लागुऔषध सहित १ जना मानिस मो.सा. सहित नियन्त्रणमा

२०८३-०६-०५

A
A^-
A⁺

जिल्ला मकवानपुर मनहरी गाँउपालिका-७ चैनपुर रोड स्थित भित्री सडक खण्डमा इलाका प्रहरी कार्यालय मनहरी मकवानपुरबाट ट्राफिक सहित खटिएको प्रहरी चेकिङ टोलीले मनहरीतर्फ बाट चैनपुर तर्फ जाँदै गरेको बा.प्र. ०३-००६ प २२६५ नं. को मो.सा. लाई रोकी चेकजाँच गर्ने क्रममा मो.सा.चालक जिल्ला मकवानपुर राक्सिराङ गाँउपालिका-८ बस्ने अन्दाजी बर्ष २३ को अन्जन कुमार थिङले बोकेको खैरो कलरको साईड ब्याकमा लागुऔषध खैरो हिरोईन जस्तो देखिने पदार्थ प्लाष्टिक सहित अन्दाजी २ ग्राम (तौल गर्न बाँकी) फेला पारी मो.सा., चालक सहित नियन्त्रणमा लिई इलाका प्रहरी कार्यालय मनहरी मकवानपुर ल्याई राखिएको, आवश्यक अनुसन्धान कार्य भई रहेको ।

सम्बन्धित समाचार

भोटेकोशी बाढी अपडेट : १ हजार ४ सय ५१ जनाको शव फेला

२०८३-०६-०६

रसुवाको भोटेकोशीमा आएको विनाशकारी बाढीका कारण मंगलबार बिहान ०८:०० बजे सम्म १ हजार ४ सय ५१ जनाको शव फेला परेको छ । जसमध्ये रसुवामा २ सय ३६ जना, नुवाकोटमा २ सय ३ जना, धादिङमा ७२ जना, चितवनमा ३ सय ६७ जना, गोरखामा ७९ जना, तनहुँमा ३८ जना, नवलपरासी पूर्वमा २ सय ३२ जना र नवलपरासी पश्‍चिममा २ सय २२ जना गरी १ हजार ४ सय ४९ जनाको शव फेला परेको हो । साथै २ जनाको काठमाडौंमा उपचारको क्रममा मृत्यु भएको हो । फेला परेका शवहरूको पहिचानका लागि डिएनए नमुना सङ्कलन देखि आवश्यक प्रक्रिया पुरा गरी हाल सम्म १ हजार ३ सय ३३ वटा शव व्यवस्थापन (माटो मुनि सुरक्षित राखिएको) गरिएको छ । शव पहिचानका लागि मृतकका १ हजार ३ सय २९ र आफन्तका २ हजार १६ गरी कुल ३ हजार ३ सय ४५ वटा डिएनए नमुना सङ्कलन गरिएको छ । साथै पहिचान नभएको १ हजार ४ सय २४ वटा शवहरूको विवरण नेपाल प्रहरीको वेबसाइटमा समेत अपलोड गरिएको छ । बाढी प्रभावित क्षेत्रमा उद्दार, खोजी, राहत वितरण, शव व्यवस्थापन लगायतका कार्यका लागि हालसम्म ७ हजार ९ सय ७५ जना प्रहरी कर्मचारीहरू परिचालन गरिएको छ । हालसम्म बेपत्ता भएका ४ हजार ७ सय १८ जनाको खोजी कार्य भइरहेको छ । यसैगरी विभिन्न जिल्लाहरूमा रहेको होल्डिङ सेन्टरमा १ हजार ३ सय ४७ जना व्यक्तिहरूलाई राखिएको छ ।

