्रदान गरी प्रदेश प्रहरी प्रमुख बज्राचार्यको विदाई गर्नुका साथै आगामी कार्यकाल सफलताको शुभकामना व्यक्त गर्नुभएको थियो ।

सम्बन्धित समाचार

मकवानपुरमा एकको मृत्यु

२०८१-०१-१३

मकवनापुर हेटौंडा उपमहानगरपालिका-४ ओमभवन बस्ने केदार शाहीको घरमा पाहुना आएको जिल्ला ललितपुर माहालक्ष्मी नगरपालिका-८ बस्ने वर्ष अन्दाजी ५१ को रमेश श्रेष्ठ बिहान अबेर सम्म नउठेकोले बोलाउन जादा सुतेको कोठामा अचेत अवस्था फेला पारी उपचारको लागी हेटौंडा अस्पताल मकवानपुर ल्याएकोमा उपचारको क्रममा मृत्यु भएको छ । उक्त घटनाको थप अनुसन्धान कार्य भई रहेको छ ।

बसले ठक्कर दिई एकको मृत्यु

२०८१-०१-१३

चितवन राप्ती नगरपालिका-२ गड्यौली स्थित पुर्व पस्चिम सडक खण्डमा पूर्वबाट पश्चिम तर्फ आउदै गरेको (चतरा सुनसरी तिर्थयात्रा गएर आएको) बागमती प्रदेश ०३-००१ ख २७५३ नम्बर बसमा सवार यात्री वर्ष ६० की निमा कुमारी रिजाल सोही बसबाट झर्ने क्रममा सोही बसले ठक्कर दिंदा गम्भिर घाईते भई उपचारको लागि पुरानो मेडिकल कलेज भरतपुर तर्फ पठाईएकोमा उपचारको क्रममा मृत्यु भएको छ । बस र चालक मकवानपुर हेटौडा उपमहानगरपालिका-१८ बस्ने वर्ष ४१ को कृष्ण सापकोटा प्रहरीको नियन्त्रणमा रहेको छ ।

सिन्धुलीमा मानिस झुण्डी मृत्यु

२०८१-०१-१२

सिन्धुली, तीनपाटन गाउँपालिका-८, रातमाटे बस्ने अन्दाजी २७/२८ वर्षीया चेत कुमारी सार्की आफ्नै घरको दलिनमा कपडाको पासो लगाई झुण्डी मृत्यु भएको छ । घटनास्थल मुचुल्का सहित थप अनुसन्धान कार्य भईरहेको छ ।

लागुऔषध गाँजा सहित मानिस नियन्त्रणमा

२०८१-०१-११

चितवन, राप्ती नगरपालिका-८ स्थितमा थ्री ग्रुपबाट बिरेन्द्रनगर तर्फ आउँदै गरेको ना ७ प ६५१९ नम्बरको मोटरसाईकल आफै अनियन्त्रित भई पल्टिएको देखि ईलाका प्रहरी कार्यालय भण्डराबाट खटिएको प्रहरी टोलीले मोटरसाईकललाई उठाउन जाँदा उक्त मोटरसाईकलमा सवार जिल्ला चितवन, भरतपुर महानगरपालिका-४ बस्ने २२ वर्षीय सोम बहादुर लामा र जिल्ला चितवन, राप्ती नगरपालिका-८, थ्री ग्रुप बस्ने वर्ष १४ को अमर सुनारले बोकेको जेब्रा झोला शंका लागि चेकजाँच गर्दा झोला भित्र लुकाई छिपाई ल्याएको २ किलोग्राम लागुऔषध गाँजा फेला परेकोले मोटरसाईकल, लागुऔषध गाँजा सहित दुबै जनालाई नियन्त्रणमा लिई थप अनुसन्धान कार्य भईरहेको छ ।

लागुऔषध चरेश सहित मानिस नियन्त्रणमा

२०८१-०१-१०

मकवानपुर, हेटौंडा उपमहानगरपालिका-१९, नेवारपानी स्थित ईलाका प्रहरी कार्यालय, नेवारपानी कार्यालय अगाडी चेक प्वाईन्टमा ईलाका प्रहरी कार्यालय नेवारपानी मकवानपुरबाट खटिएको टोलीले काठमाडौंबाट बिरगंज तर्फ आउँदै गरेको ना ७ ख २०१८ नम्बरको बसलाई शंका लागि चेकजाँच गर्दा उक्त बसमा सवार जिल्ला धादिङ, गजुरी गाउँपालिका-८ बस्ने अन्दाजी ३३ वर्षीय चिन बहादुर डिमडुङ तामाङले आफु बसेका सिटमुनि जेब्रा झोलामा लुकाई छिपाई राखेको लागुऔषध चरेश अन्दाजी ६ किलो ९०० ग्राम फेला पारी निजलाई लागुऔषध चरेश सहित नियन्त्रणमा लिई थप अनुसन्धान कार्य भईरहेको छ ।

नुवाकोटमा झुण्डी मृत्यु

२०८१-०१-०९

नुवाकोट, बिदुर नगरपालिका-१२, पिपलडाँडा स्थित बस्ने भोजराज पौडेलको छोरी अन्दाजी वर्ष १९ कि अनिता पौडेल आफ्नै घरको ट्रसको फलाममा नाईलनको डोरीले पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।