नुवाकोट, विदुर नगरपालिका-३, बुनेबेशी स्थित त्रिशुली नदीको किनार नजिकै झाडीमा नाम थर वतन नखुलेको पुरुष व्यक्तिको लाश सडीगली सकेको अवस्थामा फेला परेको छ । यस सम्बन्धमा आवश्यक अनुसन्धान कार्य भईरहेको छ ।

सिन्धुपाल्चोक, पाँचपोखरी थाङपाल गाउँपालिका-३, ठूलोभोताङ स्थित भीरको बाटोबाट अन्दाजी ४०० मिटर तल खसी उतिसको रूख मुनी घोप्टो परेको हाल नामथर वतन नखुलेको खैरो दौरा सुरुवाल, रातो सुइटर लगाएको, सेतो पटुका बाँधेको अन्दाजी ६०/६५ वर्षीय पुरुष व्यक्ति मृत अवस्थामा फेला परेको छ । घटनास्थल मुचुल्का सहित थप अनुसन्धान कार्य भईरहेको छ ।