अवैध लागुऔषध सहित मानिस नियन्त्रणमा

२०८१-१२-११

A
A^-
A⁺

मकवानपुर, हेटौंडा उपमहानगरपालिका-१५, रातोमाटे चेकपोइन्ट स्थित पूर्व पश्चिम सडक खण्डमा प्रहरी चौकी रातोमाटेबाट खटिएको चेकिङ टोलीले सर्लाहीबाट पोखरातर्फ जादै गरेको ग १२ प ४९७८ नम्बरको मोटरसाईकललाई रोकी चेकजाँच गर्ने क्रममा उक्त मोटरसाईकल चालक जिल्ला सर्लाही, हरिपुर नगरपालिका-२ बस्ने अन्दाजी २६ वर्षीय राजेश तामाङ र पछाडी सवार जिल्ला कास्की, पोखरा महानगरपालिका-१९ बस्ने वर्ष अन्दाजी २० को निर्मल ढुङ्गेलको शरीर तथा निजहरूले बोकेको कालो झोला भित्र लुकाई छिपाई ल्याएको १९ पत्तामा (३० वटाको दरले) ५७० वटा Tablet लागुऔषध NITRAVET- 10 लेखेको फेला परेको हुदाँ निजहरू दुवै जनालाई नियन्त्रणमा लिई थप अनुसन्धान कार्य भईरहेको छ ।

सम्बन्धित समाचार

दोलखामा झुण्डी मृत्यु

२०८२-०१-०४

दोलखा, कालिन्चोक गाउँपालिका-३, करमथली स्थित बस्ने वर्ष अन्दाजी ५० की मैना तामाङ सोहि बजिनी टोल माईती दाई बम बहादुर तामाङको घरमा बस्दै आएकोमा सोहि बस्ने अम्मर बहादुर तामाङको अन्दाजी ५०० मिटर पश्चिम तर्फको बारीमा रहेको काफलको रुखमा नाईलनको डोरीले घाँटीमा पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।

५२ किलोग्राम लागुऔषध गाँजा सहित १ जना मानिस नियन्त्रणमा

२०८२-०१-०४

मकवानपुर, मनहरी गाउँपालिका-६, नयाँबस्ती स्थित ब्रर्मादेवी सामुदायिक बन भित्र सोहि मनहरी गाउँपालिका-६, रुपाचुरीबाट नयाँबस्ती तर्फ ७/८ जना व्यक्तिहरुले पिठ्युमा लागुऔषध गाँजाको पोका बोकेर पैदल आउँदै छ भन्ने विशेष सुचनाको आधारमा इलाका प्रहरी कार्यालय मनहरी मकवानपुरबाट प्रहरी वरिष्ठ नायव निरीक्षकको कमाण्डमा टोली खटी जाँदा उक्त व्यक्तिहरुले प्रहरी टोलिलाई देख्ना साथ निजहरूले बोकेको लागुऔषध गाँजाको पोका सोही जंगलमा फालेर भाग्ने क्रममा एक जना जिल्ला मकवानपुर मनहरी गाउँपालिका-६, नयाँवस्ती बस्ने वर्ष अन्दाजी ५० को बाबुराम मोक्तानको साथबाट ८ के.जी. लागुऔषध गाँजा सहित नियन्त्रणमा लिएको र जम्मा प्लास्टिक सहित तौल गर्दा लागुऔषध गाँजा ५२ के.जि. फेला परेको । यस घटना सम्बन्धमा थप अनुसन्धान कार्य भईरहेको ।

काभ्रेपलाञ्चोकमा एक महिला मृत फेला

२०८२-०१-०३

काभ्रे, पनौती नगरपालिका-७, स्थित कोलाछेटोलबाट इन्द्रेश्वर मन्दिर जाने बाटोको पार्कमा फलामको बेन्चमा हाल नामथर वतन नखुलेको अन्दाजी वर्ष ३६ की वेवारीसे महिला मृत अवस्थामा फेला परेको । घटनास्थल मुचुल्का सहित आवश्यक अनुसन्धान कार्य भईरहेको छ ।

रामेछापमा झुण्डी एकको मृत्यु

२०८२-०१-०२

रामेछाप, मन्थली नगरपालिका-४, सिम्लेटोल बस्ने यम बहादुर आलेमगरको छोरा वर्ष अन्दाजी ३९ को सोम बहादुर आलेमगर आफ्नै घर देखि अन्दाजी १०० मिटर नजिक पाखामा रहेको कुटमेरोको रुखमा सर्टको पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।

लागुऔषध गाँजा सहित २ जना मानिस नियन्त्रणमा

२०८२-०१-०१

मकवानपुर, हेटौंडा उपमहानगरपालिका-१५, रातोमाटे चेकपोइन्ट स्थित पुर्व पश्चिम सडकखण्डमा प्रहरी चौकी राटोमाटे मकवानपुरबाट प्रहरी सहायक निरीक्षकको कमाण्डमा खटिएको प्रहरी चेकिङ टोलीले नारायणगढबाट बिरगन्ज तर्फ जाँदै गरेको ना ७ ख १५८७ को यात्रु बाहक बसलाई रोकी चेकजाँच गर्ने क्रममा बसमा सवार जिल्ला मकवानपुर भिमफेदी गाउँपालिका-९, कुरले बस्ने वर्ष अन्दाजी २४ को कमल प्रजा र कैलाश गाउँपालिका-१०, बेतिघारी बस्ने वर्ष अन्दाजी २९ की सुमित्रा प्रजाले बोकेको खैरो रंगको झोलामाथी संका लागी निजहरुको शरिर र झोला चेकजाँच गर्दा कमल प्रजाको साथबाट अन्दाजी ६ के.जि. र सुमित्रा प्रजाको साथबाट अन्दाजी ६ के.जि. लागुऔषध गाँजा गरी जम्मा अन्दाजी १२ के.जि. लागुऔषध गाँजा फेला परेको । निजहरूलाई लागुऔषध गाँजा सहित नियन्त्रणमा लिई थप अनुसन्धानको लागी जिल्ला प्रहरी कार्यालय मकवानपुर तर्फ पठाईएको ।

मानिस मृत अवस्थामा फेला

२०८१-१२-३०

सिन्धुली दुधौली नगरपालिका-५ सिर्थौली स्थित मुनिलाल दनुवारको खेत छेउमा हाल नामथर वतन नखुलेको अन्दाजी वर्ष ६०/६५ को पुरुष व्यक्ति मृत अवस्थामा फेला परेको छ । घटनास्थल मुचुल्का सहित थप अनुसन्धान कार्य भइरहेको छ ।