सिन्धुपाल्चोक, चौतारा साँगाचोकगढी नगरपालिका-१३ ठुलोसिरुवारी अर्चले बस्ने मामा उमेश कुमार दुलालको घरमा विगत २/३ महिना देखि बस्दै आएको जिल्ला धादिङ धुनिबेशी नगरपालिका-२ महेशफाट बस्ने कमल कडेलको छोराहरु जेठो वर्ष १० को सुभम कडेल र कान्छो वर्ष ४ को सुलस कडेल दुबै छोराहरुलाई भेट्छु भनि निज कमल कडेल आई छोराहरु सँग सुतेकोमा दुवै छोरा लाई नाम नखुलेको विषादी खुवाएका छन । विषादी सेवनबाट बिरामी भएका दाजुभाईको उपचारको लागी जिल्ला अस्पताल चौतारा ल्याई सामान्य उपचार पश्चात थप उपचारको लागि धुलिखेल अस्पताल पठाईएको छ । जस मध्ये जेठो सुभम कडेलको अवस्था मध्यम बोल्न सक्ने छ भने कान्छो सुलस कडेल बोल्न नसक्ने गम्भिर अवस्थामा रहेका छन । निजहरुको बुबा बिषादी सेवन गराई फरार रहेको, निज कडेललाई खोज्दै जाने क्रममा ससुराली घरदेखि अन्दाजी ३०० मिटर पूर्ब रहेको तल्लोपाखा सामुदायिक वनमा चिलाउनेको रुखमा नाईलनको डोरीले घाँटीमा पासो लगाई झुण्डी मृत अवस्थामा फेला परेका थिए । बिरामी बच्चाहरुको आमा विदेश दुबईमा रहेको । यस घटना बारे आवश्यक अनुसन्धान कार्य भईरहेको छ ।