मकवानपुर, मनहरी गाउँपालिका-६, नयाँबस्ति डिपाट गाउँ स्थित पूर्व पश्चिम सडक खण्डमा हेटौंडा तर्फबाट चितवन तर्फ जाँदै गरेको ना ६ ख ६६६७ नम्बरको ट्रक र विपरीत दिशा तर्फबाट आउँदै गरेको ना ६ ख ६३१ नम्बरको ट्रक एक आपसमा ठक्कर खाई दुर्घटना भई दुबै ट्रकमा आगलागी हुदाँ ना ६ ख ६६६७ नम्बरको ट्रक चालक जिल्ला चितवन, राप्ती नगरपालिका-८ बस्ने अन्दाजी २७/२८ वर्षीय रिहान रुम्बा तामाङ, सोही ट्रकको सहचालक जिल्ला गोरखा, गण्डकी गाउँपालिका-२, गोर्दीटार बस्ने अन्दाजी २०/२१ वर्षीय सुमन चेपाङ र ना ६ ख ६३१ नम्बरको ट्रक सहचालक जिल्ला मकवानपुर, मनहरी गाउँपालिका-३ बस्ने वर्ष अन्दाजी १९/२० को अमृत प्रजा सवारी साधनमा च्यापिएर मृत भएको छ । अन्य घाईतेहरूको अवस्था मध्यम रहेको र यस घटना सम्बन्धमा थप अनुसन्धान कार्य भईरहेको  छ ।