प्रहरी कन्ट्रोल : १००, टोल फ्री नं.: १६६०५७५२१००
नेपा
EN

कुकुर तिहारको अवसर नेपाल प्रहरीको तालिम प्राप्त कुकुरहरूको पुजा कार्यक्रम सम्पन्न

२०८०-०७-२६

  • A
  • A-
  • A+
Share

कुकुर तिहारको अवसरमा आज यस बागमती प्रदेश प्रहरी कार्यालय हेटौडाको केनाईन शाखामा रहेको अपराध नियन्त्रण र अनुसन्धानको क्षेत्रमा महत्वपूर्ण भूमिका निर्वाह गर्ने तालिम प्राप्त कुकुरहरूलाई बागमती प्रदेश प्रहरी प्रमुख प्रहरी नायव महानिरीक्षक किरण राणाज्यूको समुपस्थितिमा पुजा कार्यक्रम सम्पन्न भएको छ । उक्त कार्यक्रममा बागमती प्रदेश प्रहरी प्रमुख प्रहरी नायव महानिरीक्षक किरण राणाज्यू, बागमती प्रदेश प्रहरी गणका प्रमुख प्रहरी उपरीक्षक राकेश सिंहज्यू, प्रहरी उपरीक्षक ईश्वर थापाज्यू, प्रहरी नायव उपरीक्षकज्यू, प्रहरी निरीक्षकज्यू लगायत विभिन्न दर्जाका प्रहरी कर्मचारीहरुको उपस्थितिमा नेपाल प्रहरीका तालिम प्राप्त कुकुरहरूलाई पुजा गरी माला पहिराई मिठा खाने कुराहरू प्रदान गरी पुजा कार्यक्रम सम्पन्न भएको थियो । २०६९ सालमा बागमती प्रदेश प्रहरी कार्यालय हेटौडामा केनाईन शाखाको स्थापना भई हाल ४ वटा विभिन्न विधामा तालिम प्राप्त  र २ वटा तालिमरत कुकुरहरू गरी जम्मा ६ वटा नेपाल प्रहरीका सेवारत कुकुरहरू रहेका छन् ।

सम्बन्धित समाचार
दोलखामा भरुवा बन्दुकले लागी एकको मृत्यु
२०८०-०८-१७

दोलखा, तामाकोशी गाउँपालिका-२, झुले स्थित झुलेबाट ३ किलोमिटर दक्षिण डाँडावारी जम्बोटे जंगलमा सिकार खेल्न गएको ७ जना मध्ये जिल्ला दोलखा, तामाकोशी गाउँपालिका-२, झुले बस्ने अन्दाजी २० वर्षीय सन्जीब सार्कीले चलाएको भरुवा बन्दुकको बट भाँचि अटोमेटिक फाएर भई निजलाई देब्रे भागको छातीमा छर्राले लागी घाईते हुदाँ तत्काल उपचारको तामाकोशी अस्पताल, दोलखामा सामान्य उपचार पश्चात थप उपचारको लागी पशुपती चौलागाँई स्मृति अस्पताल चरिकोट, दोलखामा ल्याई उपचार गर्ने क्रममा मृत्यु भएको छ । यस घटना सम्बन्धमा थप अनुसन्धान कार्य भईरहेको छ ।