लागुऔषध सहित मानिस नियन्त्रणमा

२०८३-०५-२३

A
A^-
A⁺

मिति २०८३।०५।२३ गते अन्दाजी १०:४० बजेको समयमा जिल्ला मकवानपुर हेटौडा उप-महानगरपालिका-१० बसपार्क स्थितमा खटिएको प्रहरी टोलीले बसपार्कमा बसी रहेको अबस्थामा जिल्ला मकवानपुर हेटौडा उप-महानगरपालिका-११ बस्ने बर्ष अन्दाजी १९ कि एन्जल श्रेष्ठलाई शंका लागी निजले बोकेको झोला चेकजाँच गर्दा झोला भित्र लागुऔषध डाइजेपाम ६ एम्पुल, फेनेरागन ४ एम्पुल, नुरफिङ ५ एम्पुल गरी जम्मा १५ एम्पुल लागुऔषध फेला पारी सोधपुछ गर्दा उक्त झोला निजको साथी बसपार्क पशुपति काउण्टरमा काम गर्ने जिल्ला मकवानपुर हेटौडा उप-महानगरपालिका-१२ बस्ने बर्ष अन्दाजी २६ को निम लामाको रहेको भनि जानकारी गराएकोले उक्त लागुऔषध सहित दुबै जनालाई नियन्त्रणमा लिइ जिल्ला प्रहरी कार्यालय मकवानपुरमा ल्याई आवश्यक अनुसन्धान कार्य भईरहेको ।

सम्बन्धित समाचार

सवारी दुर्घटनामा मानिस मृत्यु

२०८३-०५-२५

चितवन, रत्ननगर नगरपालिका-३ पुरानो यमहा सोरुम अगाडी पुर्व पश्चिम राजमार्गमा टाँडीबाट खैरहनी तर्फ जादै गरेको ना३ ख ५१८७ नम्बरको फुटकर लोड ट्रकले खैरहनीबाट टाँडी तर्फ आउँदै गरेको ना ३९ प १३४५ नम्बरको स्कुटरलाई ठक्कर दिँदा स्कुटर चालक जिल्ला मकवानपुर मनहरी गाउँपालिका-७ बस्ने वर्ष अन्दाजी ४३ को दिपेन्द्र बर्तौला घाईते भई उपचारको लागी नया मेडिकल कलेज भरतपुर पठाएको , सोही स्कुटर सवार ऐ.ऐ. बस्ने वर्ष अन्दाजी ३९ को पृतम मोक्तानको शरीरको विभिन्न भागमा चोट लागी घाईते भई उपचारको लागी स्थानिय बकुलहर हस्पिटल टाँडीमा पठाएकोमा उपचारको क्रममा चिकित्सकले मृत्यु घोषणा गरेको छ, ट्रक चालक जिल्ला पर्सा कालिकामाई गाउँपालिका-१ बस्ने वर्ष अन्दाजी ३६ को रन्जित कुमार पटेल प्रहरीको नियन्त्रणमा रहेको छ । घटना सम्बन्धी थप अनसन्धान कार्य भई रहेको छ ।

भोटेकोशी बाढी अपडेट: १ हजार ३ सय ६५ जनाको शव फोला

२०८३-०५-२४

रसुवाको भोटेकोशीमा आएको विनाशकारी बाढीका कारण बुधबार १४ :०० बजे सम्म १ हजार ३ सय ६५ जनाको शव फेला परेको छ । जसमध्ये रसुवामा १ सय ७४ जना, नुवाकोटमा १ सय ९७ जना, धादिङमा ७० जना, चितवनमा ३ सय ६३ जना, गोरखामा ७५ जना, तनहुँमा ३८ जना, नवलपरासी पूर्वमा २ सय २६ जना र नवलपरासी पश्‍चिम २ सय २२ जना गरी १ हजार ३ सय ६५ जनाको शव फेला परेको हो । फेला परेका शवहरूको पहिचानका लागि डिएनए नमुना सङ्कलन देखि आवश्यक प्रक्रिया पुरा गरी हाल सम्म १ हजार १ सय ४८ वटा शव व्यवस्थापन (माटो मुनि सुरक्षित राखिएको) गरिएको छ । शव पहिचानका लागि मृतकका १ हजार २ सय ८६ र आफन्तका १ हजार ४ सय १२ गरी कुल २ हजार ६ सय ९८ वटा डिएनए नमुना सङ्कलन गरिएको छ । साथै पहिचान नभएको १ हजार ३ सय १० वटा शवहरूको विवरण नेपाल प्रहरीको वेबसाइटमा समेत अपलोड गरिएको छ । बाढी प्रभावित क्षेत्रमा उद्दार, खोजी, राहत वितरण, शव व्यवस्थापन लगायतका कार्यका लागि हालसम्म ७ हजार ९ सय ७५ जना प्रहरी कर्मचारीहरू परिचालन गरिएको छ । हालसम्म बेपत्ता भएका ४ हजार ७७ जनाको खोजी कार्य भइरहेको छ । यसैगरी विभिन्न जिल्लाहरूमा रहेको होल्डिङ सेन्टरमा ३ हजार ३० जना व्यक्तिहरूलाई राखिएको छ ।

