सिन्धुली, सुनकोशी गाउँपालिका-६ कानढुग्रे स्थित वि.पि राजमार्गमा प्रहरीको चेकिङ टोलीले लागुऔषध सहित मानिस नियन्त्रणमा लिएको छ । प्रहरीले धनुषाबाट काठमाण्डौ तर्फ आउँदै गरेको चालक जिल्ला धनुषा मिथिला नगरपालिका-९ वस्ने वर्ष २२ को धिरज ठाकुरले चलाई ल्याएको प्रदेश ३-०२-०११ प ८८८६ नम्बरको मोटरसाईल रोकी चेकजाँच गर्दा सोही मोटरसाईकल पछाडी सवार सोहि मिथिला-९ बस्ने वर्ष २६ को सर्वन साहले लगाएको ज्याकेटको दायाँ खल्तीबाट औषधि जन्य लागुऔषध फेला परेको थियो । निजहरुको साथबाट Codeine phosphate (Exiplon) लेखिएको १०० ML को ४ बोतल जम्मा ४००ML, Nitrazepam(Nitravet) लेखिएको ३ पत्तामा जम्मा ४४ ट्याप्लेट, Spasmo-proxyvon plus लेखिएको २ पत्तामा १४ ट्याप्लेट लागुऔषध फेला परेको थियो । प्रहरीले उक्त मोटरसाईकल सहित दुबै जनालाई नियन्त्रणमा लिई आवश्यक अन्य अनुसन्धान कार्य गरिरहेको छ ।