नेपाल प्रहरी श्रीमती संघ बागमती प्रदेशद्वारा आयोजित विभिन्न कार्यक्रमहरु सम्पन्न

२०८१-०१-०५

A
A^-
A⁺

नेपाल प्रहरी श्रीमती संघ बागमती प्रदेशद्वारा आयोजित कार्यक्रमहरुमा नेपाल प्रहरी श्रीमती संघ भृकुटीमण्डप, काठमाण्डौंका अध्यक्ष श्रीमती लक्ष्मी कुँवरज्यूको प्रमुख आतिथ्यमा सम्पन्न भएको छ । कार्यक्रमको पहिलो चरणमा हेटौंडा उपमहानगरपालिका वडा नं. १० मा अवस्थित भूटनदेवी मन्दिर परिसरको सरसफाई कार्यक्रम भएको थियो । त्यसैगरी दोस्रो चरणमा नेपाल प्रहरी श्रीमती संघ हेटौंडाको कार्यालय शुभारम्भ, कार्य समितिका पदाधिकारीज्यूलाई पदवाहाली, रक्तदान कार्यक्रम शुभारम्भ एवं ग्रामीण जीवनस्तर सुधार मञ्च हाम्रो बाल गृह मकवानपुरमा खाद्यन्न तथा स्टेशनरीका सामाग्री वितरण समेत भएको थियो ।

उल्लेखित कार्यक्रमहरुमा बागमती प्रदेश प्रहरी कार्यालय हेटौंडाका कार्यालय प्रमुख प्रहरी नायव महानिरीक्षक बिष्णु कुमार के.सी.ज्यू, नेपाल प्रहरी श्रीमती संघ बागमती प्रदेश हेटौंडाका अध्यक्ष श्रीमती सबिना सिल्वालज्यू, प्रहरी उपरीक्षकज्यूहरु, नेपाल प्रहरी श्रीमती संघ भृकुटीमण्डप, काठमाण्डौका पदाधिकारीज्यूहरु, नेपाल प्रहरी श्रीमती संघ बागमती प्रदेश हेटौंडाका कार्य समितिका पदाधिकारीज्यूहरु, प्रहरी नायव उपरीक्षकज्यूहरु, प्रहरी निरीक्षकज्यूहरु, रेडक्रस सोसाइटी जिल्ला शाखा मकवानपुरका पदाधिकारीज्यूहरु, जुनियर प्रहरी अधिकृतहरु, प्रहरी हवल्दार तथा जवानहरूको उपस्थिति रहेको थियो ।

रक्तदान कार्यक्रममा ५८ जना प्रहरी कर्मचारीहरूले रक्तदान गर्नु भएको थियो । कार्यक्रमको अन्त्यमा नेपाल प्रहरी श्रीमती संघ बागमती प्रदेश हेटौंडाका अध्यक्ष श्रीमती सबिना सिल्वालज्यूबाट नेपाल प्रहरी श्रीमती संघ भृकुटीमण्डप, काठमाण्डौंका अध्यक्ष श्रीमती लक्ष्मी कुँवरज्यूलाई मायाको चिनो समेत प्रदान गरिएको थियो ।

सम्बन्धित समाचार

रामेछापमा झुण्डी २२ वर्षीय पुरूषको मृत्यु

२०८३-०३-०१

रामेछाप, खाँडादेवी गाउँपालिका-४, पुछिघाट सिमलटोल स्थित बस्ने बालकृष्ण माझीको छोरा वर्ष अन्दाजी २२ को छत्र बहादुर माझीले आफ्नै घरमा आफु सुत्ने कोठाको फलामको डण्डीमा सलको पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।

मकवानपुरमा झुण्डी मृत्यु

२०८३-०२-३१

मकवानपुर, मनहरी गाउँपालिका-२, च्यापल घ्यापा डाँडा बस्ने वर्ष अन्दाजी २८ को पासाङ भन्ने सुर्य गोम्बा आफ्नै घर देखी १५० मिटर पुर्व दिशामा रहेको आफ्नै माईला दाजु धन बहादुर गोम्बाको ब्लक र काठले बनेको घरको कोठामा काठको बिममा बेल्डको पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।

लागुऔषध सहित एक जना पुरूष व्यक्ति नियन्त्रणमा

२०८३-०२-३०

नुवाकोट, बिदुर नगरपालिका-७, तुप्चे स्थित लागु औषध कारोबार भईरहेको भन्ने खबर प्राप्त हुनसाथ उक्त स्थानमा जिल्ला प्रहरी कार्यालय नुवाकोटबाट प्रहरी नायव निरीक्षकको कमाण्डमा टोली खटी गई जिल्ला नुवाकोट बिदुर नगरपालिका-९, जोगीटार बस्ने वर्ष अन्दाजी ३५ को राजेश रिजाललाई बाटोमा हिडिरहेको अवस्थामा फेला पारी चेकजाँच गर्ने क्रममा निजको साथमा पलास्टिकको स-सानो ८ पोकामा अन्दाजी ०.४५ ग्राम खैरो हिरोईन जस्तो देखिने पदार्थ फेला परेको । लागुऔषध सहित निजलाई नियन्त्रणमा लिई आवश्यक अनुसन्धान कार्य भईरहेको छ ।

काभ्रेमा झुण्डी एकको मृत्यु

२०८३-०२-२९

काभ्रे, पनौती नगरपालिका-९, जागीटोल स्थित बस्ने योगेश्वर श्रेष्ठको छोरा वर्ष १७ को सायुन श्रेष्ठ आफ्नो घर देखि अन्दाजी ५०० मिटर पश्चिम आफ्नै बारीको कुटमिरोको रूखमा नाईलनको डोरीले पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।

मकवानपुरमा झुण्डी ६६ वर्षीय पुरुषको मृत्यु

२०८३-०२-२८

मकवानपुर, हेटौडा उपमाहानगरपालिका २ तिरतिरे धारा नजिकै सुन्दर सामुदायिक वनमा भलायो रुखमा नाइलनको डोरीको पासो लगाई हेटौडा उपमाहानगरपालिका १ चौकिटोल बस्ने बर्ष अन्दाजी ६६ को बिष्णु पौडेल झुण्डी मृत्यु भएको । घटनास्थल मुचुल्का सहित थप अनुसन्धन भइरेको छ ।

लागूऔषध खैरो हिरोईन सहित मानिस नियन्त्रणमा

२०८३-०२-२७

सिन्धुली, कमलामाई नगरपालिका वडा नम्बर -९ भिमान चेकपोष्ट स्थित वि.पि.राजमार्ग सडकखण्डमा नियमित चेकजाँच गर्ने क्रममा धरानबाट काठमाण्डौ तर्फ जाँदै गरेको बा४ख ८०१ नम्बरको हायसको सह-चालक जिल्ला भक्तपुर चाँगुनारायण नगरपालिका-६ बस्ने बर्ष अन्दाजी २४ को सुमन श्रेष्ठलाई शंका लागि चेकजाँच गर्दा निजले लगाएको पाइन्टको गोजिमा खुकुरी चुरोटको प्याकेट भित्र कालो पलास्टिकले बेरी लुकाई छिपाई ल्याएको लागुऔषध खैरो हिरोईन जस्तो देखिने गिलो पदार्थ २०० मिलि ग्राम फेला परेको । लागुऔषध सहित निजलाई नियन्त्रणमा लिई थप अनुसन्धान कार्य भईरहेको छ ।