मकवानपुर, हेटौंडा उपमहानगरपालिका-१९, नेवारपानी स्थित पूर्व पश्चिम सडक खण्डमा ईलाका प्रहरी कार्यालय नेवारपानीबाट खटिएको चेकिङ टोलीले मनहरी तर्फबाट हेटौंडा तर्फ जान आउँदै गरेको प्रदेश ३-०१-०२४ च ६३६१ नम्बरको योद्धा पिकअप भ्यानलाई विशेष सूचनाको आधारमा चेकजाँच गर्ने क्रममा खाली क्रेटहरुको बिचमा लुकाई छिपाई ल्याएको ६ वटा सेतो बोरा भित्र  पोका पारी ल्याएको प्लाष्टिकले बेरिएको ११ प्याकेट अन्दाजी १०० किलोग्राम बराबरको लागुऔषध गाँजा फेला परेको छ । उक्त पिकअप भ्यान र चालक जिल्ला काभ्रेपलाञ्चोक, धुलिखेल नगरपालिका-१२, शंखु ओखरकोट बस्ने अन्दाजी  २९ वर्षीय किरण वाग्लेलाई समेत नियन्त्रणमा लिई आवश्यक अनुसन्धान कार्य भईरहेको छ ।