धादिङ, बेनिघाट रोराङ गाउँपालिका-९, खटौती स्थित गोर्खाली होटेल अगाडि पार्किङ गरी राखेको BR 01 GB 8653 नं.को भारतीय TATA मिनि ट्रकमा लागुऔषध लुकाई छिपाई राखि चितवन तर्फ लैजाँदै छ भन्ने गोप्य सुचनाको आधारमा प्रहरी चौकी जोगिमाराबाट प्रहरी नायव निरीक्षकको कमाण्डमा ७ जनाको टोलि खटि गई उक्त नम्बरको ट्रकलाई नियन्त्रणमा लिई प्रहरी चौकी जोगिमारा धादिङमा ल्याई चेकजाँच तथा सोधपुछ गर्दा उक्त ट्रकको क्याबिन पछाडि ढालामा फलस बटन बनाई भित्र प्लाष्टिकले बेरी कालो डोरीले बाँधेको ३० पोकामा अन्दाजी २२० किलोग्राम लागुऔषध गाँजा फेला परेको । लागुऔषध गाँजा सहित जिल्ला पर्सा बहुदरमाई नगरपालिका-४ बस्ने वर्ष २८ को दिनानाथ यादब र सोहि कालिकामाई गाउँपालिका-१ बस्ने वर्ष ५३ को कमल राउत कुर्मीलाई नियन्त्रणमा लिई थप अनुसन्धान कार्य भईरहेको छ ।