मकवानपुर, मनहरी गाउँपालिका-७, मनहरी बजार स्थित रहेको इलाका प्रहरी कार्यालय मनहरी, मकवानपुर कार्यालय अगाडी चेकपोष्टमा प्रहरी निरीक्षकको कमाण्डमा खटिएको ७ जनाको चेकिङ टोलीले चितवन तर्फबाट हेटौंडा तर्फ आउँदै गरेको बा.प्र.०१-००६ ख ७७०१ नम्बरको यात्रु बाहक बसलाई रोकी चेकजाँच गर्ने क्रममा बसमा सवार जिल्ला मकवानपुर राक्सिराङ गाउँपालिका-९, अठारे बस्ने वर्ष अन्दाजी ३० को हिरालाल प्रजा, सोहि बस्ने वर्ष १९ को सुकराम प्रजा, अन्दाजी वर्ष १९ को राम शरण प्रजा, अन्दाज वर्ष २५ की विन्दु माया प्रजा, अन्दाजी वर्ष २९ की रन्जिता प्रजा, अन्दाजी वर्ष ३० की सुक्रमाया प्रजा र जिल्ला मकवानपुर राक्सिराङ गाउँपालिका-९ अठोरा घर भई हाल जिल्ला चितवन राप्ति नगरपालिका-९ पिप्ले बस्ने वर्ष अन्दाजी ४८ को होमराज अधिकारीलाई चेकजाँच गर्दा निजहरूको साथमा रहेको पछाडी भिर्ने झोलामा कपडाले बेरी लुकाई छिपाई ल्याएको सबै झोलामा गरी लागुऔषध गाँजा तौल गर्दा ५३ किलो ५७० ग्राम फेला परेको । लागुऔषध सहित निजहरूलाई नियन्त्रणमा लिई थप अनुसन्धान कार्य भईरहेको छ ।