धादिङ, धुनिबेशी नगरपालिका-७ नौबिसे बजारमा ईलाका प्रहरी कार्यालय, खानिखोलाबाट प्रहरी नायाव निरीक्षकको कमाण्डमा खटिएको प्रहरी टोलीले लागुऔषध गाँजा सहित मानिस नियन्त्रणमा लिएको छ । पालुङबाट नौबिसे तर्फ आउँदै गरेको प्र.३-०३-०३ प ११८ नं. को स्कुटरलाई प्रहरीको उक्त टोलीले शंका लागि रोकी चेकजाँच गर्दा लागुऔषध गाँजा ६.५ किलो (6.5 kg) बोरामा फेला परेको हो । प्रहरीले काठमाडौं महानगरपालिका-१५ स्वयम्भु बस्ने २६ वर्षीय सन्तोष महर्जन र २१ वर्षीय सर्जन देउला लाई लागुऔषध सहित नियन्त्रणमा लिएको छ । यस घटनाको सम्बन्धमा थप अनुसन्धान कार्य भईरहेको छ ।