सिन्धुली, हरिहरपुरगढी गाउँपालिका-३ घण्टे स्थित मदन भण्डारी राजमार्गमा मोटरसाईकल दुर्घटनामा परी एक जनाको मृत्यु भएको छ । मृत्यु हुने हरिहरपुरगढी-३ बस्ने ५० वर्षीय विश्वकुमार श्रेष्ट रहेका छन । मकवानपुरबाट आउँदै गरेको चालक जिल्ला मकवानपुर हेटौंडा उपमहानगरपालिका-५  बस्ने ६८ वर्षीय चिरन्जिवी न्यौपानेले चलाई ल्याई ल्याएको ना ५१ प ७६३९ नम्बरको मोटरसाईकल र बिपरित दिशाबाट जाँदै गरेको चालक जिल्ला सिन्धुली हरिहरपुरगढी-३ बस्ने ५० वर्षीय विश्वकुमार श्रेष्टले चलाएको  ना ३३ प ४७६० नम्बरको मोटरसाईकल एकआपसमा ठक्कर खाई दुर्घटना भएको थियो । दुर्घटनाबाट ना ३३ प ४७६० नम्बरको मोटरसाईकल चालक विश्वकुमार श्रेष्टको निधारमा, बायाँ कुईनामा र बायाँ घुडामा चोट लागी स्वास्थय चौकी हरिहरपुरगढीमा सामान्य उपचार पश्चात थप उपचारको लागि सामुदायीक अस्पतालमा हेटौंडामा ल्याई उपचार भईरहेकोमा निज श्रेष्ठको उपचारको क्रममा मृत्यु भएको हो । यस घटनाको सम्बन्धमा आवश्यक थप अनुसन्धान कार्य भईरहेको छ ।