चोरीको चाँदी सहित मानिस प्रहरीको नियन्त्रणमा
२०७९-०९-०९
- A
- A-
- A+
मकवानपुर, मकवानपुरगढी गाउँपालिका-२ बासपानी बस्ने २० वर्षीय सन्तोष मगरको घरमा प्रहरीले विशेष सूचनाको आधारमा चेकजाँच गर्दा निजको घरमा अन्दाजी ९५ तोला चादी फेला परेको छ । बागमती प्रदेश प्रहरी कार्यालय हेटौडा मकवानपुरले जिल्ला भक्तपुर कमल विनायकबाट बा५३प ७५९७ नं.को अपाचे मोटरसाईकलमा सावर व्यक्तिले चादी चोरी गरी फरार भएको भनि हुलिया सहित जिल्ला प्रहरी कार्यालय मकवानपुरमा रिले गरेकोमा विशेष सूचनाको आधारमा उक्त मोटरसाईकल चालकलाई खोजतलाश गर्दै जाने क्रममा उक्त नं.को मोटरसाईकल मकवानपुरगढी-२ बासपानी बस्ने सन्तोष मगरको घरमा देखेपछि सोधपुछ गर्ने क्रममा शंका लागि चेकजाँच गर्दा निजको घरमा स्रोत नखुलेको अन्दाजी ९५ तोला चादी फेला परेको थियो । प्रहरीले मोटरसाईकल, मोटरसाईकल चालक र चादी सहित नियन्त्रणमा लिएको छ । यस घटना बारे थप अनुसन्धान कार्य भईरहेको छ ।