सवारी दुर्घटना हुँदा २ जनाको मृत्यु

२०८०-०१-१७

A
A^-
A⁺

सिन्धुली, कमलामाई नगरपालिका-२, पिपलभञ्ज्याङ बि.पी. राजमार्गमा काठमाण्डौंबाट सिन्धुली तर्फ आउँदै गरेको बा. ८ च. ९१३५ नम्बरको रातो ग्रेटवाल कार आफैं अनियन्त्रित भई सडकबाट अन्दाजी २० मिटर तल खसी दुर्घटना हुँदा कार चालक जिल्ला झापा, चारपाने बस्ने अन्दाजी ४३ वर्षीय कुमार पुरी र उक्त कारमा सवार जिल्ला सिन्धुली, कपिलाकोट-३ घर भई हाल जिल्ला काठमाण्डौं, काठमाण्डौं महानगरपालिका गौरीघाट बस्ने ३८ वर्षीया साहारा प्रसाई घटना स्थलमा नै मृत्यु भएको छ । उक्त कारमा सवार १ जना पुरुष गम्भिर घाईते भई तत्काल उपचारको लागी जिल्ला अस्पताल सिन्धुली पठाईएकोमा थप उपचारको लागि काठमाण्डौं तर्फ पठाईएको छ । यस सम्बन्धमा आवश्यक अनुसन्धान कार्य भईरहेको छ ।

सम्बन्धित समाचार

सिन्धुपाल्चोकमा झुण्डी एकको मृत्यु

२०८१-१२-१३

सिन्धुपाल्चोक, चौतारा साँगाचोक गढि नगरपालिका-१४, घर भई हाल जिल्ला काभ्रे बनेपा नगरपालिका-१०, थापा गाँउ कृष्ण कुन्दन थापाको घरमा डेरा गरी बस्ने वर्ष २१ की देव कुमारी गेलान आफु बस्ने कोठाको झ्यालको रेलिङमा सलको पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।

सवारी दुर्घटनाबाट मानिसको मृत्यु

२०८१-१२-१२

चितवन, भरतपुर महानगरपालिका-२९, चौधकिलो स्थित मुग्लिङ नारायणगढ सडक खण्डमा नारायणगढबाट मुग्लिङ तर्फ जाँदै गरेको बा.प्र.०३-००१ ख ४८७४ नं. को कोईला बोकेको ट्रक आफै अनियन्त्रित भई त्रिशुली नदिमा खसेको । सह-चालक जिल्ला रौतहट गरुडा नगरपालिका-५, बस्ने वर्ष १९ को असुन्द्र कुमार यादवको टाउको र दुबै हात खुट्टामा चोट अवस्था मध्यम रहेको र चालक जिल्ला रौतहट सखुवा घर बताउने वर्ष अन्दाजी ३५ को राम नारायण यादवलाई उपचारको लागि सरकारी अस्पताल भरतपुर पठाइएकोमा उपचारको क्रममा मृत्यु भएको । यस घटना सम्बन्धन थप अनुसन्धान कार्य भईरहेको छ ।

भरुवा बन्दुक सहित मानिस नियन्त्रणमा

२०८१-१२-१२

नुवाकोट, किस्पाङ गाउँपालिका-१, भाल्चे स्थित प्रहरी चौकी किस्पाङबाट प्रहरी सहायक निरीक्षकको कमाण्डमा खटिएको गस्ति टोलीले जिल्ला नुवाकोट किस्पाङ गाउँपालिका-१, भाल्चे बस्ने वर्ष अन्दाजी ६६ को बिरे बि.क.को साथबाट भरुवा बन्दुक १ थान, सोको छर्रा ५ वटा र खुकुरी १ थान फेला परेको । निजलाई नियन्त्रणमा लिई थप अनुसन्धान कार्य भईरहेको ।

सिन्धुलीमा मानिस झुण्डी मृत्यु

२०८१-१२-११

सिन्धुली, कमलामाई नगरपालिका-४, कुडुले बस्ने ४२ वर्षीया सुनिता डिम्डोङ घरदेखि अन्दाजी १० मिटर पूर्वमा रहेको आफ्नै गोठमा काठको बलोमा सलको पासो लगाई झुण्डी मृत्यु भएको छ । घटनास्थल मुचुल्का सहित थप अनुसन्धान कार्य भइरहेको छ ।

अवैध लागुऔषध सहित मानिस नियन्त्रणमा

२०८१-१२-११

मकवानपुर, हेटौंडा उपमहानगरपालिका-१५, रातोमाटे चेकपोइन्ट स्थित पूर्व पश्चिम सडक खण्डमा प्रहरी चौकी रातोमाटेबाट खटिएको चेकिङ टोलीले सर्लाहीबाट पोखरातर्फ जादै गरेको ग १२ प ४९७८ नम्बरको मोटरसाईकललाई रोकी चेकजाँच गर्ने क्रममा उक्त मोटरसाईकल चालक जिल्ला सर्लाही, हरिपुर नगरपालिका-२ बस्ने अन्दाजी २६ वर्षीय राजेश तामाङ र पछाडी सवार जिल्ला कास्की, पोखरा महानगरपालिका-१९ बस्ने वर्ष अन्दाजी २० को निर्मल ढुङ्गेलको शरीर तथा निजहरूले बोकेको कालो झोला भित्र लुकाई छिपाई ल्याएको १९ पत्तामा (३० वटाको दरले) ५७० वटा Tablet लागुऔषध NITRAVET- 10 लेखेको फेला परेको हुदाँ निजहरू दुवै जनालाई नियन्त्रणमा लिई थप अनुसन्धान कार्य भईरहेको छ ।

लागुऔषध सहित मानिस नियन्त्रणमा

२०८१-१२-१०

मकवानपुर, हेटौंडा उपमहानगरपालिका-४, कमलडाँडा स्थित वडा प्रहरी कार्यालय हेटौंडाबाट प्रहरी सहायक निरीक्षकको कमाण्डमा खटिएको टोलीले विशेष सुचनाको आधारमा सोही स्थान बस्ने सुरज लिम्बुको छोरा वर्ष अन्दाजी २० को बिशाल लिम्बुको साथबाट लागुऔषध खैरो हिरोइन जस्तो देखिने धुलो पदार्थ अन्दाजी ५ मिलि ग्राम (तौल हुन बाँकी) फेला परेको । लागुऔषध सहित निजलाई नियन्त्रणमा लिई थप अनुसन्धान कार्य भईरहेको छ ।