धादिङ, गल्छी गाउँपालिका-४ मासटार स्थित प्रहरीले लागुऔषध सहित मानिसलाई नियन्त्रणमा लिएको छ ।

नियन्त्रणमा आउने गजुरी गाउँपालिका-८ किरानचोक बस्ने ४८ वर्षीय गणेश लामा रहेका छन् । प्रहरी चौकी बैरेनिबाट प्रहरी बरिष्ठ नायव निरीक्षकको कमाण्डमा खटिएको गस्ति टोलिले गल्छी-४ मासटार स्थित रहेको प्रतिक्षालयमा निज गणेश लामालाई शंका लागी चेकजाँच गर्दा निजले ल्याएको ४ वटा जेब्रा झोला र ३ वटा कपडाको झोला भित्र अन्दाजी ३५ के.जि. लागुऔषध गाँजा फेला पारेको थियो । प्रहरीले लागुऔषध गाँजा सहित निजलाई नियन्त्रणमा लिई थप अनुसन्धान कार्य गरिरहेको छ ।