तालिम समापन

२०७९-०८-१९

A
A^-
A⁺

बागमती प्रदेश प्रहरी तालिम केन्द्र दुधौली, सिन्धुलीको तत्वावधानमा बागमती प्रदेश प्रहरी कार्यालय हेटौंडाद्वारा बागमती प्रदेश प्रहरी गण हेटौंडामा संचालित रेडियो अपरेटर ग्रेड थ्री (प्र.ज.) तालिम १६ औं समुहको दीक्षान्त समारोह सम्पन्न भएको छ । बागमती प्रदेश प्रहरी गण हेटौंडामा आज आयोजित एक कार्यक्रमका बीच प्रहरी उपरीक्षक गौतम मिश्रले तालिमको समापन गर्नुभएको हो । ७५ कार्यदिन अवधीको उक्त तालिममा २५ जना पुरुष र ५ जना महिला गरी ३० प्रशिक्षार्थीहरूको सहभागिता रहेको थियो । तालिम समापन समारोहमा बागमती प्रदेश प्रहरी कार्यालय हेटौंडा र बागमती प्रदेश प्रहरी गण हेटौंडामा कार्यरत अन्य सकल दर्जाका प्रहरी अधिकृत तथा जवानहरूको समेत सहभागिता रहेको थियो ।

सम्बन्धित समाचार

मकवानपुरमा झुण्डी दुई जनाको मृत्यु

२०७९-१०-२२

मकवानपुर, गढि गाउँपालिका-४ सयपत्री टोल बस्ने ज्ञान बहादुर बल को श्रीमती बर्ष ३० कि शान्ति बलको झुण्डी मृत्युब भऐको छ । निज आफ्नै घरमा आफु सुत्ने कोठामा सलको पासो लगाई झुण्डी मृत अवस्थामा फेला परेकी थिईन । साथै हेटौडा उप-महानगरपालिका-१४ उत्तरपानि बस्ने बर्ष ४४ को सालिकराम घलानको झुण्डी मृत्यु भएको छ । निज आफ्नै घर देखि अन्दाजी १०/१५ मिटर पुर्ब तर्फ रहेको काप्रोको रुखमा प्लाष्टिकको डोरीले पासो लगाई झुण्डी मृत अवस्थामा फेला रहेका थिए । यस घटनाहरुको सम्बन्धमा थप अनुसन्धान कार्य भईरहेको छ ।

वेवारिसे महिला मृत अवस्थामा फेला

२०७९-१०-२२

चितवन, भरतपुर महानगरपालिका-१६ ब्रहमपुर चौधघरे घर भई बिगत २ बर्ष देखि घर छोडी बेवारिसे अवस्थामा मागिखाई हिड्ने अन्दाजी बर्ष ४४/४५ की चित्र मायाँ कुंवर घर देखि अन्दाजी २ कि.मि.पुर्व फुर्तिचोक स्थित सडक छेउमा मृत अवस्थामा फेला परेकी थिईन । यस घटना बारे थप अनुसन्धान कार्य भईरहेको छ ।

निरीक्षण तथा निर्देशन

२०७९-१०-२२

बागमती प्रदेश प्रहरी प्रमुख प्रहरी नायव महानिरीक्षक दीपक थापाले जिल्ला प्रहरी कार्यालय चितवनको निरीक्षण तथा अवलोकन भ्रमण गर्नुभएको छ । आज आयोजित एक कार्यक्रमका बीच प्रदेश प्रहरी प्रमुख थापाले जिल्ला प्रहरी कार्यालय चितवनको वस्तुस्थितिको जानकारी लिनुका साथै जिल्लाबाट सम्पादित पछिल्लो गतिविधीहरुको जानकारी लिनुभएको हो । निरीक्षण तथा अवलोकन भ्रमणपश्चात् प्रदेश प्रहरी प्रमुख प्रहरी नायव महानिरीक्षक थापाले चितवन जिल्लाको भौगोलिक संवेदनशीलता लाई मनन गरी तस्करी नियन्त्रण गर्न, वस्तुनिष्ठ अपराध अनुसन्धान गर्न, फैसला कार्यान्वयन तथा पेण्डिङ मुद्दा फर्स्यौटलाई प्राथमिकता दिन र पीडितलाई केन्द्रबिन्दुमा राखी गुनासो रहित ढंगबाट प्रहरी सेवा प्रवाह गर्न प्रहरी कर्मचारीहरुलाई निर्देशन समेत दिनुभएको थियो ।

अन्तरक्रिया कार्यक्रम सम्पन्न

२०७९-१०-२२

बागमती प्रदेश प्रहरी प्रमुख प्रहरी नायव महानिरीक्षक दीपक थापाले जिल्ला प्रहरी कार्यालय चितवन निरीक्षणको क्रममा चितवन जिल्ला स्थितका स्थानिय तहका जनप्रतिनिधी, समाजसेवी, राजनीतिक दल, संचारकर्मी, पूर्व प्रहरी तथा अमर प्रहरी परिवार, बिभिन्न संघ संस्थाका प्रतिनिधी, नागरिक समाजका बिभिन्न ब्यक्तिहरूसँग छलफल तथा अन्तरक्रिया गर्नुभएको छ । छलफलका क्रममा प्रदेशको शान्ति, सुरक्षाका विषयमा उठेका जिज्ञासाहरुको जवाफ दिँदै प्रदेश प्रहरी प्रमुख थापाले सबै सरोकारवाला निकाय र आम नागरिकहरुको सहकार्य र समन्वयमा मात्र प्रभावकारी शान्ति सुरक्षा कायम हुने र वस्तुनिष्ठ अपराध अनुसन्धान सम्भव हुने भएकाले निरन्तर सहयोग र समन्वय गर्दै अगाडि बढ्न सबै निकाय र नागरिक समाजका प्रतिनिधीहरुलाई आह्वान गर्नुभएको छ ।

मानव सेवा आश्रममा एक महिलाको मृत्यु

२०७९-१०-२२

चितवन, भरतपुर महानगरपालिका-२ क्षेत्रपुर बाट बेवारिसे अवस्थामा बसी मागिखाई हिड्ने अन्दाजी बर्ष ४०/४५ की गङगा अधिकारी नाम बताउने महिलालाई उद्दार गरि भरतपुर-३ बेलचोक स्थितमा रहेको मानव सेवा आश्रममा लागि राखिएकोमा निजको उक्त आश्रममा मृत्यु भएको छ । यस घटनाको सम्बन्धमा थप अनुसन्धान कार्य भईरहेको छ ।

लागुऔषध गाँजा सहित मानिस नियन्त्रणमा

२०७९-१०-२२

मकवानपुर, हेटौडा उप-महानगरपालिका-१० बसपार्क स्थितबाट प्रहरीले बिशेष सुचनाको आधारमा लागुऔषध सहित मानिस नियन्त्रणमा लिएको छ । शंकास्पद किसिमले हिडिरहेको अवस्थामा प्रहरीले जिल्ला पर्सा पटेर्वा सुगौली गाउँपालिका-४ बस्ने अन्दाजी ५५ वर्षीय पर्देसी माझी थारू लागुऔषध गाँजा सहित निजलाई नियन्त्रणमा लिईएको हो । प्रहरीले निजले पछाडी भिरेको कपडाको झोलामा लुकाई छिपाई ल्याएको लागुऔषध गाँजा अन्दाजी ५ के.जी. ५०० ग्राम फेला पारेको थियो । यस घटना बारे थप अनुसन्धान कार्य भईरहेको छ ।