लडि मृत्यु

दोलखा, बिगु गाउँपालिका-७, अम्वर टोल बस्ने वर्ष अन्दाजी ४७ को खड्ग बहादुर बुढाथोकी घरबाट अन्दाजी २ कि.मि. पुर्व बस्नेत टोलमा रहेको किराना पसलमा गई किराना पसलबाट घर तर्फ फर्किने क्रममा बाटोबाट अन्दाजी १५ फिट तल सडकमा लडि मृत्यु भएको । यस घटना सम्बन्धमा थप अनुसन्धान कार्य भईरहेको छ ।

नुवाकोटमा झुण्डी २४ वर्षीय महिलाको मृत्यु

नुवाकोट, बिदुर नगरपालिका-९, भ्यागुते स्थित बस्ने तिलक बहादुर खड्काको छोरी अन्दाजी वर्ष २४ की तुलसी खड्का आफु सुत्ने कोठाको सिलिङमा सलको पासो लगाई झुण्डीएको अवस्थामा निजको भाउजुले देखि पासो काटि तत्काल उपचारको लागि निजको दाइले  त्रिशुली अस्पताल नुवाकोटमा ल्याएकोमा उपचारको क्रममा मृत्यु भएको । घटनास्थल मुचुल्का सहित अवश्यक अनुसन्धान कार्य भइरहेको छ ।

१५० किलोग्राम लागुऔषध गाँजा सहित मानिस नियन्त्रणमा

मकवानपुर, भीमफेदि गाउँपालिका-२, भैसे चेकपोष्ट अगाडी प्रहरी सहायक निरीक्षकको कमाण्डमा खटिएको प्रहरी टोलिले चेकजाँच गर्ने क्रममा पालुङबाट हेटौंडा तर्फ आउँदै गरेको बा २ ख ३२१९ नं.को डिब्बा ट्रक भित्र रहेको स्टिलको दराज भित्र ६ पोका र स्टिलको बक्सा भित्र ६ पोका गरि जम्मा १२ पेटि अन्दाजी १५० किलोग्राम लागुऔषध गाँजा फेला परेको । ट्रक चालक जिल्ला सिन्धुपाल्चोक बाह्रविसे नगरपालिका-८, बस्ने वर्ष अन्दाजी ४१ को विर बहादुर तामाङलाई लागुऔषध गाँजा र ट्रक सहित नियन्त्रणमा लिइ आवश्यक कारवाहीको लागी जिल्ला प्रहरी कार्यालय मकवानपुर तर्फ पठाईएको । 

चितवनमा झुण्डी मृत्यु

चितवन, रत्ननगर नगरपालिका-१३, शान्ति टोल स्थित हिरा कृष्ण महर्जनको घरमा डेरा गरि बस्ने वर्ष अन्दाजी ६४ को निलकण्ठ अधिकारी आफु सुत्ने कोठाको पंखामा कछारको पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।

चितवन जिल्लाका प्रमुख जिल्ला अधिकारीबाट जारी भएको कर्फ्यू आदेश

चितवन जिल्लाका प्रमुख जिल्ला अधिकारीबाट जारी भएको कर्फ्यू आदेश

काभ्रेपलाञ्चोक प्रमुख जिल्ला अधिकारीबाट जारी भएको कर्फ्यू आदेश