लागुऔषध गाँजा सहित मानिस नियन्त्रणमा

२०८०-१०-१७

A
A^-
A⁺

मकवानपुर, हेटौंडा उपमहानगरपालिका-१५, रातोमाटे चेक प्वाईन्ट स्थित पूर्व पश्चिम सडक खण्डमा प्रहरी चौकी रातोमाटेबाट खटिएको चेकिङ टोलीले नारायणगढबाट बिराटनगर तर्फ जाँदै गरेको मे.१.ख.३१७१ नम्बरको यात्रुबाहक बसलाई रोकी चेकजाँच गर्ने क्रममा उक्त बसमा सवार जिल्ला मकवानपुर, राक्सिराङ गाउँपालिका-२, बस्ने अन्दाजी ४४ वर्षीय जगत बहादुर थोकरले बोकेको झोला शंका लागी चेकजाँच गर्ने क्रममा उक्त झोला भित्र लुकाई छिपाई राखेको लागुऔषध गाँजा अन्दाजी ५ किलोग्राम फेला पारी लागुऔषध गाँजा सहित निजलाई नियन्त्रणमा लिई थप अनुसन्धान कार्य भईरहेको छ ।

सम्बन्धित समाचार

मानिस मृत अवस्थामा फेला

२०८१-०६-०२

जिल्ला दोलखा बिगु गाउँपालिका-८ आहाले बस्ने वर्ष ७५ की सोमिता थामी मिति २०८१/०५/३१ गते देखि हराई रहेकोमा प्रहरी र आफन्तले खोजतलास गर्दै जाने क्रममा मिति २०८१/०६/०२ गते दिउसोको २ बजे जिल्ला दोलखा बिगु गाउँपालिका-४ स्थित रहेको झोरुङ खोलामा मृत अवस्था फेला पारेको थियो । घटनास्थल मुचुल्का सहित थप अनुसन्धान कार्य भई रहेको छ ।

चितवनमा मानिस झुण्डी मृत्यु

२०८१-०६-०१

चितवन, माडी नगरपालिका-१, भङ्गाटा बस्ने ८१ वर्षीय धन बहादुर दराई आफ्नै घरको पालीको काठको बलोमा नाईलनको डोरीको पासो लगाई झुण्डी मृत्यु भएको छ । घटनास्थल मुचुल्का सहित थप अनुसन्धान कार्य भईरहेको छ ।

सिन्धुलीमा मानिस झुण्डी मृत्यु

२०८१-०६-०१

सिन्धुली, तिनपाटन गाउँपालिका-४, सिम्ले घर भई हाल दुधौली नगरपालिका-१, कुथौली बस्ने अन्दाजी ५६ वर्षीय तिर्थ सापकोटा भान्सा घरको कोठामा काठको कोरामा प्लाष्टिकको डोरीले पासो लगाई झुण्डी मृत्यु भएको छ । घटनास्थल मुचुल्का सहित आवश्यक अनुसन्धान कार्य भईरहेको छ ।

लागूऔषध गाँजा सहित मानिस नियन्त्रणमा

२०८१-०५-३१

धादिङ गजुरी गाँउपालिका-१ गजुरी स्थित पृथ्विलोक मार्गमा काठमाण्डौंबाट भैरहवातर्फ जादैँ गरेको लु २ ख ४५२९ नम्बरको बसमा लागूऔषध गाँजा ल्याउदै गरेको छ भन्ने गोप्य सूचनाको आधारमा इलाका प्रहरी कार्यालय गजुरीबाट खटि गएको प्रहरी टोलिले उक्त बस चेकजाँच गर्ने क्रममा धादिङ गजुरी गाँउपालिका-४ बस्ने वर्ष ३४ को वृद्धिलाल तामाङ, वर्ष ३२ को सिताराम तामाङ र जिल्ला मकवानपुर कैलाश गाउँपालिका-१ बस्ने वर्ष २४ को शिशु योन्जनको झोलाभित्र लागूऔषध गाँजा अन्दाजी २६ के.जि. फेला परेको हो । उक्त गाँजा सहित निजहरूलाई नियन्त्रणमा लिई थप अनुसन्धान कार्य भई रहेको छ ।

मानिस झुण्डी मृत अवस्थामा फेला

२०८१-०५-३१

मकवानपुर हेटौंडा उपमहानगरपालिका-८ मिलनटोल स्थित डेरा गरी बस्ने जिल्ला मकवानपुर ईन्द्रसरोबर गाउँपालिका-१ सिकारी गाँउ वतन भएको वर्ष ४९ को कमल तामाङ आफु सुत्ने कोठाको फलामको ट्रसमा नाईलनको डोरीको पासो लगाई झुण्डी मृत अवस्थामा फेला परेको छ । घटनास्थल मुचुल्का सहित थप अनुसन्धान कार्य भई रहेको छ ।

लागूऔषध सहित मानिस नियन्त्रणमा

२०८१-०५-३१

मकवानपुर हेटौडा उपमहानगरपालिका-१३ महेन्द्र माध्यमिक विद्यालयको छेउमा प्रहरीलाई देख्न साथ भाग्न खोज्दा निजहरूलाई शंका लागी नियन्त्रणमा लिई चेकजांच गर्दा निजहरुको साथबाट ३० पत्ता (३००Tablets) ट्रमाडोल नामक लागूऔषध फेला परेको हो । पक्राउ पर्नेमा मकवानपुर हेटौंडा उपमहानगरपालिका-१२ बिजरोड बस्ने वर्ष ३० को प्रकाश घलान, वर्ष अन्दाजी २७ को बादल थोकर र वर्ष अन्दाजी २५ को असल मोक्तान रहेको छ । निजहरुलाई ३० पत्ता (३००Tablets) ट्रमाडोल नामक लागूऔषध सहित नियन्त्रणमा लिई थप अनुसन्धान कार्य भईरहेको छ ।