प्रहरी कन्ट्रोल : १००, टोल फ्री नं.: १६६०५७५२१००
नेपा
EN

बिजुली सर्ट भई आगलागी

२०७८-०८-२०

  • A
  • A-
  • A+
Share

चितवन, भरतपुर महानगरपालिका-१ रामनगर खानेपानि ट्याङ्की नजिक रहेको इको पाइप फ्याक्ट्रीमा अचानक आगलागी भएको छ ।

उक्त फ्याक्ट्री सोहि महानगरपालिका-२ क्षेत्रपुर बस्ने राजुलाल श्रेष्ठले संचालन गर्दै आएका थिए । आगो अचानक बिजुली सर्ट भई लागेको थियो । आगलागीबाट कम्पनी को दुइ भाग मध्ये एक भागमा रहेको पाइप, कच्चापदार्थ बनाउने मेसिन समेत जलि नष्ट हुँदा अन्दाजी रु २०,००,०००।- (बिस लाख) बराबरको क्षती भएको छ । उक्त आगो दमकल, स्थानिय मानिस र प्रहरीको सहयोगमा पुर्ण रुपमा नियन्त्रणमा आएको थियो ।

घट्नाको सम्बन्धमा प्रहरीले आवश्यक अनुसन्धान कार्य गरिरहेको छ । 

सम्बन्धित समाचार
संचारकर्मीहरूसँग परिचयात्मक तथा अन्तरक्रिया कार्यक्रम सम्पन्न
२०८०-०२-२४

बागमती प्रदेश प्रहरी कार्यालय, हेटौंडामा संचारकर्मीहरूसँग परिचयात्मक तथा अन्तरक्रिया कार्यक्रम सम्पन्न भएको छ । आज आयोजित एक कार्यक्रमका बीच बागमती प्रदेश प्रहरी प्रमुख प्रहरी नायव महानिरीक्षक किरण राणाको प्रमुख आतिथ्यतामा मकवानपुर जिल्लास्थित विभिन्न संचार माध्यममा आवद्ध संचारकर्मीहरूसँग उक्त कार्यक्रम सम्पन्न भएको हो । अन्तरक्रिया कार्यक्रममा उपस्थित संचारकर्मीहरूले बागमती प्रदेशको शान्ति सुरक्षाको विषयमा विभिन्न जिज्ञासा राख्नुभएको थियो भने प्रदेश प्रहरी प्रमुख राणाले संचारकर्मीको जिज्ञासाको जवाफ दिनुभएको थियो । यसैगरी प्रदेश प्रहरी प्रमुख प्रहरी नायव महानिरीक्षक राणाले प्रभावकारी शान्ति सुरक्षा व्यवस्थापनमा संचार माध्यमको समेत महत्वपूर्ण भूमिका हुने भएकाले निरन्तर समन्वय गर्दै अगाडी बढ्न संचारकर्मीहरूलाई आह्वान समेत गर्नुभएको थियो । कार्यक्रममा बागमती प्रदेश प्रहरी प्रवक्ता प्रहरी वरिष्ठ उपरीक्षक दिपक रेग्मीले बागमती प्रदेश प्रहरी अन्तर्गतका कार्यालयहरूको काम कारबाहीको सन्दर्भमा संक्षिप्त प्रस्तुतीकरण गर्नुभएको थियो ।