बागमती प्रदेश प्रहरी प्रमुख प्रहरी नायव महानिरीक्षक किरण राणाको समुपस्थितिमा यस कार्यालय मातहत जिल्ला प्रहरी कार्यालय, मकवानपुरका कार्यालय प्रमुख प्रहरी उपरीक्षक बामदेव गौतमलाई विदाई गरिएको छ । मिति २०५७ साल माघ १३ गते प्रहरी निरीक्षक पदमा सेवा प्रवेश गरी प्रहरी उपरीक्षक पदबाट मिति २०८० साल श्रावण ०८ गते ५५ वर्ष पुरा भई उमेर हदको आधारमा सेवा निवृत्त हुन लाग्नु भएका प्रहरी उपरीक्षकलाई बागमती प्रदेश प्रहरी कार्यालयमा आज आयोजित एक कार्यक्रमका बीच विदाई गरिएको हो । कार्यक्रममा प्रहरी उपरीक्षक बामदेव गौतमले संगठनमा लामो समय कार्यरत रहँदाको आफ्नो अनुभव आदान प्रदान गर्नुका साथै प्रदेश प्रहरी प्रमुख राणाले आगामी नागरिक जीवन सुखद होस भन्ने शुभकामना व्यक्त गर्नुभयो । कार्यक्रममा प्रदेश प्रहरी प्रमुख प्रहरी नायव महानिरीक्षक किरण राणा, प्रदेश प्रहरी प्रवक्ता प्रहरी बरिष्ठ उपरीक्षक दिपक रेग्मी, प्रहरी उपरीक्षकहरू, सिनियर प्रहरी अधिकृतहरू लगायत कार्यरत अन्य प्रहरी कर्मचारीहरूको सहभागीता रहेको थियो ।