मकवानपुर, कैलाश गाउँपालिका-६ दुम्सिखर्क बस्ने वर्ष अन्दाजी ५५/६० को जित बहादुर थिङको घरमा लागुऔषध रहेको छ भन्ने बिशेष सुचनाको आधारमा जिल्ला प्रहरी कार्यालय, मकवानपुरबाट प्रहरी निरीक्षकको कमाण्डमा र थप ईलाका प्रहरी कार्यालय, पालुङबाट प्रहरी नायव निरीक्षकको कमाण्डको टोली समेत गरी जम्मा २५ जनाको प्रहरीको टोलीले निज व्यक्तिको घर खानतलासी गर्दा घरबाट भरुवा बन्दुक थान-१, कटुवा पेस्तोल थान-१ सोही मा लाग्ने ६ राउण्ड गोली र निजकै घर नजिक रहेको गोठबाट लागुऔषध गाँजा १५ सय १५ के.जी. र चरेश १३ के.जी. फेला पारेको थियो । उक्त लागुऔषध र हतियार बरामद गरी अनुसन्धानको लागी जित बहादुर थिङ सहित ५ जना मानिसहरुलाई नियन्त्रणमा लिई आवश्यक अनुसन्धान कार्य प्रहरीले गरिरहेको छ ।