बागमती प्रदेश प्रहरी कार्यालय, हेटौंडाबाट आ.व. २०८१।०८२ को वार्षिक कार्यसम्पादन सम्झौता कार्यक्रम सम्पन्न

२०८१-०५-२७

A
A^-
A⁺

बागमती प्रदेश प्रहरी प्रमुख प्रहरी नायव महानिरीक्षक कृष्ण हरि शर्माज्यूबाट बागमती प्रदेश अन्तर्गतका प्रहरी प्रमुखहरुसंग प्रत्यक्ष एवं Virtual माध्यमबाट आर्थिक वर्ष २०८१।०८२ को वार्षिक कार्यसम्पादन सम्झौतामा हस्ताक्षर तथा निर्देशन कार्यक्रम सम्पन्न भएको छ । चालु आ.व. को लागि बागमती प्रदेश प्रहरी अन्तर्गतका बागमती प्रदेश प्रहरी तालिम केन्द्र दुधौली, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय रामनगर, नेपाल प्रहरी विशेष सुरक्षा गण रातोमाटे, बागमती प्रदेश प्रहरी गण र जिल्ला प्रहरी कार्यालय १० गरी जम्मा १४ वटा कार्यालयका प्रमुखहरुसंग प्रदेश प्रहरी प्रमुखज्यूले कार्यसम्पादन सम्झौता गर्नु भएको छ ।

कार्यक्रममा नेपाल प्रहरी प्रदेश कार्यालय बनेपा काभ्रे सहित बागमती प्रदेश प्रहरी कार्यालय मातहत प्रहरी प्रमुखहरुले प्रस्तुतिकरण गर्नु भएको थियो भने सोही अवसरमा बागमती प्रदेश प्रहरी प्रमुखज्यूले सम्झौतामा उपस्थित कार्यालय प्रमुख सहित मातहत इ.प्र.का. स्तर सम्मलाइ Virtual माध्यमबाट नेपाल प्रहरीको प्रमुख कार्य अपराध अनुसन्धान, गस्ति व्यबस्थापन, विशेष योजना, ट्राफिक व्यवस्थापन, वार्षिक कार्यसम्पादन सम्झौताको प्रभावकारी कार्यान्वयन गर्ने र चाडपर्व लक्षित सुरक्षा योजना बनाई प्रहरी परिचालन गर्ने लगायतको आवश्यक निर्देशन दिनुभएको हो ।

सम्बन्धित समाचार

लागुऔषध सहित एक जना पुरूष व्यक्ति नियन्त्रणमा

२०८२-१०-२१

चितवन, रत्ननगर नगरपालिका-३, नमुना टोल स्थित इलाका प्रहरी कार्यालय रत्ननगर टाडीबाट प्रहरी सहायक हवल्दारको कमाण्डमा खटिएको गस्ती टोलीले शंका लागि चेकजाँच गर्दा जिल्ला चितवन रत्ननगर नगरपालिका-३, बस्ने वर्ष अन्दाजी ३३ को खेम बहादुर सार्कीको साथ बाट ट्रामाडोल १७५ क्याप्सुल र लागू औषध गाँजा १ किलोग्राम २०० ग्राम फेला परेको । लागुऔषध सहित निजलाई नियन्त्रणमा लिई आवश्यक अनुसन्धान कार्य भईरहेको छ ।

धादिङमा झुण्डी ३३ वर्षीय पुरूषको मृत्यु

२०८२-१०-२०

धादिङ, गजुरी गाउँपालिका-६, बेल्खु स्थित बस्ने कृष्ण भक्त कर्माचार्यको छोरा वर्ष अन्दाजी ३३ को पुजस कर्माचार्य आफ्नै घरको आफु सुत्ने कोठाको पंङ्खाको हुकमा नाईलनको डेरीले पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहोको छ ।

