प्रहरी कन्ट्रोल : १००, टोल फ्री नं.: १६६०५७५२१००
नेपा
EN

वार्षिक कार्यसम्पादन सम्झौतामा हस्ताक्षर कार्यक्रम सम्पन्न

२०८०-०४-२४

  • A
  • A-
  • A+
Share

बागमती प्रदेश प्रहरी प्रमुख प्रहरी नायव महानिरीक्षक किरण राणाज्यूबाट बागमती प्रदेश अन्तर्गतका प्रहरी प्रमुखहरुसँग आर्थिक वर्ष २०८०।०८१ को वार्षिक कार्यसम्पादन सम्झौतामा हस्ताक्षर कार्यक्रम सम्पन्न गरिएको छ । बागमती प्रदेश प्रहरी कार्यालय हेटौंडामा आज आयोजित कार्यसम्पादन समिक्षा २०७९।८० तथा कार्य सम्पादन सम्झौता २०८०।०८१ कार्यक्रमका बीच उक्त कार्यक्रम सम्पन्न भएको हो । कार्यक्रममा प्रदेश प्रहरी प्रवक्ता प्रहरी बरिष्ठ उपरीक्षक दिपक रेग्मीले गत आर्थिक वर्षको कार्यसम्पादन सम्झौताको समिक्षा तथा चालु आ.व. २०८०।०८१ को सम्झौताको बारेमा प्रकाश पार्नु भएको थियो । कार्यक्रममा गत आव.को कार्यसम्पादन सम्झौताको प्रभावकारी कार्यान्वयनमा प्रथम हुने कार्यालयहरुलाई प्रशंसापत्र तथा नगद पुरस्कारद्धारा सम्मान समेत गरिएको थियो । जसमा जि.प्र.का.काभ्रे सर्वोत्कृष्ट हुन सफल भएको छ भने जि.प्र.का.नुवाकोट, धादिङ, बागमती प्रदेश प्रहरी तालिम केन्द्र दुधौली र  नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय रामनगर क्रमश: कार्यसम्पादनमा उत्कृष्ट रहेको थियो । बागमती प्रदेश अन्तर्गतका बागमती प्रदेश प्रहरी तालिम केन्द्र , जिल्ला प्रहरी कार्यालय १०, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय रामनगर चितवन, नेपाल प्रहरी विशेष सुरक्षा गण, बागमती प्रदेश प्रहरी गण गरी १४ वटा कार्यालयका प्रमुखहरुसंग प्रदेश प्रहरी प्रमुखज्यूले कार्यसम्पादन सम्झौता गर्नु भएको हो । जस अन्तर्गत जिल्ला प्रहरी कार्यालयको लागि ३७ वटा, ट्राफिकको लागि २१वटा र अन्य कार्यालयको लागि १३ वटा वार्षिक कार्यसम्पादन क्रियाकलापहरु प्रदान गरिएको छ । प्रदेश प्रहरी प्रमुख किरण राणाज्यूले आज गरिएको वार्षिक कार्यसम्पादन सम्झौताको प्रभावकारी कार्यान्वयन गर्ने, आसन्न चाडपर्व लक्षित सुरक्षा योजना बनाई प्रहरी परिचालन गर्ने लगायतको आवश्यक निर्देशन दिनुभएको हो  साथै  वार्षिक कार्यसम्पादन २०८०।०८१ को प्रस्तुतीकरण गरी नेपाल पत्राकार महासंघ मकवानपुरका अध्यक्ष लगायत उपस्थित संचारकर्मीज्यूहरु सँग आवश्यक अन्तरक्रिया तथा छलफल गरियो । 

सम्बन्धित समाचार
लागूऔषध गाँजा सहित मानिस नियन्त्रणमा
२०८१-०३-०८

सिन्धुली हरिहरपुरगढी गाउँपालिका-७ चिसापानी स्थितमा अबैध लागु औषध गाँजा लुकाई छिपाई राखेको छ भन्ने विशेष सूचनाको आधारमा इलाका प्रहरी कार्यालय कपिलाकोटबाट टोली खटी गई उक्त स्थानमा रहेको थोले ब्लोनको गोठमा खानतलासी गर्दा सुति रहेको अवस्थामा जिल्ला उदयपुर कटारी नगरपालिका-६ घर भई हाल हरिहरपुरगढी गाउँपालिका-७ चिसापानी बस्ने वर्ष ४६ को कुमार पाख्रिन र बोरा तथा फलामको ड्रममा लुकाई-छिपाई राखेको अवस्थामा अन्दाजी ६१५.९३ के.जि. लागुऔषध गाँजा फेला पारी निजलाई लागुऔषध गाँजा सहित नियन्त्रणमा लिई थप अनुसन्धान कार्य भईरहेको छ । 

अबैध लागूऔषध सहित मानिस नियन्त्रणमा
२०८१-०३-०८

मकवानपुर थाहा नगरपालिका-६ बज्रबाराही बजार स्थित कुलेखानी सडक खण्डमा लागुऔषध लुकाई छिपाई ल्याउदै छ भन्ने विशेष सूचनाको अधारमा अस्थाई प्रहरी पोष्ट, बज्रबाराही मकवानपुरबाट र इलाका प्रहरी कार्यालय पालुङ मकवानपुरबाट टोली खटि गई हेटौडांबाट काठमाण्डौ तर्फ जादै गरेको बा.प्र.०६-०१ प ३७६६ नम्बरको TVS मोटरसाईकल चालक जिल्ला काठमाण्डौ चन्द्रागिरी नगरपालिका-८ मातातिर्थ बस्ने वर्ष अन्दाजी ३० को अरबिन खरेल र पछाडी सवार जिल्ला कैलाली टिकापुर नगरपालिका-६ बस्ने वर्ष अन्दाजी २७ को अंकित अधिकारीलाई चेकजाँच गर्दा मोटरसाईकल पछाडी सवार अंकित अधिकारीको साथबाट लागुऔषध-१० MG नाईट्रोभेट ११फाईल (२२पत्ता) फेला पारी  उक्त नाईट्रोभेट सहित निजहरूलाई नियन्त्रणमा लिई थप अनुसन्धान कार्य भईरहेको छ । 

लागुऔषध गाँजा सहित मानिस नियन्त्रणमा
२०८१-०३-०६

मकवानपुर, हेटौंडा उपमहानगरपालिका-१५, रातोमाटे चेक पोईन्ट स्थित पूर्व पश्चिम सडक खण्डमा प्रहरी चौकी रातोमाटेबाट खटिएको चेकिङ टोलीले हेटौंडाबाट पथलैया तर्फ जादै गरेको ना ७ ख १०५२ नम्बरको बसलाई रोकी चेकजाँच गर्ने क्रममा बसको सिट नम्बर ११ मा  रहेको जिल्ला धनुषा, लक्षमिनिया गाउँपालिका-६ बस्ने अन्दाजी २८ वर्षीय मोहम्द मुस्ताख राइनलाई शंका लागि चेकजाँच गर्दा निज बसेको सिट माथिको डिक्किको झोलामा लुकाई छिपाई राखेको ३ किलो १७० ग्राम लागुऔषध गाँजा फेला पारी उक्त लागुऔषध गाँजा सहित निजलाई नियन्त्रणमा लिई थप अनुसन्धान कार्य भईरहेको छ ।