भन्सार छली गरी ल्याएको सामान बरामद

२०८०-०४-२५

A
A^-
A⁺

रसुवा गोसाईकुण्ड गाउँपालिका-५, स्याफ्रूवेशी स्थित प्रहरी चेकप्वाईन्टमा खटिएको नियमित चेकिङ टोलीले टिमुरेबाट काठमाण्डौँ तर्फ जादै गरेको सार्वजनिक सवारी साधनको चेकजाँच गर्ने क्रममा भन्सार छली गरी ल्याएको घ्यु १४ कार्टुन, चियापत्ती १० कार्टुन, सुर्यमुखी गेडा(क्वाची) १० कार्टुन, कफी ३ कार्टुन, गाई चकलेट ५ कार्टुन, सोया सस १ कार्टुन, चिकेन मसला १५ कार्टुन, तेल ६ कार्टुन, अजिनामोटो ९८ पाकेट र चाईनिज फिङ ९९ पाकेट समेतका सामानहरु (अन्दाजी मुल्य १ लाख ५० हजार बराबरको) बेवारिसे अवस्थामा फेला पारी उक्त सामान नियन्त्रणमा लिई थप अनुसन्धान कार्य भई रहेको छ ।

सम्बन्धित समाचार

लागुऔषध गाँजा सहित २ जना मानिस नियन्त्रणमा

२०८२-०२-०५

धादिङ, गल्छी गाउँपालिका-७, गल्छी चोक स्थित गोप्य सुचनाको आधारमा इलाका प्रहरी कार्यालय गजुरीबाट प्रहरी निरीक्षक सुमन चापागाईको कमाण्डमा खटिएको टोलीले बिरगंजबाट काठमाण्डौ तर्फ जाँदै गरेको बा.प्र.०३-००१ ख ३१३० नं.को बसलाई रोकी चेकजाँच गर्दा जिल्ला धादिङ गल्छि गाउँपालिका-४, बेल्खु स्थित अम्लेश्वर पेट्रोल पम्पबाट उक्त बसमा चढेका वर्ष ४४ को बद्री अधिकारी र ४६ वर्षीय देबराज अधिकारीलाई चेकजाँच गर्ने क्रममा निजहरुले बोकेको २ वटा कालो झोला भित्र प्लाष्टिकले पोको पारेको अन्दाजी १ किलोग्राम बराबरको ४/४ वटा गरी ८ वटा पोकामा अन्दाजी ८ किलोग्राम बराबरको लागुऔषध गाँजा सहित निजहरुलाई नियन्त्रणमा लिई आवश्यक अनुसन्धान कार्य भईरहेको छ ।

लागुऔषध सहित मानिस नियन्त्रणमा

२०८२-०२-०४

नुवाकोट, ककनि गाउँपालिका-१, ओखरपौवा स्थित चेकपोईन्टमा प्रहरी सहायक निरीक्षकको कमाण्डमा खटिएको ४ जनाको चेकिङ टोलीले चित्रे तर्फबाट काठमाडौ तर्फ आउँदै गरेको बागमती प्रदेश ०१००६ख ४५७१ नं.को दुध बोकेको आईचर ट्रकलाई चेकजाँच गर्ने क्रममा ट्रकको पछाडी २ वटा बोरामा प्लास्टिकले बेरेको अवस्थामा अन्दाजी ४ किलोग्राम लागुऔषध गाँजा फेला परेको । ट्रकमा सवार हिलेखर्क-४ बस्ने वर्ष अन्दाजी ५५ कि कान्छी माया तामाङ र सोहि बस्ने वर्ष अन्दाजी ३९ कि सुनिता तामाङलाई लागुऔषध सहित नियन्त्रणमा लिई थप अनुसन्धान कार्य भईरहेको ।

करेन्ट लागी एक महिलाको मृत्यु

२०८२-०२-०३

काभ्रे, धुलिखेल नगरपालिका-७, संजिवनी चोक स्थित ११,००० भोल्टको हाइट्रेसन लाईनमा बिजुलिको पोलमा चढी काम गरिरहेको अवस्थामा अचानक करेन्ट लागि बिजुलिको काम गर्ने कामदार जिल्ला सर्लाही ईश्वरपुर नगरपालिका-१२, घारिबथान बस्ने अन्दाजी वर्ष २८ को उपेस परियार पोलमा झुण्डि मृत अवस्थामा फेला परेको । घटनास्थल मुचुल्का सहित आवश्यक अनुसन्धान कार्य भईरहेको छ ।

झुण्डी मृत्यु

२०८२-०२-०३

सिन्धुपाल्चोक, पाँचपोखरी थाङ्पाल गाउँपालिका-६, लेखर्क बस्ने वर्ष २७ को सोनाम तामाङ आफ्नै घर छेउको निवारोको रुखमा प्लाष्टिकको डोरीले घाँटीमा पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।

ट्याकटरबाट लडि एकको मृत्यु

२०८२-०२-०२

धादिङ, त्रिपुरासुन्दरी गाउँपालिका-३, सिउरेनी स्थित भित्री सडक खण्डमा माङपाङ खोलाबाट ठुलोबेशी तर्फ जाँदै गरेको मधेश प्रदेश ०३-००१ त ८७४१ नं.को पानीको ड्रम बोकेको ट्याक्टरमा सवार जिल्ला गोर्खा आरुघाट गाउँपालिका-९, बगैचा बस्ने वर्ष अन्दाजी ३८ को सुक बहादुर कामी सोही ट्याक्टरको पछाडी ढालाबाट सडकमा लडि घटना स्थलमै मृत्यु भएको । यस घटना सम्बन्धमा थप अनुसन्धान कार्य भईरहेको छ ।

धादिङमा झुण्डी एकको मृत्यु

२०८२-०२-०१

धादिङ, थाक्रे गाउँपालिका-९ पण्डितपौवा स्थित बस्ने वर्ष ४० को रमेश परियारले घरबाट अन्दाजी २०० मिटर पश्चिममा रहेको गोरेटो बाटोको छेउमा रहेको चिलाउनेको रुखमा सलको पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।