लागुऔषध सहित तीन जना मानिस नियन्त्रणमा

२०८२-१०-१९

मकवानपुर, मनहरी गाउँपालिका-९, ज्यामिरे स्थित पुर्व पश्चिम सड्क खण्डबाट अन्दाजी १५० मिटर भित्री सड्क खण्डमा रोकी राखेको UP32FF0055 नम्बरको भारतीय कारलाई इलाका प्रहरी कार्यालय मनहरी मकवानपुरबाट प्रहरी हवल्दारको कमाण्डमा खटीएको गस्ति टोलीले उक्त कारमा रातो प्लास्टिकले बेरेको पोका लोड गरी राखेको अबस्थामा देखी चेकजाँच गर्दा लागुऔषध गाँजा अन्दाजी ७ किलो बरामद भएको । कार र कारमा सवार देश भरत उत्तर प्रदेश जिल्ला मुजफरपुर थाना कोतपाल बस्ने अन्दाजी वर्ष २३ को मुसिर मिया, सोहि बस्ने वर्ष २० को जुबेर मिया र सोहि वस्ने वर्ष ४० की साबिता खातुनलाई लागुऔषध सहित नियन्त्रणमा लिई थप अनुसन्धान कार्य भईरहेको छ ।

लागुऔषध खैरो हिरोइन जस्तो देखिने पदार्थ सहित मानिस नियन्त्रणमा

२०८२-१०-१८

मकवानपुर हेटौडा उपमहानगरपालिका-१५ रातोमाटे चेकपोईन्ट स्थित पूर्व पश्चिम सडक खण्डमा प्रहरी चौकी रातोमाटे मकवानपुरबाट खटिएको प्रहरी टोलीले बिरगन्जबाट हेटौंडा बजारतर्फ आउदै गरेको बा.प्र.०३-००१ ज ०९२८ नम्बरको इभि गाडीलाई रोकि चेकजाँच गर्ने क्रममा उक्त गाडिमा सवार भइ आएका जिल्ला बाग्लुङ हलङ्चोक नगरपालिका-३ बस्ने वर्ष अन्दाजी १९ को बिवेक घर्तिमगरको साथबाट १ ग्राम ६८० मिलि ग्राम लागूऔषध खैरो हिरोइन जस्तो देखिने पदार्थ फेला परेको छ । उक्त पदार्थ सहित निजलाई नियन्त्रणमा लिई थप अनुसन्धान कार्य भई रहेको छ ।

मृत फेला

२०८२-१०-१५

चितवन, भरतपुर महानगरपालिका-१८, गाजीपुर टोल बस्ने मिन बहादुर चन्द ठकुरीको छोरा वर्ष २४ को धिरज चन्द ठकुरी आफ्नै सुत्ने कोठामा अचेत अवस्था देखि उपचारको लागि सरकारी अस्पताल भरतपुरमा लगिएकोमा उपचारको क्रममा डाक्टरले मृत घोषणा गरेको । यस घटना सम्बन्धमा थप अनुसन्धान कार्य भईरहेको छ ।

लागुऔषध सहित एक जना पुरूष व्यक्ति नियन्त्रणमा

२०८२-१०-१४

चितवन, भरतपुर महानगरपालिका-१२, मिलनचोक स्थित प्रहरी चौकी नारायणगढ बसपार्कबाट प्रहरी हवल्दारको कमाण्डमा खटिएको गस्ती टोलीले शंका लागि चेकजाँच गर्ने क्रममा जिल्ला मकवानपुर राक्सिराङ गाउँपालिका-६, बस्ने वर्ष ४५ को चन्द्रबहादुर प्रजाको साथबाट कालो झोला २ वटामा लागुऔषध गाँजा अन्दाजी १५ किलोग्राम र नगद नेपाली रुपैयाँ रु ८१५ मोवाइल थान २ फेला परेको । निजलाई लागुऔषध सहित नियन्त्रणमा लिई आवश्यक अनुसन्धानको लागि जिल्ला प्रहरी कार्यालय चितवनमा पठाइएको ।