सिन्धुली, दुधौली नगरपालिका-२ गागन पुलमा स्थित मोटरसाईकल दुर्घटनामा परी एक युवको मृत्यु भएको छ ।

मृत्यु हुने जिल्ला खोटाङ जन्तेढुङ्गे गाउँपालिका-६ निगालवास भन्ज्याङ घर भएका २८ वर्षीय अबिनास राई रहेका छन् । निजले चलाएको प्र. नं. १-०४-००१ प. १६०६ नं. को यामाहा मोटरसाईकल डकाहा बाट भिमान तर्फ जाँदै गर्दा दुधौली नगरपालिका-२ रहेको गागन पुलमा आँफै अनियन्त्रीत भई दुर्घटना भएको थियो । मृतक अबिनास राई ईलाका प्रहरी कार्यालय बोयाङ भोजपुरमा कार्यरत रहेका थिए । दुर्घटनामा परेका निज राईको दाहिने पट्टिको छातिमा दरालिएको चोट भई ओमकृष्ण पोलिक्लिनिक्स चन्दनपुरमा उपचार भईरहेकोमा थप उपचारको लागी बर्दिबास स्थित जनसेवा अस्पतालमा लगिएकोमा उपचारको क्रममा निजको मृत्यु भएको ।