मकवानपुर, हेटौंडा उपमहानगरपालिका-१५, रातोमाटे चेकपोईन्ट स्थित पुर्व पश्चिम सड्क खण्डमा विशेष सुचनाको आधारमा प्रहरी चौकी रातोमाटे मकवानपुरबाट प्रहरी हवल्दारको कमाण्डमा खटिएको प्रहरी टोलीले भारतको रक्सौलबाट काठमाण्डौँ तर्फ आउँदै गरेको BR 01 PB 1802 नम्बरको सुमोलाई रोकी चेकजाँच गर्ने क्रममा उक्त सुमोको पछाडी तर्फको दुईवटै साईडको वडी भित्र लुकाई छिपाई ल्याएको कालो प्लाष्टिकको ३९ पोकामा रहेको DIAZEPAM 2ML को १९५० एम्पुल, NOOPHIN 2ML को १९५० एम्पुल, PHENERGAN 2ML को १९५० एम्पुल र Tramadol २४ पत्तामा २४० क्याप्सुल गरी जम्मा ५८५० एम्पुल र २४० क्याप्सुल फेला परेको । सुमो चालक देश भारत उत्तर प्रदेश राज्य बहराईच जिल्ला बलाई गाँउ बस्ने वर्ष अन्दाजी ३५ को किस्मत अलि र सहचालक सोहि बस्ने वर्ष अन्दाजी २८ को शाहरुख अलि सहित सुमोलाई लागुऔषध सहित नियन्त्रणमा लिई थप अनुसन्धान कार्य भईरहेको छ ।