बागमती प्रदेश प्रहरी तालिम केन्द्र दुधौली, सिन्धुलीको परिसरमा नवनिर्मित क्वाटर गार्ड, आन्तरिक प्रशिक्षणालय, प्रशिक्षार्थी ब्यारेक र भान्छाघरको उद्‍घाटन कार्यक्रम सम्पन्न भएको छ । आज आयोजित एक कार्यक्रमका बीच नेपाल प्रहरी संगठन प्रमुख प्रहरी महानिरीक्षक धिरज प्रताप सिंहज्यूको प्रमुख आतिथ्यतामा नवनिर्मित भवनहरुको उद्‍घाटन कार्यक्रम सम्पन्न भएको छ । भवन उद्‍घाटन समारोहलाई सम्बोधन गर्दै प्रहरी महानिरीक्षक सिंहले भौतिक पूर्वाधारको विकासले प्रहरी तालिम केन्द्रमा संचालन हुने प्रशिक्षण लगायतका गतिबिधीहरु अझ ब्यवस्थित र प्रभावकारी तवरले संचालन गर्न सहयोग पुग्ने विश्वास व्यक्त गर्नुभयो । नेपाल सरकारको नियमित बजेटबाट निर्माण सम्पन्न भएको उक्त भवन उद्‍घाटन समारोहमा दुधौली नगरपालिकाका प्रमुख दिनेश अधिकारी, उप प्रमुख चन्द्र किशोर थारु, नेपाली सेनाका सहायक रथी शक्ति जंग बस्नेत, बागमती प्रदेश प्रहरी प्रमुख प्रहरी नायव महानिरीक्षक किरण बज्राचार्य, मधेश प्रदेश प्रहरी प्रमुख प्रहरी नायव महानिरीक्षक मसउद आलम खाँ, अन्य सकल दर्जाका प्रहरी कर्मचारीहरु, स्थानिय तहका जनप्रतिनिधी, विभिन्न संघ संस्थाका प्रतिनिधी, संचारकर्मी लगायत अन्य स्थानियहरुको समेत सहभागिता रहेको थियो ।