लागुऔषध गाँजा सहित २ जना मानिस नियन्त्रणमा

२०८१-०९-०४

A
A^-
A⁺

मकवानपुर, हेटौंडा उपमहानगरपालिका-१९, नेवारपानी स्थित पूर्व पश्चिम सडक खण्डमा इलाका प्रहरी कार्यालय नेवारपानीबाट प्रहरी हबल्दारको कमाण्डमा खटिएको चेकिङ टोलीले चितवनबाट हेटौंडा तर्फ आउँदै गरेको लु २ ख १७४१ नम्बरको बसमा सवार भई आएका जिल्ला धादिङ बेनीघाट रोराङ गाउँपालिका-२, ताल्ली बस्ने वर्ष अन्दाजी ३५ को सोमीलाल चेपाङले आफु बसेको सिट भन्दा माथी र्‍याकमा राखेको भिर्नी झोलामा अन्दाजी १० किलो र सोहि बस्ने वर्ष अन्दाजी २० को किशोर चेपाङले काखमा राखेको भिर्नी झोकामा अन्दाजी १० किलो गरी जम्मा अन्दाजी २० किलो लागुऔषध गाँजा फेला परेकोले निजहरुलाई नियन्त्रणमा लिई आवश्‍यक कारवाहीको लागी तालुक जिल्ला प्रहरी कार्यालय मकवानपुर पठाएको । यस घटना सम्बन्धमा थप अनुसन्धान कार्य भईरहेको छ ।

सम्बन्धित समाचार

५,७५० लागुऔषध ट्याबलेट सहित २ जना मनिस नियन्त्रणमा

२०८२-०१-११

मकवानपुर, हेटौंडा उपमहानगरपालिका-१५, रातोमाटे चेकपोइन्ट स्थित पुर्व पश्चिम सडक खण्डमा प्रहरी चौकी रातोमाटे मकवानपुरबाट प्रहरी सहायक निरीक्षकको कमाण्डमा खटिएको प्रहरी चेकिङ टोलीले बाराको सिम्रनगढबाट हेटौंडा तर्फ आउँदै गरेको मधेश प्रदेश ०२-००१च १४३८ नं.को योद्धा पिकअप गाडीलाई रोकी चेकजाँच गर्ने क्रममा गाडीको बर्नटमा लुकाई छिपाई ल्याएको लागुऔषध TEERSCEN-5 लेखेको TRAMADOL HYDROCHLORIDE CAPSULE I.P 50 mg लेखेको एकिन गर्दा ५,७५० (पाँच हजार सात सय पचास) पत्तामा ५७,५००।– (सन्ताउन्न हजार पाँच सय) ट्याबलेट फेला परेको । उक्त लागुऔषध सहित गाडी र गाडी चालक जिल्ला बारा पचरौता नगरपालिका-७, बेनौली बस्ने वर्ष अन्दाजी २४ को जयनाथ पासवान र सह-चालक सोहि बस्ने वर्ष अन्दाजी २३ को सुनिल पटेललाई नियन्त्रणमा लिइ थप अनुसन्धान भई रहेको ।

उपचारको क्रममा एक पुरूषको मृत्यु

२०८२-०१-१०

रामेछाप, मन्थली नगरपालिका-१, सोलमारी होटल अगाडी पक्की सडक छेउमा सोहि वडा नं. ६ भलुवाजोर बस्ने वर्ष ४९ को नारायण थापाले मादक पदार्थ सेवन गरी ढली वेहोस अवस्थामा छ भन्ने खवर प्राप्त हुनसाथ जिल्ल प्रहरी कार्यालय रामेछापबाट प्रहरी सहायक निरीक्षकको कमाण्डमा टोली खटी गई घाईतेलाई उद्दार गरी उपचारको लागी मन्थली अस्पताल रामेछाप पठाईएको । निजको आफन्तहरुले थप उपचारको लागि ट्रमा सेन्टर काठमाण्डौं लगेकोमा उपचारको क्रममा मृत्यु भएको । यस घटना सम्बन्धमा थप अनुसन्धान कार्य भईरहेको छ ।

लागुऔषध सहित गाडी चालक नियन्त्रणमा

२०८२-०१-०९

मकवानपुर, हेटौंडा उपमहानगरपालिका-१५, रातोमाटे चेकप्वाईन्ट स्थित पुर्व पश्चिम सडकखण्डमा प्रहरी चौकी रातोमाटे मकवानपुरबाट प्रहरी सहायक निरीक्षकको कमाण्डमा खटिएको चेकिङ टोलीले बारा अमलेखगन्जबाट काठमाण्डौतर्फ आउँदै गरेको मधेश प्रदेश ०३-००१ ज ४५१ नं. को (यात्रु नभएको खाली) सुमो गाडीलाई रोकी चेकजाँच गर्ने क्रममा उक्त गाडीको छत माथी रहेको बैकल्पिक टायर भित्र प्वाल पारी बोरामा लुकाई छिपाई ल्याएको लागुऔषध ONEREX लेखेको १०० ML को २२५ बोतल फेला परेको । गाडी र चालक जिल्ला पर्सा बहुदरमाई नगरपालिका-९, बस्ने वर्ष अन्दाजी २४ को मुमताज मियालाई नियन्त्रणमा लिई आवश्यक कार्बाहिको लागी तालुक जिल्ला प्रहरी कार्यालय मकवानपुर पठाएको ।

सिन्धुलीमा झुण्डी एक महिलाको मृत्यु

२०८२-०१-०९

सिन्धुपाल्चोक, मेलम्ची नगरपालिका-४, सिन्धुसुरुङ स्थित बस्ने सुक बहादुर तामाङको श्रीमती वर्ष अन्दाजी ६५ की सोम माया तामाङ घरबाट अन्दाजी ४०० मिटर पश्चिम तर्फ दहपोखरी स्थित जौपोखरी सामुदायिक वनमा पहेलिको रुखको हाँगामा पटुकाको पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।

काभ्रेपलाञ्चोकमा झुण्डी मृत्यु

२०८२-०१-०८

काभ्रे, बनेपा नगरपालिका-५, चप्लेटी बस्ने अन्दाजी वर्ष ४८ को धर्मेन्द्र भुजेल आफ्नै घरबाट अन्दाजी २० मिटर तल आफ्नै बारिमा रहेको तिमिलाको रुखमा नाईलनको डोरीले पासो लगाइ झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।

नुवाकोटमा झुण्डी एकको मृत्यु

२०८२-०१-०८

नुवाकोट, बेलकोटगढी नगरपालिका-९, बस्ने मानसिक सन्तुलन ठिक नभएको र औषधी सेवन गरि रहेको वर्ष अन्दाजी ३१ को राज कुमार गजुरेल आफु खुसी घरबाट हिडेकोमा आफन्तहरुले खोज तलास गर्ने क्रममा सोहि स्थित तारेभिरमा चिलाउनेको रुखमा नाम्लोको पासो लगाई झुण्डी मृत अवस्थामा फेला परेको थियो । यस घटना सम्बन्धमा थप अनुसन्धान कार्य भईरहेको छ ।