मकवानपुर हेटौडा उपमहानगरपालिका-१९ तिनताप्के स्थित पूर्व पश्चिम सडक खण्डमा मनहरीबाट हेटौंडा तर्फ जाँदै गरेको प्रदेश ३-०१-०२४ च ३०५९ नं.को बोलेरो गाडीमा लागु औषध गाँजा लिई आएको छ भन्ने विशेष सूचनाको आधारमा इलाका प्रहरी कार्यालय नेवारपानीबाट टोलीले पिछा गर्दै जाने क्रममा तिनताप्के स्थितबाट उक्त बोलेरो गाडीलाई रोकी चेकजाँच गर्दा लागूऔषध गाँजा अन्दाजी  ७१ के.जि. सहित बोलेरो चालक जिल्ला मकवानपुर राक्सिराङ गाउँपालिका-९ खैराङ बस्ने अन्दाजी वर्ष २० को मिलन घलान र गाडीमा सवार वर्ष २६ को दावा थिङलाई नियन्त्रणमा लिईएको हो । उक्त घटनाको थप अनुसन्धान कार्य भई रहेको छ ।