मानिस खोला तर्ने क्रममा खोलाले बगाई मृत्यु भएको

२०८३-०६-०३

A
A^-
A⁺

जिल्ला नुवाकोट लिखु गाँउपालिका-४ गड्खार स्थित तादी खोला तर्ने क्रममा ऐ.ऐ. बस्ने बर्ष ४७ को चन्द्र बहादुर सुनारलाई खोलाले बगाई मृत्यु भएको भन्ने खबर प्राप्त हुनासाथ इ.प्र.का.ढिकुरे नुवाकोटबाट प्रहरीको टोली खटि (शव स्थानियले पानीबाट बाहिर निकालेको) घटना स्थाल सुरक्षित राखिएको, इ.प्र.का. खरानिटार नुवाकोटबाट मुचुल्का सहितको टोली खटि खटि गएको आवश्यक अनुसन्धान कार्य भईरहेको ।

सम्बन्धित समाचार

झुण्डी मृत्यु

२०८३-०६-०५

चितवन, भरतपुर महानगरपा २८ पर्सा बजार स्थित अन्दाजी बस्ने सोमलाल कुमालको श्रीमती बर्ष ४३ कि सुकमाया कुमाल आफ्नै घरको कोठामा प्लास्टिकको डोरिले पासो लगाई झुण्डी मृत्यु भएको जानकारी हुना साथ प्रहरी टोली खटिगई घटना स्थल सुरक्षित राखी मुचुल्का सहित थप अनुसन्धान कार्य भईरहेको ।

फरार प्रतिवादी प्रकाउ

२०८३-०६-०४

इलाका प्रहरी कार्यालय नेवारपानी मकवानपुरबाट खटिएको प्रहरी टोलिले सम्मानित जिल्ला अदालत मकवानपुरको मिति २०८३।०२।१२ गतेको फैसलाले कुटपिट अंगभंग मुद्दामा १(एक) महिना कैद, रू.१०००।–(एक हजार) जरिवामा भएकी फरार प्रतिवादी जिल्ला मकवानपुर मनहरी गाँउपालिका-३ लामीटार बस्ने राम बहादुर सुनारको छोरी बर्ष २८ की रोजिना राई लाई निजकै घर ठेगानाबाट पक्राउ गरी, जिल्ला प्रहरी कार्यालय मकवानपुर ल्याई आवश्यक अनुसन्धान कार्य भईरहेको ।

लागुऔषध गाँजा सहित ३ जना मानिस नियन्त्रणमा

२०८३-०६-०४

जिल्ला चितवन राप्ती नगरपालिका-१ परेवाकोट डाँडा स्थित जङ्गलमा गोप्य सुचनाको आधारमा इलाका प्रहरी कार्यालय भण्डाराबाट खटिएको प्रहरी टोलीले जिल्ला चितवन राप्ती नगरपालिका-१२ बस्ने वर्ष अन्दाजी ५५/६० चन्द्र बहादुर चेपाङ, ऎ.ऎ. बस्ने वर्ष अन्दाजी २९ को हरिलाल चेपाङ र ऎ. २ बस्ने वर्ष अन्दाजी ५२ को वीर बहादुर ब्लोन लाई लागुऔषध गाँजा पैदलमा ओसार-पसार गरिरहेको अवस्थामा ६ वटा बोराभित्र रातो प्लास्टिकमा कालो प्लास्टिकको डोरीले बेरिएको ६ वटा गाँजाको पोकाहरु प्याकिङ गरिएको प्लाष्टिक सहित ९२ के.जी. फेला पारी उक्त गाँजा सहित नियन्त्रणमा लिई इलाका प्रहरी कार्यालयकामा ल्याई आवश्क अनुसन्धान कार्य भईरहेको ।

फरार प्रतिवादि नियन्त्रणमा लिएको

२०८३-०६-०३

जिल्ला धादिङ ‍ निलकण्ठ नगरपालिका-३ एमाले चोक स्थितमा खटिएको प्रहरी टोलिले गोप्य सुचनाको आधारमा अभद्र व्यवहार मुद्दाको १ महिना कैद भएको फरार प्रतिवादि जिल्ला धादिङ सिद्धलेक गाँउपालिका-०४ बस्ने ओम बहादुर शाहको छोरा बर्ष अन्दाजी २७ को बिमल ठकुरी भन्ने बिमल शाहलाई नियन्त्रणमा लिई जिल्ला प्रहरी कार्यालय धादिङमा ल्याई राखेको, आवश्यक अनुसन्धान कार्य भईरहेको ।