मानिस मृत अबस्थामा फेला परेको

२०८३-०६-०५

जिल्ला खोटाङ हलेशी टुवाचुङ नगरपालिका-२ घरभई हाल जिल्ला काभ्रे महाभारत गाँउपालिका-६ बनखुचौर स्थित नवनिर्मित अस्पतालमा काम गर्ने कामदारहरुलाई खाना पकाउने काम गर्दै आएकी बर्ष अंन्दाजी २५ की सिर्जना राई मिति २०८३।०५।२९ गते देखि हराएको भनि इलाका प्रहरी कार्यालय देविटार काभ्रेमा मिति २०८३।०५।३१ गते हुलिया सहितको निवेदन दिएकोमा खोजतलास गर्दै जाने क्रममा निज महिला जिल्ला काभ्रे महाभारत गाँउपालिका-६ बनखुचौर स्थित डाँडाबाट अन्दाजी ३०० मिटर तल लडी मृत अबस्थामा फेला परेको भन्ने खबर प्राप्त हुनसाथ उक्त स्थानमा प्रहरीको टोली खटिई गई घटनास्थल सुरक्षित राखिएको, उक्त लाश झाडीमा खुट्टा अल्झीएको अबस्थामा रहेको, थप अनुसन्धान तथा घटनास्थल मुचुल्लाको लागि इलाका प्रहरी कार्यालय मंगलटार काभ्रेबाट प्रहरी निरीक्षको टोली र जिल्ला प्रहरी कार्यालय काभ्रेबाट SOCO सहितको टोली खटि गई, आवश्यक अनुसन्धान कार्य भईरहेको ।

झुण्डी मृत्यु

२०८३-०६-०५

चितवन, भरतपुर महानगरपा २८ पर्सा बजार स्थित अन्दाजी बस्ने सोमलाल कुमालको श्रीमती बर्ष ४३ कि सुकमाया कुमाल आफ्नै घरको कोठामा प्लास्टिकको डोरिले पासो लगाई झुण्डी मृत्यु भएको जानकारी हुना साथ प्रहरी टोली खटिगई घटना स्थल सुरक्षित राखी मुचुल्का सहित थप अनुसन्धान कार्य भईरहेको ।

लागुऔषध गाँजा सहित ३ जना मानिस नियन्त्रणमा

२०८३-०६-०४

जिल्ला चितवन राप्ती नगरपालिका-१ परेवाकोट डाँडा स्थित जङ्गलमा गोप्य सुचनाको आधारमा इलाका प्रहरी कार्यालय भण्डाराबाट खटिएको प्रहरी टोलीले जिल्ला चितवन राप्ती नगरपालिका-१२ बस्ने वर्ष अन्दाजी ५५/६० चन्द्र बहादुर चेपाङ, ऎ.ऎ. बस्ने वर्ष अन्दाजी २९ को हरिलाल चेपाङ र ऎ. २ बस्ने वर्ष अन्दाजी ५२ को वीर बहादुर ब्लोन लाई लागुऔषध गाँजा पैदलमा ओसार-पसार गरिरहेको अवस्थामा ६ वटा बोराभित्र रातो प्लास्टिकमा कालो प्लास्टिकको डोरीले बेरिएको ६ वटा गाँजाको पोकाहरु प्याकिङ गरिएको प्लाष्टिक सहित ९२ के.जी. फेला पारी उक्त गाँजा सहित नियन्त्रणमा लिई इलाका प्रहरी कार्यालयकामा ल्याई आवश्क अनुसन्धान कार्य भईरहेको ।

फरार प्रतिवादी प्रकाउ

२०८३-०६-०४

इलाका प्रहरी कार्यालय नेवारपानी मकवानपुरबाट खटिएको प्रहरी टोलिले सम्मानित जिल्ला अदालत मकवानपुरको मिति २०८३।०२।१२ गतेको फैसलाले कुटपिट अंगभंग मुद्दामा १(एक) महिना कैद, रू.१०००।–(एक हजार) जरिवामा भएकी फरार प्रतिवादी जिल्ला मकवानपुर मनहरी गाँउपालिका-३ लामीटार बस्ने राम बहादुर सुनारको छोरी बर्ष २८ की रोजिना राई लाई निजकै घर ठेगानाबाट पक्राउ गरी, जिल्ला प्रहरी कार्यालय मकवानपुर ल्याई आवश्यक अनुसन्धान कार्य भईरहेको ।

फरार प्रतिवादि नियन्त्रणमा लिएको

२०८३-०६-०३

जिल्ला धादिङ ‍ निलकण्ठ नगरपालिका-३ एमाले चोक स्थितमा खटिएको प्रहरी टोलिले गोप्य सुचनाको आधारमा अभद्र व्यवहार मुद्दाको १ महिना कैद भएको फरार प्रतिवादि जिल्ला धादिङ सिद्धलेक गाँउपालिका-०४ बस्ने ओम बहादुर शाहको छोरा बर्ष अन्दाजी २७ को बिमल ठकुरी भन्ने बिमल शाहलाई नियन्त्रणमा लिई जिल्ला प्रहरी कार्यालय धादिङमा ल्याई राखेको, आवश्यक अनुसन्धान कार्य भईरहेको ।