अवैध लागुऔषध सहित २ जना पुरूष व्यक्ति नियन्त्रणमा

२०८२-०९-२१

A
A^-
A⁺

चितवन, राप्ती नगरपालिका-११, डुम्रेखाडी स्थित भित्री सडक खण्डमा इलाका प्रहरी कार्यालय भण्डारा चितवनबाट प्रहरी निरीक्षकको कमाण्डमा खटिएको ७ जनाको गस्ती टोलीले गस्ती गर्दै जाने क्रममा आँपपानीबाट भण्डारातर्फ आउँदै गरेको ना.६१प ७८५९ नम्बरको मोटरसाईकल, लु.२६प ६६९२ नम्बरको मोटरसाईकल र ना.५५प ७२३७ नम्बरको मोटरसाईकललाई शङ्का लागि रोकी चेकजाँच गर्ने क्रममा लु.२६प ६६९२ नं.को मोटरसाईकल र ना.५५प ७२३७ नं.को मोटरसाईकल पछाडी कालो प्लास्टिकले छोपेको अवस्थामा ५/५ वटा पोकामा ६२/६२ किलोग्राम गरी जम्मा १२४ किलोग्राम लागू औषध गाँजा सहित ३ वटा मोटरसाईकल फेला परेको । जिल्ला चितवन राप्ती नगरपालिका-११, डुम्रेखाडी बस्ने वर्ष ३३ को वीरबहादुर तामाङ र सोहि बस्ने वर्ष ३१ को हिरालाल तामाङलाई नियन्त्रणमा लिई थप अनुसन्धान गरिराख्दा ना.६१प ७८५९ नं.को मोटरसाईकलमा सवार हाल नामथर वतन नखुलेको २ जना पुरूष व्यक्ति फरार रहेकोलाई खोज तलास भईरहेको छ ।

सम्बन्धित समाचार

भरूवा बन्दुक नियन्त्रणमा ।

२०८३-०६-२३

सिन्धुपाल्चोक, प्रहरी गस्ती टोलीले जिल्ला सिन्धुपाल्चोक चौतारा साँगाचोक गढी नगरपालिका-१ हर्लङबर्लङ स्थित स्याउले सामुदायिक वनमा झाडी भित्र लुकाई छिपाई राखिएको वेवारिसे अबस्थामा रहेको लोड भएको चालु अबस्थामा रहेको १ थान एक नाले भरुवा बन्दुक फेला पारी भरुवा बन्दुकलाई कानुन बमोजिम बरामद गरी जिल्ला प्रहरी कार्यालयमा ल्याई राखिएको ।

फरार प्रतिवादी पक्राउ ।

२०८३-०६-२१

मकवानपुर, जिल्ला अदालत मकवानपुरको फैसलाले १ महिना कैद रु. ३,०००।– (तिन हजार) जरिवाना तोकिएको बैंकिङ कसुर (ठगी) मुद्धाको फरार प्रतिबादी जिल्ला मकवानपुर हेटौंडा उपमहानगरपालिका-०९ प्रगतिटोल बस्ने वर्ष अन्दाजी- ४० को बुद्धिलाल लो खोजतलाश गर्दै जाने क्रममा सोहि स्थान-०९ प्रगति चोकमा बसिरहेको अबस्थामा पक्राउ गरी आवश्यक थप अनुसन्धान कार्य भईरहेको ।

सवारी दुर्घटनामा चालकको मृत्यू ।

२०८३-०६-२०

चितवन, रत्ननगर नगरपालिका –०३ बेल्सीपुलस्थित पूर्व–पश्चिम राजमार्गमा ट्रकलाई ओभरटेक गर्ने क्रममा मोटरसाइकल ठोक्किँदा चालकको मृत्यु भएको छ । मिति २०८३।०६।२० गते बिहान करिब १०:३० बजेको समयमा शान्तिचोकबाट तरकारीचोकतर्फ जाँदै गरेको बा.प्र.०१–००३ क ८७२५ नम्बरको ट्रकलाई सोही दिशातर्फ जाँदै गरेको बा.प्र.०६००८ प ३५६३ नम्बरको मोटरसाइकलले ओभरटेक गर्ने क्रममा ट्रकमा ठोक्किएको थियो । दुर्घटनामा मोटरसाइकल चालक जिल्ला चितवन, रत्ननगर नगरपालिका –०१ बस्ने करिब २० वर्षीय ओशिक अन्सारी घाइते भएका थिए । उनलाई उपचारका लागि नयाँ मेडिकल कलेज, चितवन लगिएकोमा बिहान ११:०९ बजे चिकित्सकले मृत घोषणा गरेको हो । दुर्घटनापछि ट्रक र ट्रक चालक जिल्ला उदयपुर, रौतामाई गाउँपालिका –०९ बस्ने ३८ वर्षीय इन्द्रमान परियारलाई नियन्त्रणमा लिइएको छ ।उक्त दुर्घटनामा सम्बन्धमा थप अनुसन्धान भइरहेको छ ।

फरार प्रतिवादी पक्राउ

२०८३-०६-२०

मकवानपुर हेटौडा उपमहानगरपालिका ८ ओमनगर नजिकै बस्ने वर्ष अन्दाजी ३१ को राजकुमार खड्कालाई सुशान्त श्रेष्ठको जाहेरीले नेपाल सरकारको फैसला मिति २०८२।०२।१८ गतेको लगतै चोरी मुद्दामा फरार रहेका प्रतिवादीको २ वर्ष कैद रु.२०,०००।- जरिवाना रहेको फरार प्रतिवादिलाई निजकै घरबाट इलका प्रहरी कार्यालय पशुपतिनगर मकवानपुर र अस्थायी प्रहरी पोष्ट हरियालि मकवानपुरबाट खटिएको प्रहरी टोलीले नियन्त्रणमा लिएको छ ।

फरार प्रतिवादी नियन्त्रणमा।

२०८३-०६-१९

मकवानपुर, जिल्ला प्रशासन कार्यालय मकवानपुरको पत्र जाहेरीले वादी नेपाल सरकार प्रतिवादी जिल्ला मकवानपुर मकवानपुरगढी गाउँपालिका-०७ बतासे घर भई हाल ऐ.हेटौडा उप-महानगरपालिका-०९ H.I.D. बस्ने वर्ष अन्दाजी-४५ की देउ कुमारी पौडेल (स्याङतान) भएको दोहोरो नागरिकता मुद्धा (चालु मुद्धा) को फरार प्रतिवादी आफै जिल्ला प्रहरी कार्यालय, मकवानपुरमा उपस्थित हुन आएकोले निजलाई नियन्त्रणमा लिई थप आवश्यक अनुसन्धान कार्य भईरहेको ।

मानिस झुण्डी मृत अवस्थामा फेला

२०८३-०६-१९

जिल्ला रामेछाप मन्थली नगरपालिका-११ बरबोटे बस्ने वर्ष अन्दाजी ३० को लब आच्छामी आफ्नै घरको सुत्ने कोठाको दलिनमा खाँदा सलको पासो लागाई झुन्डी मृत अवस्थामा फेला परेको छ । घटनास्थल मुचुल्का सहित थप अनुसन्धान कार्य भईरहेको छ ।