लागुऔषध गाँजा सहित मानिस नियन्त्रणमा

२०७९-०९-२७

A
A^-
A⁺

मकवानपुर, हेटौडा उपमहानगरपालिका-११, थानाभर्‍याङ स्थित पूर्व पश्चिम सडकखण्डमा विशेष सुचनाको आधारमा प्रहरीले लागुऔषध सहित मानिस नियन्त्रणमा लिएको छ । प्रहरी सहायक निरीक्षकको कमाण्डमा खटिएको टोलीले मनहरीबाट हेटौंडा तर्फ आँउदै गरेको ना८ख ९५३ नं. को बसलाई चेकजाँच गर्ने क्रममा उक्त बसमा सवार जिल्ला मकवानपुर राक्सिराङ गाउँपालिका-१, बस्ने ६० वर्षीय डिल बहादुर चेपाङले बोकेको झोलाबाट लागुऔषध गाँजा ५ किलो ७०० ग्राम र सोहि बस्ने १९ वर्षीय प्रकाश चेपाङले बोकेको झोलाबाट १ किलो ३०० ग्राम लागुऔषध गाँजा फेला परेका थिए । निज डिल बहादुर चेपाङ र प्रकाश चेपाङ दुबै जनालाई नियन्त्रणमा लिई थप अनुसन्धान कार्य भैरहेको छ ।

सम्बन्धित समाचार

काभ्रेमा झुण्डी एकको मृत्यु

२०८१-०१-०७

काभ्रे, मण्डनदेउपुर न.पा.-९ रातोमाटे स्थित बस्ने वर्ष अन्दाजी ३७ को राजकुमार सार्की घर नजिक खनियाको रुखमा सलको पासो लगाई झुण्डी मृत अवस्थामा फेला परेको छ । घटनास्थल मुचुल्का सहित थप अनुसन्धान कार्य भई रहेको छ ।

धादिङमा बेवारिसे लास फेला

२०८१-०१-०७

धादिङ, धुनिवेशी न.पा.-८ खानिखोला स्थित त्रिभुवन राजपथको सडक छेउमा तत्काल नाम थर वतन नखुलेको अन्दाजी ४०/४५ वर्षको पुरुष व्यक्ति मृत अवस्थामा फेला परेको छ । घटनास्थल मुचुल्का सहित थप अनुसन्धान कार्य भई रहेको छ ।

भरुवा बन्दुक सहित मानिस नियन्त्रणमा

२०८१-०१-०६

काभ्रेपलाञ्चोक, महाभारत गाउँपालिका-७, गैरि टोल बस्ने २५ वर्षीय प्रेम कुमार घलानले मादक पदार्थ सेवन गरी आफ्नै श्रीमतीलाई कुटपिट गरिरहेको अबस्थामा निजकै दाईले छुट्याउन खोज्दा भरुवा बन्दुक देखाई मार्छु भनेको भनि ईलाका प्रहरी कार्यालय, देविटारमा टेलिफोन मार्फत खबर प्राप्त हुना साथ घटना स्थलमा प्रहरी टोली खटिई गई निज प्रेम कुमार घलानलाई एक नाल भरुवा बन्दुक सहित नियन्त्रणमा लिई आवश्यक अनुसन्धान कार्य भईरहेको छ ।

धादिङमा मानिस झुण्डी मृत्यु

२०८१-०१-०६

धादिङ, निलकण्ठ नगरपालिका-७, मर्स्याङछाप बस्ने अन्दाजी वर्ष १४ की सुस्मिता परियार घरबाट अन्दाजी १०० मिटर उत्तर तर्फ रहेको अर्चलेको रूखमा प्लाष्टिकको डोरीले पासो लगाई झुण्डी मृत्यु भएको छ । घटनास्थल मुचुल्का सहित थप अनुसन्धान कार्य भईरहेको छ ।

नेपाल प्रहरी श्रीमती संघ बागमती प्रदेशद्वारा आयोजित विभिन्न कार्यक्रमहरु सम्पन्न

२०८१-०१-०५

नेपाल प्रहरी श्रीमती संघ बागमती प्रदेशद्वारा आयोजित कार्यक्रमहरुमा नेपाल प्रहरी श्रीमती संघ भृकुटीमण्डप, काठमाण्डौंका अध्यक्ष श्रीमती लक्ष्मी कुँवरज्यूको प्रमुख आतिथ्यमा सम्पन्न भएको छ । कार्यक्रमको पहिलो चरणमा हेटौंडा उपमहानगरपालिका वडा नं. १० मा अवस्थित भूटनदेवी मन्दिर परिसरको सरसफाई कार्यक्रम भएको थियो । त्यसैगरी दोस्रो चरणमा नेपाल प्रहरी श्रीमती संघ हेटौंडाको कार्यालय शुभारम्भ, कार्य समितिका पदाधिकारीज्यूलाई पदवाहाली, रक्तदान कार्यक्रम शुभारम्भ एवं ग्रामीण जीवनस्तर सुधार मञ्च हाम्रो बाल गृह मकवानपुरमा खाद्यन्न तथा स्टेशनरीका सामाग्री वितरण समेत भएको थियो । उल्लेखित कार्यक्रमहरुमा बागमती प्रदेश प्रहरी कार्यालय हेटौंडाका कार्यालय प्रमुख प्रहरी नायव महानिरीक्षक बिष्णु कुमार के.सी.ज्यू, नेपाल प्रहरी श्रीमती संघ बागमती प्रदेश हेटौंडाका अध्यक्ष श्रीमती सबिना सिल्वालज्यू, प्रहरी उपरीक्षकज्यूहरु, नेपाल प्रहरी श्रीमती संघ भृकुटीमण्डप, काठमाण्डौका पदाधिकारीज्यूहरु, नेपाल प्रहरी श्रीमती संघ बागमती प्रदेश हेटौंडाका कार्य समितिका पदाधिकारीज्यूहरु, प्रहरी नायव उपरीक्षकज्यूहरु, प्रहरी निरीक्षकज्यूहरु, रेडक्रस सोसाइटी जिल्ला शाखा मकवानपुरका पदाधिकारीज्यूहरु, जुनियर प्रहरी अधिकृतहरु, प्रहरी हवल्दार तथा जवानहरूको उपस्थिति रहेको थियो । रक्तदान कार्यक्रममा ५८ जना प्रहरी कर्मचारीहरूले रक्तदान गर्नु भएको थियो । कार्यक्रमको अन्त्यमा नेपाल प्रहरी श्रीमती संघ बागमती प्रदेश हेटौंडाका अध्यक्ष श्रीमती सबिना सिल्वालज्यूबाट नेपाल प्रहरी श्रीमती संघ भृकुटीमण्डप, काठमाण्डौंका अध्यक्ष श्रीमती लक्ष्मी कुँवरज्यूलाई मायाको चिनो समेत प्रदान गरिएको थियो ।

सिन्धुपाल्चोकमा मानिस झुण्डी मृत्यु

२०८१-०१-०५

सिन्धुपाल्चोक, सुनकोशी गाउँपालिका-३, पुरानोकोट बस्ने ३६ वर्षीया दिल कुमारी थापा मगर घर देखि नजिकै रहेको आफ्नै बारीको आँपको बोटमा प्लाष्टिकको डोरीले पासो लगाई झुण्डी मृत्यु भएको छ । घटनास्थल मुचुल्का सहित थप अनुसन्धान कार्य भईरहेको छ ।