प्रहरी कन्ट्रोल : १००, टोल फ्री नं.: १६६०५७५२१००
नेपा
EN

बेवारिसे शव फेला

२०८०-०५-१५

  • A
  • A-
  • A+
Share

मकवानपुर हेटौडा उपमहानगरपालिका-१४, मयुरधाप डाईबर डाँडा स्थित रहेको चुरियामाई जङ्गलमा हाल नाम,थर,वतन,उमेर नखुलेको सडिगलि सकेको  हड्डी मात्र रहेको अवस्थामा मानिसको शव फेला परेको छ । घटनास्थल मुचुल्का सहित थप अनुसन्धान कार्य भईरहेको छ ।

चितवन भरतपुर महानगरपालिका-२६, सिसवार स्थित नारायणी नदीले बगाई ल्याएको सडि गलेको अवस्थामा नाम, थर, वतन नखुलेको कपाल फुलेको वर्ष अन्दाजी ५५/५६ को जस्तो देखिने पुरुष व्यक्त्तिको मृत लास फेला परेको छ । घटनास्थल मुचुल्का सहित थप अनुसन्धान कार्य भईरहेको छ ।

सम्बन्धित समाचार
लागुऔषध गाँजा सहित मानिस नियन्त्रणमा
२०८०-११-१६

मकवानपुर, हेटौंडा उपमहानगरपालिका-१५, रातोमाटे चेक पोईन्ट स्थित पूर्व पश्चिम सडक खण्डमा प्रहरी चौकी रातोमाटेबाट खटिएको चेकिङ टोलीले नारायणगढबाट बिरगंज तर्फ जाँदै गरेको ना. ७ ख. ६०७६ नम्बरको यात्रुवाहक बसलाई रोकी चेकजाँच गर्ने क्रममा उक्त बसमा सवार जिल्ला कपिलबस्तु घर भई हाल जिल्ला मकवानपुर, मनहरी गाउँपालिका स्थित डेरा गरी बस्ने अन्दाजी ३५ वर्षीया शिरपतिया चौधरीले बोकेको झोलामा लुकाई छिपाई राखेको अवस्थामा लागुऔषध गाँजा अन्दाजी १२ किलोग्राम फेला पारी लागुऔषध गाँजा सहित निजलाई नियन्त्रणमा लिई थप अनुसन्धान कार्य भईरहेको छ ।

नवनिर्मित बागमती प्रदेश विपद् व्यवस्थापन गुल्म हेटौंडा र वडा प्रहरी कार्यालय हेटौंडाको भवनहरूको समुद्‍घाटन
२०८०-११-१६

बागमती प्रदेश सरकार आन्तरिक मामिला तथा कानून मन्त्रालयको सहयोगमा नवनिर्मित बागमती प्रदेश विपद् व्यवस्थापन गुल्म हेटौंडा र वडा प्रहरी कार्यालय हेटौंडाको कार्यालय भवनहरूको समुद्‍घाटन भएको छ । आज आयोजित २ चरणको समुद्‍घाटन कार्यक्रममा मुख्यमन्त्री तथा मन्त्रिपरिषद्को कार्यालयका माननीय मुख्यमन्त्री शालिकराम जम्कट्टेलज्यूको प्रमुख आतिथ्यतामा पहिलो चरण अन्तर्गत वडा प्रहरी कार्यालय हेटौंडा र दोस्रो चरणमा बागमती प्रदेश विपद् व्यवस्थापन गुल्म हेटौंडाको कार्यालय भवनहरूको समुद्‌घाटन कार्यक्रम सम्पन्न भएको हो  । उक्त कार्यक्रममा माननीय आन्तरिक मामिला तथा कानून मन्त्री गंगानारायण श्रेष्ठज्यू, आन्तरिक मामिला तथा कानून सचिव ध्रुव गैडाज्यू, बागमती प्रदेश प्रहरी प्रमुख प्रहरी नायव महानिरीक्षक बिष्णु कुमार के.सी.ज्यू, राष्ट्रिय अनुसन्धान बागमती प्रदेश कार्यालय हेटौडाका अनुसन्धान निर्देशक राम प्रसाद दासज्यू, नेपाली सेनाको महासेनानीज्यू, प्रहरी वरिष्ठ उपरीक्षक रवि कुमार पौडेलज्यू, जिल्ला सुरक्षा समितिका पदाधिकारीहरू, सिनियर प्रहरी अधिकृतहरु, जनप्रतिनिधिहरु, संचारकर्मी, पूर्व प्रहरी कर्मचारी संगठन बागमती प्रदेशका पदाधिकारी, सामुदायिक सेवा केन्द्रका पदाधिकारी, स्थानीय व्यक्तित्व, समाजसेवीहरु लगायतको उपस्थिति रहेको थियो ।साथै प्रमुख अतिथिज्यूबाट भवन निर्माणमा सहयोग पुर्‍याउनु हुने विभिन्न व्यक्तिहरूलाई सम्मान स्वरूप प्रशंसा-पत्रसमेत प्रदान गर्नु भएको थियो ।

४० किलोग्राम लागुऔषध गाँजा सहित ४ जना पक्राउ
२०८०-११-१६

मकवानपुर, हेटौंडा उपमहानगरपालिका-१५, रातोमाटे चेक पोईन्ट स्थित पूर्व पश्चिम सडक खण्डमा प्रहरी चौकी रातोमाटेबाट खटिएको चेकिङ टोलीले हेटौंडाबाट बिरगंज तर्फ जाँदै गरेको बा.३ ख.८३८२ नम्बरको यात्रुवाहक बसलाई रोकी चेकजाँच गर्ने क्रममा उक्त गाडीको पछाडी डिक्कीमा ४ ओटा झोलामा लागुऔषध गाँजा अन्दाजी १० किलोग्रामको दरले जम्मा अन्दाजी ४० किलोग्राम लागुऔषध गाँजा फेला पारी उक्त लागु औषध सहित जिल्ला चितवन, कालिका नगरपालिका-११ बस्ने अन्दाजी ३२ वर्षीय दिनेश चेपाङ, २२ वर्षीय प्रसान्त प्रजा, ४१ वर्षीय रमेश प्रजा, र सोही ठेगाना बस्ने अन्दाजी ४१ वर्षीय दिपलाल प्रजालाई नियन्त्रणमा लिई थप अनुसन्धान कार्य भईरहेको छ ।

६२० किलो ४४ ग्राम लागुऔषध गाँजा सहित मानिस नियन्त्रणमा
२०८०-११-१५

धादिङ, गजुरी गाउँपालिका-२, बिहानी पेट्रोलपम्प स्थित पृथ्वी लोकमार्गमा जिल्ला प्रहरी कार्यालय, धादिङबाट खटिएको प्रहरी टोलिले काठमाण्डौंबाट सर्लाही तर्फ जाँदै गरेको मधेस प्रदेश ०३-००१ ख ८३०९ नम्बरको टाटा मिनि ट्रकलाई रोकी चेकजाँच गर्ने क्रममा उक्त मिनि ट्रकमा कबाडीको सामान भित्र लुकाई छिपाई राखेको ६२० किलो ४४  ग्राम लागुऔषध गाँजा फेला पारी लागुऔषध गाँजा सहित मिनि ट्रक र मिनि ट्रक चालक जिल्ला सर्लाही लालबन्दी नगरपालिका-७ बस्ने २९ वर्षीय सन्तोष कुमार साहलाई नियन्त्रणमा लिई थप अनुसन्धान कार्य भई रहेको छ ।