बागमती प्रदेश प्रहरी कार्यालय, हेटौंडाबाट आ.व. २०८१।०८२ को वार्षिक कार्यसम्पादन सम्झौता कार्यक्रम सम्पन्न

२०८१-०५-२७

A
A^-
A⁺

बागमती प्रदेश प्रहरी प्रमुख प्रहरी नायव महानिरीक्षक कृष्ण हरि शर्माज्यूबाट बागमती प्रदेश अन्तर्गतका प्रहरी प्रमुखहरुसंग प्रत्यक्ष एवं Virtual माध्यमबाट आर्थिक वर्ष २०८१।०८२ को वार्षिक कार्यसम्पादन सम्झौतामा हस्ताक्षर तथा निर्देशन कार्यक्रम सम्पन्न भएको छ । चालु आ.व. को लागि बागमती प्रदेश प्रहरी अन्तर्गतका बागमती प्रदेश प्रहरी तालिम केन्द्र दुधौली, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय रामनगर, नेपाल प्रहरी विशेष सुरक्षा गण रातोमाटे, बागमती प्रदेश प्रहरी गण र जिल्ला प्रहरी कार्यालय १० गरी जम्मा १४ वटा कार्यालयका प्रमुखहरुसंग प्रदेश प्रहरी प्रमुखज्यूले कार्यसम्पादन सम्झौता गर्नु भएको छ ।

कार्यक्रममा नेपाल प्रहरी प्रदेश कार्यालय बनेपा काभ्रे सहित बागमती प्रदेश प्रहरी कार्यालय मातहत प्रहरी प्रमुखहरुले प्रस्तुतिकरण गर्नु भएको थियो भने सोही अवसरमा बागमती प्रदेश प्रहरी प्रमुखज्यूले सम्झौतामा उपस्थित कार्यालय प्रमुख सहित मातहत इ.प्र.का. स्तर सम्मलाइ Virtual माध्यमबाट नेपाल प्रहरीको प्रमुख कार्य अपराध अनुसन्धान, गस्ति व्यबस्थापन, विशेष योजना, ट्राफिक व्यवस्थापन, वार्षिक कार्यसम्पादन सम्झौताको प्रभावकारी कार्यान्वयन गर्ने र चाडपर्व लक्षित सुरक्षा योजना बनाई प्रहरी परिचालन गर्ने लगायतको आवश्यक निर्देशन दिनुभएको हो ।

सम्बन्धित समाचार

उपचारको क्रममा एक पुरुष मृत्यु

२०८३-०१-०४

मकवानपुर हेटौंडा उपमहानगरपालिका-४ गर्देई चोक स्थित रहेको कुमार श्रेष्ठको घरमा डेरा गरी बस्ने जिल्ला मकवानपुर भिमफेदी गाउँपालिका-४ निबुवाटार घर भएको वर्ष अन्दाजी २३ को सुजन प्रजाले आफु सुत्ने कोठामा रहेको सिलिङपंखामा सलको पासो लगाई झुण्डि रहेको अवस्थामा निजको दाजु सुबास प्रजाले देखि तत्काल पासो निकाली उपचारको लागी हेटौंडा अस्पताल मकवानपुरमा ल्याएकोमा उपचारकै क्रममा डाक्टरले चेकजाँच गर्दा मृत घोषणा गरेको छ । उक्त घटनाको थप अनुसन्धान कार्य भई रहेको छ ।

सवारी दुर्घटनामा परि ४० वर्षीय महिलाको मृत्यु

२०८३-०१-०४

मकवानपुर, बागमती गाउँपालिका-७ पाथिभरा स्थित मदन भण्डारी लोक मार्गमा दुर्घटना भएको भन्ने खबर प्राप्त हुनासाथ इलाक प्रहरी कार्यालय फापरबारीबाट प्रहरी नायव निरीक्षकको कमाण्डमा टोली खटी गई बुझ्दा सोहि स्थानको सडकको बायाँ छेउमा रोकि रहेको ना २ ह ४५९२ नम्बर अटोलाई हेटौंडाबाट ताप्लेजुङ तर्फ जाँदै गरेको प्र.३-०१-०२३ च ३०८१ नम्बरको कारले ठक्कर दिदा दुबै सवारी साधनहरु सडकको नालिमा खस्न गई दुर्घटना हुँदा अटोमा सवार ३ जनालाई उपचारको लागी अस्पताल लगिएकोमा बागमती गाउँपालिका-७ बस्ने वर्ष ४० की चिनी माया रूम्बालाई डाक्टरले मृत घोषणा गरेको र २ जनाको उपचार भईरहेको छ ।

रुखबाट घाँस झार्ने क्रममा लडी मृत्यु

२०८३-०१-०३

रामेछाप, मन्थली नगरपालिका-२, पिप्ले सानो चौर स्थित बस्ने हेम बहादुर श्रेष्ठको श्रीमती वर्ष अन्दाजी ५९ की चन्द्रावती श्रेष्ठ आफ्नै घर नजिकै आफ्नै बारिमा रहेको कुटमेरोको रुखबाट घाँस झार्ने क्रममा लडी मृत्यु भएको । यस घटना सम्बन्धमा थप अनुसन्धान कार्य भईरहेको छ ।

काभ्रेमा मानिस झुण्डी मृत अवस्थामा फेला

२०८३-०१-०२

काभ्रे धुलिखेल नगरपालिका-८ बगैचा बस्ने वर्ष अन्दाजी ५५ को एक बहादुर गौतम आफ्नै घर देखि १ कि.मि. पर्ने धानछरे सामुदायिक जंगल रातमाटे स्थित सालको रुखमा नाईलनको डोरी घाँटीमा पासो लगाई मृत अवस्थामा फेला परेको छ । घटनास्थल मुचुल्का सहित थप अनुसन्धान कार्य भई रहेको छ ।

मानिस झुण्डी मृत अवस्थामा फेला

२०८३-०१-०२

सिन्धुली हरिहरपुरगढी गाउँपालिका-२ बखफर बस्ने अन्दाजी वर्ष ५७ को बसन्त राई आफ्नै घरको माथिल्लो तलाको बाहिर बार्दलीको काठको बलामा नाईलनको डोरीको पासो लगाई झुण्डी मृत अवस्था फेला परेको हो । घटनास्थल मुचुल्का सहित थप अनुसन्धान कार्य भई रहेको छ ।

मानिस झुण्डी मृत अवस्थामा फेला

२०८३-०१-०१

दोलखा तामकोशी गाउँपालिका-५ शहरे भगेरी बस्ने वर्ष अन्दाजी ५५ को पुस्कर खड्का आफ्नै घर देखि अन्दाजी २५ मिटर पूर्वतर्फ रहेको शिरिसको रूखमा नाईलनको डोरीको पासो लगाई झुण्डी मृत अवस्थामा फेला परेको छ । घटनास्थल मुचुल्का सहित थप अनुसन्धान कार्य भई रहेको छ ।