विपद् व्यवस्थापनका लागि संयुक्त कृत्रिम अभ्यास कार्यक्रम (हातेमालो) सम्पन्न ।
२०८२-०२-२२
- A
- A-
- A+
आन्तरिक मामिला तथा कानून मन्त्रालय हेटौंडाको आयोजना र सुरक्षा निकायहरूको समन्वय एवं सहकार्यमा विपद् व्यवस्थापन सम्बन्धी जलउद्धार संयुक्त कृत्रिम अभ्यास प्रदर्शनी कार्यक्रममा बागमती प्रदेश सरकारका मुख्यमन्त्री माननीय श्री बहादुर सिंह लामा (तामाङ) ज्यूको प्रमुख आतिथ्यतामा सम्पन्न भएको हो ।
मिति २०८२।०२।१६ गते देखी ऐ.२२ गते सम्म सञ्चालन भएको ७ दिने कार्यक्रम अन्तर्गत आज मिति २०८२।०२।२२ गते भरतपुर महानगरपालिका वडा नं. १ स्थित नारायणी नदि किनारमा नेपाली सेना, नेपाल प्रहरी, सशस्त्र प्रहरी, रेडक्रस र स्काउट समेतको जल उद्धार सम्बन्धी अभ्यासको संयुक्त प्रदर्शनी गरिएको थियो । उक्त कार्यक्रममा माननीय मुख्य मन्त्रीज्यूबाट विपद् उद्धारमा योगदान पुर्याउनु हुने नेपाली सेना, नेपाल प्रहरी, सशस्त्र प्रहरी एवं अन्य सरोकारवाला निकायहरूलाई कदर-पत्र प्रदान गर्नुको साथै कार्यक्रम स्थलमा राखिएको विपद् उद्धारमा प्रयोग हुने सामाग्रीहरूको समेत अवलोकन गर्नु भएको थियो ।
कार्यक्रममा आन्तरिक मामिला तथा कानुन मन्त्री माननीय श्री सुरज चन्द्र लामिछानेज्यू, मध्य पृतना हेडक्वाटर सुपारीटार हेटौंडाका उप-रथिज्यू, चितवन जिल्लाका प्रमुख जिल्ला अधिकारीज्यू, बागमती प्रदेश स्तरीय सुरक्षा निकायका प्रमुखज्यूहरू, जिल्ला स्तरीय सुरक्षा निकायका प्रमुखज्यूहरू, सिनियर प्रहरी अधिकृतज्यूहरू, जनप्रतिनिधि, संचारकर्मी, अस्पताल, स्काउट, नेपाल रेडक्रस, स्थानीय व्यक्तित्व, समाजसेवीहरु लगायतको उपस्थिति रहेको थियो ।