मकवानपुर, मनहरी गाउँपालिका-८, दारिमबास स्थित भित्रि सडक खण्डमा प्रहरीले लागुऔषध सहित मानिस नियन्त्रणमा लिएको छ । ईलाका प्रहरी कार्यालय मनहरीबाट प्रहरी निरीक्षकको कमाण्डमा खटिएको टोलीले कान्द्राङबाट मनहरी तर्फ आउँदै गरेको बा ४ ख ५१४८ नम्बरको बसलाई चेकजाँच गर्ने क्रममा उक्त बसमा सवार जिल्ला पर्सा पटेर्वा सुगौली गाउँपालिका-८, रंगपुरटारी बस्ने अन्दाजी ५० वर्षीय शेख भिखारीले बोकेको झोला भित्र अन्दाजी १ किलो लागुऔषध अफिम जस्तो देखिने पदार्थ फेला परेका थिए । निज शेख भिखारीलाई नियन्त्रणमा लिई थप अनुसन्धान कार्य भईरहेको छ ।