६७ औं प्रहरी दिवस २०७९ को अवसरमा बागमती प्रदेश प्रहरी कार्यालय, हेटौडाले  आयोजना गरेको नि:शुल्क स्वास्थ्य सिविर सम्पन्न भएको छ । हेटौंडा अस्पताल र हेटौंडा सामुदायिक आँखा अस्पतालको समन्वयमा उक्त सिविर सम्पन्न भएको हो । सिविरमा रक्तचाप, मधुमेह, आँखाको परीक्षण, छाला सम्बन्धी परीक्षण र नाक, कान तथा घाँटी सम्बन्धी सामान्य परीक्षण गरिएको थियो । स्वास्थ्य जाँच पश्चात् नि:शुल्क औषधी समेत वितरण गरिएको थियो । सिविरबाट  २ सय ९६ जना सकल दर्जाका प्रहरी कर्मचारीहरूले स्वास्थ्य सेवा लिएका थिए ।