८० किलोग्राम भन्दा बढी लागुऔषध गाँजा बरामद

२०८२-०२-१८

A
A^-
A⁺

मकवानपुर, थाहा नगरपालिका-३, थानाबजार स्थित त्रिभुवन राजपथ सडक खण्डमा लागुऔषध ओसार पोसार भईरहेको छ भन्ने बिशेष सूचनाको आधारमा इलाका प्रहरी कार्यालय पालुङ मकवानपुरबाट खटिएको प्रहरी चेकिङ टोलीले डाँडाबासबाट काठमाण्डौं तर्फ जाँदै गरेको बा ५ च. ४४११ नम्बरको सुमोलाई रोकी चेकजाँच गर्ने क्रममा गाडीको पछाडीको ढोका र डिक्कीमा फल्स बटम बनाई लुकाई छिपाई ल्याएको अवस्थामा प्लाष्टिकले बेरिएको लागुऔषध गाँजा १३ वटा प्याकेट तौल गर्दा ८० किलो १२० ग्राम रहेको र गाडी चालक जिल्ला गोर्खा, पालुङटार नगरपालिका-१० अन्दाजी २८ वर्षीय मधुसुदन अधिकारी र गाडीमा सवार जिल्ला सिन्धुली, दुधौली नगरपालिका-८ बस्ने अन्दाजी २५ वर्षीय नवराज खड्कालाई लागुऔषध सहित नियन्त्रणमा लिई थप अनुसन्धान कार्य भईरहेको छ ।

सम्बन्धित समाचार

दोलखामा झुण्डी मृत्यु

२०८२-०४-१४

दोलखा, जिरी नगरपालिका-६, यार्सागोलाइ बस्ने निरेन्द्र जोगीको छोरी वर्ष अन्दाजी १८ की आषिका जोगी आफ्नै घरको काठको निदालमा सलको पासो लगाइ झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।

करेन्ट लागी मृत्यु

२०८२-०४-१३

चितवन, भरतपुर महानगरपालिका-१८, गुन्जनगर स्थित जुना नेपालीको बारिमा पानी तान्ने पम्पमा आगलागी भएको हुँदा उक्त आगो निभाउने क्रममा सोहि बस्ने वर्ष ५० को शेर बहादुर थापालाई करेन्टलागी घाइते भई उपचारको लागी नयाँ मेडिकल कलेज भरतपुर ल्याएकोमा डाक्टरले चेकजाँच गरी मृत घोषणा गरेको । यस घटना सम्बन्धमा थप अनुसन्धान कार्य भईरहेको छ ।

विषादी सेवनबाट एकको मृत्यु

२०८२-०४-१२

चितवन, खैरहनी नगरपालिका-७, सुर्तना बस्ने वर्ष ५२ को बुद्धिराज चौधरीले नाम नखुलेको विषादी सेवन गरी उपचारको लागि निजको भाइ चुडामणि चौधरीले भरतपुर नेसनल सिटी अस्पताल ल्याएकोमा उपचारको क्रममा डाक्टरले मृत घोषणा गरेको ।

नुवाकोटमा झुण्डी एकको मृत्यु

२०८२-०४-११

नुवाकोट, बेलकोटगढी नगरपालिका-६, डढुवा स्थित बस्ने वर्ष अन्दाजी ३२ को बिनोद बहादुर तामाङ घरबाट अन्दाजी १.५ किलोमिटर दक्षिण तर्फ जङगलमा चिलाउनेको रुखमा नाम्लोको पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।

अवैध ६७१ किलो ६०० ग्राम लागू औषध सहित मानिस नियन्त्रणमा

२०८२-०४-१०

चितवन, राप्ती न.पा.०१ स्थित लोथर पुल नजिकै चितवनबाट मकवानपुर तर्फ जाँदै गरेको UP 82 T 3921 नम्बरको भारतिय कन्टेनर ट्रकलाई रोकी चेकजाँच गर्ने क्रममा ड्राईभर क्याबिनको माथिको भागमा फल्स बटन बनाई प्याकिङ गरी लुकाई छिपाई राखेको अवस्थामा जिल्ला प्रहरी कार्यालय चितवनमा ल्याई चेकजाँच गर्ने क्रममा लागू औषध गाँजा जस्तो देखिने बस्तु तौल गर्दा ६७१ किलो ६०० ग्राम फेला पारेको । उक्त भारतिय नं. प्लेटको ट्रक र ट्रक चालक देश भारत बिहार राज्य पूर्वी चम्पारण जिल्ला तुर्कालिया घर भएका वर्ष ३७ को शेख सविल अखतरलाई नियन्त्रणमा लिई थप अनुसन्धान कार्य भई रहेको ।

दोलखामा झुण्डी मृत्यु

२०८२-०४-०९

दोलखा, गौरीशंकर गाउँपालिका-३, झ्याकु स्थित ससेपु टोलमा बस्ने वर्ष अन्दाजी ५८ को रुद्र बहादुर खड्का घरमा कोही कसैलाई नसोधी हिडेकोमा बेलुका सम्म पनि घर फर्कि नआएको हुँदा आफन्तहरुले खोजतलास गर्दै जाने क्रममा घर देखि अन्दाजी ३०० मिटर पश्चिम तर्फ आफ्नै बारीको अंगेरीको रुखमा प्लाष्टिकको डोरीले घाँटीमा पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।