प्रहरी कन्ट्रोल : १००, टोल फ्री नं.: १६६०५७५२१००
नेपा
EN

कुकुर तिहारको अवसर नेपाल प्रहरीको तालिम प्राप्त कुकुरहरूको पुजा कार्यक्रम सम्पन्न

२०८०-०७-२६

  • A
  • A-
  • A+
Share

कुकुर तिहारको अवसरमा आज यस बागमती प्रदेश प्रहरी कार्यालय हेटौडाको केनाईन शाखामा रहेको अपराध नियन्त्रण र अनुसन्धानको क्षेत्रमा महत्वपूर्ण भूमिका निर्वाह गर्ने तालिम प्राप्त कुकुरहरूलाई बागमती प्रदेश प्रहरी प्रमुख प्रहरी नायव महानिरीक्षक किरण राणाज्यूको समुपस्थितिमा पुजा कार्यक्रम सम्पन्न भएको छ । उक्त कार्यक्रममा बागमती प्रदेश प्रहरी प्रमुख प्रहरी नायव महानिरीक्षक किरण राणाज्यू, बागमती प्रदेश प्रहरी गणका प्रमुख प्रहरी उपरीक्षक राकेश सिंहज्यू, प्रहरी उपरीक्षक ईश्वर थापाज्यू, प्रहरी नायव उपरीक्षकज्यू, प्रहरी निरीक्षकज्यू लगायत विभिन्न दर्जाका प्रहरी कर्मचारीहरुको उपस्थितिमा नेपाल प्रहरीका तालिम प्राप्त कुकुरहरूलाई पुजा गरी माला पहिराई मिठा खाने कुराहरू प्रदान गरी पुजा कार्यक्रम सम्पन्न भएको थियो । २०६९ सालमा बागमती प्रदेश प्रहरी कार्यालय हेटौडामा केनाईन शाखाको स्थापना भई हाल ४ वटा विभिन्न विधामा तालिम प्राप्त  र २ वटा तालिमरत कुकुरहरू गरी जम्मा ६ वटा नेपाल प्रहरीका सेवारत कुकुरहरू रहेका छन् ।

सम्बन्धित समाचार
लगुऔषध सहित मानिस नियन्त्रणमा
२०८१-०२-११

मकवानपुर, हेटौंडा उपमहानगरपालिका-३, लेवट स्थित पूर्व पश्चिम सडक खण्डमा प्रहरी चौकी बसामाडी लेवटबाट प्रहरी सहायक निरीक्षकको कमाण्डमा खटीएको चेकिङ टोलीले चेकजाँच गर्ने क्रममा बस्तिपुर तर्फबाट हेटौंडा तर्फ जाँदै गरेको बागमती प्रदेश ०३-००१ज ००४६ नम्बरको म्याजिक रोकी राखेकोमा म्याजिकमा सवार सबै प्यासेन्जरहरु झरी गएकोले तत्काल उक्त म्याजिकलाई शंका लागि चेकजाँच गर्दा काठको मन्दिर भित्र दुई वटा कपडाको पोका फेला परेकोले उक्त पोका खोली हेर्दा लागु औषध गाँजा १० किलो ४४२ ग्राम फेला परेको । लगुऔषध सहित म्याजिक चालक लाई नियन्त्रणमा लिई थप अनुसन्धान कार्य भईरहेको छ ।

लागुऔषध सहित मानिस नियन्त्रणमा
२०८१-०२-१०

मकवानपुर, हेटौंडा उपमहानगरपालिका-१५, चुरियामाई पिपलबोट चेक पोइन्ट स्थित पुर्व पश्चिम सडक खण्डमा ईलाका प्रहरी कार्यालय पशुपतिनगरबाट प्रहरी निरीक्षक र प्रहरी चौकी रातोमाटेबाट खटिएको संयुक्त चेकिङ टोलीले बिरगंजबाट  हेटौंडा तर्फ आउँदै गरेको बा ३ ख ४२ नं.को माईक्रोलाई रोकी चेकजाँच गर्दा उक्त माईक्रोमा सवार जिल्ला पर्सा बिरगंज महानगरपालिका १६ ईनर्वा बस्ने वर्ष अन्दाजी २१ को तवरेज आलमको साथबाट फेनारगन १०० पिस, सोहि बस्ने वर्ष अन्दाजी १८ को रवि दासको साथबाट डाईजेपाम १०० पिस र सोहि बस्ने वर्ष अन्दाजी २२ को रुस्तम अन्सारीको साथ बाट Noophin-१०० पिस लागुऔषध फेला परेको थियो । निजहरूलाई लगुऔषध सहित नियन्त्रणमा लिई थप अनुसन्धानको लागी जिल्ला प्रहरि कार्यालय मकवानपुर पठाएको ।