प्रहरी कन्ट्रोल : १००, टोल फ्री नं.: १६६०५७५२१००
नेपा
EN

निरीक्षण तथा निर्देशन सम्बोधन

२०८०-०२-१२

  • A
  • A-
  • A+
Share

बागमती प्रदेश प्रहरी प्रमुख प्रहरी नायव महानिरीक्षक किरण राणा समेतको अनुगमन टोलीद्वारा बागमती प्रदेश प्रहरी कार्यालय मातहत जिल्ला प्रहरी कार्यालय दोलखाको निरीक्षण तथा निर्देशन सम्बोधन कार्यक्रम सम्पन्न भएको छ । आज आयोजित एक कार्यक्रम वीच जिल्ला प्रहरी कार्यालय दोलखाबाट सम्पादित कार्यहरूको जानकारी लिनुका साथै भएगरेका समग्र कामकारवाहीहरूको स्थलगत अनुगमन समेत गरिएको थियो । उक्त कार्यक्रममा संगठनले सुम्पेको जिम्मेवारी नागरिकमैत्री तवरले त्रुटिरहित ढंगबाट सम्पादन गरी प्रभावकारी सेवा प्रवाह गर्न प्रहरी कर्मचीहरूलाई आवश्यक बिभागीय निर्देशन समेत दिईएको थियो । स्थलगत अनुगमनको क्रममा दोलखा जिल्ला स्थित स्थानीय जनप्रतिनिधि, नागरिक समाज, राजनैतिककर्मी, विभिन्न संघसंस्थाका प्रतिनिधि, पूर्व प्रहरी, संचारकर्मी, सरोकारवाला निकायहरु लगायतसंग सुरक्षा सरोकारका विषयमा छलफल तथा अन्तरक्रिया कार्यक्रम गरिएको छ । यसै अवसरमा जिल्ला सुरक्षा समितिका पदाधिकारीसंग समेत जिल्लाको सुरक्षा व्यवस्थापन सम्बन्धमा आवश्यक अन्तरक्रिया गरिएको थियो ।

सम्बन्धित समाचार
प्रहरी जवान आधारभुत तालिम ६-२०३ औ समूहको दीक्षान्त समारोह सम्पन्न‍
२०८०-०६-०७

बागमती प्रदेश प्रहरी तालिम केन्द्र दुधौली, सिन्धुलीमा प्रहरी जवान आधारभूत तालिम ६-२०३ औं समूहको आज बागमती प्रदेश प्रहरी प्रमुख प्रहरी नायव महानिरीक्षक किरण राणाज्यूको प्रमुख आतिथ्यतामा दीक्षान्त समारोह सम्पन्न भएको छ । मिति २०७९।०७।२० गते देखि सञ्चालित २३४ कार्यदिन अवधिको प्रहरी जवान आधारभूत तालिम ६-२०३ औं समूहको दिक्षान्त समारोहमा सिन्धुली जिल्लाका प्रमुख जिल्ला अधिकारी सुनिता नेपालज्यू, दुधौली नगरपालिकाका नगर प्रमुख दिनेश अधिकारीज्यू, कमलामाई नगरपालिकाका नगर प्रमुख उपेन्द्र कुमार पोख्रेलज्यू, दुधौली नगरपालिकाका नगर उपप्रमुख चन्द्र किशोर थारूज्यू, बागमती प्रदेश प्रहरी तालिम केन्द्रका समादेशक प्र.ब.उ. कृष्ण हरि शर्माज्यू, श्री नम्वर १ गण तथा पर्यावरण सुरक्षा गण सिन्धुली रानिवासका प्रमुख सेनानी बिमल के.सी.ज्यू, जनप्रतिनिधिज्यूहरु, सिनियर प्रहरी अधिकृतज्यूहरु, संचारकर्मीज्यू, दीक्षित हुने प्रहरी कर्मचारीका अभिभावकज्यू लगायतको उपस्थिति रहेको थियो ।     दीक्षान्त समारोहमा बागमती प्रदेश प्रहरी प्रमुखज्यूले प्रहरी जवान आधारभूत तालिमका २८० जना प्रशिक्षार्थीहरु मध्ये ८ वटा विधामा उत्कृष्ट प्रहरी जवानहरु लाई पुरस्कार वितरण गर्नु भई दीक्षित प्रहरी जवानका आफन्तजनमा हार्दिक आभार व्यक्त गर्नु भएको थियो । दीक्षित प्रहरी जवानहरुलाई  कार्यक्षेत्रमा अनुशासित, मर्यादित र प्रहरी आचरणको पुर्ण पालना गर्दै संगठन प्रति बफादार र आम नागरिकको सहयोगीका रुपमा मन, बचन र कर्मले उच्च मनोबलका साथ कार्य गर्न शुभकामना सहितको निर्देशन समेत दिनु भएको थियो ।

छुट्टाछुट्टै स्थानमा मानिस झुण्डी मृत्यु
२०८०-०६-०६

मकवानपुर, थाहा नगरपालिका-४, रुप्से बस्ने अन्दाजी ३७ वर्षीय दिनेश लामा आफ्नै घरको धुरीको बलोमा प्लाष्टिकको डोरीले पासो लगाई झुण्डिएको अवस्थामा मृत फेला परेको छ । घटनास्थल मुचुल्का सहित थप अनुसन्धान कार्य भईरहेको छ ।नुवाकोट, ककनी गाउँपालिका-४, रानीपौवा स्थित रानीपौवाबाट डाँडा गाउँ जाने कच्ची सडक खण्डको छेउमा हाल नाम थर वतन नखुलेको अन्दाजी २६ वर्षीय पुरुष ब्यक्ती सल्लाको रूखमा नाईलनको डोरीले लगाई झुण्डी मृत्यु भएको छ । घटनास्थल मुचुल्का सहित थप अनुसन्धान कार्य भईरहेको छ ।चितवन, कालिका नगरपालिका-४, पिपरिया टोलको सृजना चोक  बस्ने वर्ष अन्दाजी १४ की अग्रता प्रधान आफु सुत्ने कोठाको सिलिङ्ग पंखा झुण्ड्याउने रडमा सलको पासो लगाई झुण्डिएको अवस्थामा मृत फेला परेको छ । यस घटना सम्बन्धमा थप अनुसन्धान कार्य भईरहेको  छ । सिन्धुली, तिनपाटन गाउँपालिका-४, बेशीटार घर भई हाल जिल्ला सिन्धुली, कमलामाई नगरपालिका वडा नम्बर ६ सिद्धस्थली बोडिङ नजिकै डेरा गरी बस्ने अन्दाजी २४/२५ वर्षीया की सन्जु राना मगर आफु सुत्ने कोठाको काठको बलोमा सलको पासो लगाई झुण्डी मृत अवस्थामा फेला परेको छ ।