भोटेकोशी बाढी अपडेट : १ हजार ४ सय १० जनाको शव फेला

२०८३-०६-०२

रसुवाको भोटेकोशीमा आएको विनाशकारी बाढीका कारण शुक्रबार १४:०० बजे सम्म १ हजार ४ सय १० जनाको शव फेला परेको छ । जसमध्ये रसुवामा १ सय ९९ जना, नुवाकोटमा २ सय ३ जना, धादिङमा ७२ जना, चितवनमा ३ सय ६४ जना, गोरखामा ७८ जना, तनहुँमा ३८ जना, नवलपरासी पूर्वमा २ सय ३२ जना र नवलपरासी पश्‍चिममा २ सय २२ जना गरी १ हजार ४ सय ८ जनाको शव फेला परेको हो । साथै २ जनाको काठमाडौंमा उपचारको क्रममा मृत्यु भएको हो । फेला परेका शवहरूको पहिचानका लागि डिएनए नमुना सङ्कलन देखि आवश्यक प्रक्रिया पुरा गरी हाल सम्म १ हजार २ सय ४६ वटा शव व्यवस्थापन (माटो मुनि सुरक्षित राखिएको) गरिएको छ । शव पहिचानका लागि मृतकका १ हजार २ सय ८६ र आफन्तका १ हजार ९ सय ९१ गरी कुल ३ हजार २ सय ७७ वटा डिएनए नमुना सङ्कलन गरिएको छ । साथै पहिचान नभएको १ हजार ३ सय ६२ वटा शवहरूको विवरण नेपाल प्रहरीको वेबसाइटमा समेत अपलोड गरिएको छ । बाढी प्रभावित क्षेत्रमा उद्दार, खोजी, राहत वितरण, शव व्यवस्थापन लगायतका कार्यका लागि हालसम्म ७ हजार ९ सय ७५ जना प्रहरी कर्मचारीहरू परिचालन गरिएको छ । हालसम्म बेपत्ता भएका ४ हजार ९० जनाको खोजी कार्य भइरहेको छ । यसैगरी विभिन्न जिल्लाहरूमा रहेको होल्डिङ सेन्टरमा १ हजार ८ सय ६ जना व्यक्तिहरूलाई राखिएको छ ।

प्रहरी सहायक निरीक्षक तथा प्रहरी कार्यालय सहयोगी पदमा नयाँ भर्नाका लागि दरखास्त आव्हान

२०८३-०६-०२

नेपाल प्रहरीमा जनपद प्रहरी समूहतर्फ रिक्त प्रहरी सहायक निरीक्षक र प्रहरी कार्यालय सहयोगी पदमा खुला प्रतियोगिताद्वारा समावेशी प्रावधान बमोजिम पदपूर्ति गर्न नयाँ भर्नाका लागि दरखास्त आव्हान गरिएको छ । प्रहरी सहायक निरीक्षक पदका लागि २ सय ११ जना र प्रहरी कार्यालय सहयोगी पदका लागि भान्छेतर्फ ८३ जना, हजामतर्फ १५ जना र कुचीकारतर्फ २५ जना गरी जम्मा १ सय २३ जना नयाँ भर्नाका लागि दरखास्त आव्हान गरिएको हो । प्रहरी सहायक निरीक्षक पदमा दरखास्त दिने उम्मेदवारहरूले नेपाल प्रहरीको Online Recruitment Management System (ORMS) मार्फत अनलाइन दरखास्त दिनुपर्ने छ । अनलाइनबाट दरखास्त दिन नेपाल प्रहरीको वेबसाइट www.nepalpolice.gov.np को Career भित्र Online Application वा https://careers.nepalpolice.gov.np मा गई दरखास्त फारम भर्न सकिनेछ । यसैगरी प्रहरी कार्यालय सहयोगी पदका लागि जिल्ला प्रहरी परिसरहरू काठमाडौं, भक्तपुर र ललितपुर, ७ वटै प्रदेश प्रहरी तालिम केन्द्रहरू विराटनगर, जनकपुर (हाल राजविराज सप्तरी), दुधौली सिन्धुली, पोखरा, बुटवल, सुर्खेत (हाल नेपालगंज बाँके) र दिपायल तथा सबै जिल्ला प्रहरी कार्यालयहरूमा दरखास्त फारम पाइने र बुझाउन सकिने छ । नयाँ भर्ना हुन इच्छुक नागरिकहरूले प्रहरी सहायक निरीक्षक र प्रहरी कार्यालय सहयोगी पदको लागि असोज १२ गतेदेखि कात्तिक १० गतेसम्म दरखास्त फारम भर्न सक्नेछन् । दरखास्त आव्हान सम्बन्धी विस्तृत विवरण सहितको सूचना तथा सम्बन्धित पदको पाठ्यक्रम नेपाल प्रहरीको वेबसाइटमा समेत राखिएको छ ।