फरार कैदी पक्राउ ।

२०८३-०५-२४

मकवानपुर, जेन्जि आन्दोलनमा भीमफेदी कारागार मकवानपुरबाट फरार भएको डाँका चोरी मुद्धाको कैदी जिल्ला मकवानपुर हेटौंडा उप-महानगरपालिका-१३ वनस्पती बस्ने पदम बहादुर तितुङको छोरा अन्दाजी वर्ष-३९ को सन्त बहादुर तितुङलाई घर नजिकै बाटोमा हिडिरहेको अवस्थामा पक्राउ गरेको ।

लागुऔषध गाँजा सहित गाडी र मानिस नियन्त्रणमा

२०८३-०५-२३

मिति २०८३।०५।२३ गते अन्दाजी ०२:४५ बजेको समयमा बिशेष सुचनाको आधारमा इलाका प्रहरी कार्यालय मनहरी मकवानपुरबाट खटिएको प्रहरी टोलीले जिल्ला मकवानपुर मनहरी गाँउपालिका-०९ भाबर स्थित भित्री सडकखण्डमा भाबरबाट खरङ्गा तर्फ आउँदै गरेको बा.प्र.०१-०२५ च ०८७७ नं. को कार र ग २ च ६१५ नं. को पिकअप गाडी चेकजाँच गर्न रोक्न खोज्दा ग २ च ६१५ नं. पिकअप गाडि भाग्न खोजेको अवस्थामा नियन्त्रणमा लिएको र बा.प्र.०१-०२५ च ०८७७ नं. कारको भित्र सिटमा लुकाई छिपाई प्लाष्टिकले बेरिएको अवस्थामा १३ पोका लागुऔषध गाँजा बरामद भएको, उक्त पिकअप गाडिको चालकले स्कटिङ् गर्दै कारलाई ल्याउदै गरेको अनुसन्धानबाट खुल्न आएकोले लागुऔषध गाँजा, दुबै चालक, दुबै गाडीलाई नियन्त्रणमा लिई इलाका प्रहरी कार्यालय मनहरी मकवानपुरमा ल्याई आवश्यक अनुसन्धान भईरहेको, बरामद भएको गाँजा तौल गर्दा १६२.७९४ किलो रहेको, प्रकाउ पर्नेमा कार चालक जिल्ला चितवन माडी नगर पालिका वडा नं.०५ धोबाहा बस्ने बर्ष ५६ को देव नारायण महतो र पिकअप चालक जि. चितवन भरतपुर म.न.पा. वडा नं. २४ बस्ने बर्ष ४८ को टेक बहादुर दोङ रहेको छ ।

आत्मादाह प्रयास गरे सम्बन्धी

२०८३-०५-२३

२०८३।०५।२३ गते अन्दाजी १७:३० बजेको समयमा जिल्ला दोलखा भिमेश्वर नगरपालिका- ३ सातदोबाटो चोक स्थित जिल्ला रामेछाप गोकुलगांगा गाँउपालिका- १ चुचुरे घर भई हाल जिल्ला दोलखा भिमेश्वर नगरपालिका- ६ स्थित रहेको गुन्द्रुक थकाली चार्जिङ स्टेसनमा काम गर्ने बर्ष अन्दाजी २५/२६ को बिमल खत्री बा.प्र.०२०३३ प ३७३७ नं. को स्कुटरमा तामाकोशी तर्फ बाट आई अचानक स्कुटर रोकी लडाई स्कुटरबाट पेट्रोल निकाली आफ्नो शरिरमा छर्की रहेको अवस्थामा स्थानिय र प्रहरी टोलिले देखी तत्काल उद्धार गरी उपचारको लागि पशुपति चौलागाई स्मृति अस्पताल दोलखा पठाएको आवश्यक अनुसन्धान कार्य भईरहेको ।

फरार प्रतिवादी पक्राउ गरेको सम्बन्धमा

२०८३-०५-२३

मिति २०८३।०५।२३ गते अन्दाजी १६:४० बजेको समयमा जिल्ला सिन्धुली कमलामाई नगरपालिका- ७ बस्ने बर्ष २३ को काले भन्ने दिपक योन्जनलाई मिति २०८२।०५।०८ गतेको सिन्धुली जिल्ला अदालतको फैसला अनुसार स्कुटर चोरी (मु.नं.०७८-८१-०१३१) मुद्दामा १ बर्ष कैद र रु.१०,०००।– जरिवाना र निजकै नाममा सिन्धुली जिल्ला अदालको मिति २०८२।०५।०१ गतेको फैसला अनुसार मोटरसाईकल चोरी (मु.नं.०७८-८१-०१३२) मुद्दामा १ बर्ष कैद र रु.१०,०००।– जरिवाना फैसला भई फरार रहेको फरार प्रतिवादीलाई जिल्ला प्रहरी कार्यालय सिन्धुलीबाट खटिएको प्रहरी टोलिले नियन्त्रणमा लिइ जिल्ला प्रहरी कार्यालय सिन्धुली ल्याई आवश्यक अनुसन्धान कार्य भईरहेको ।