काभ्रेपलाञ्चोक, पनौती नगरपालिका-५, आईटी पार्क स्थित पनौती बनेपा सडक खण्डमा प्रहरी चौकी पनौतीबाट खटिएको चेकिङ टोलिले सवारी चेकजाँच गर्ने क्रममा पनौतीबाट बनेपा तर्फ जाँदै गरेको बा ६ च २९६ नम्बरको डिआई गाडी चेकजाँच गर्दा उक्त गाडीमा अप्रशोधित गाँजा प्लाष्टिकको विभिन्न साईजको ७३ बोरामा २८५ किलोग्राम फेला परेको हुदाँ गाडी सहित उक्त गाडीमा सवार जिल्ला नुवाकोट, बिरकोट नगरपालिका-११ घर भई हाल काठमाण्डौं बालाजुमा डेरा गरी बस्ने ३५ वर्षीय बुद्धमान तामाङ, जिल्ला रामेछाप, रामेछाप नगरपालिका-८, घर भई हाल काठमाण्डौं बालाजु डेरा गरी बस्ने २० वर्षीय संजिब तामाङ र सोही ठेगाना घर भई सोही ठेगाना बस्ने ५३ वर्षीया बिमला तामाङलाई समेत नियन्त्रणमा लिई आवश्यक अनुसन्धान कार्य भईरहेको छ ।